Sonora Stadium ရဲ့ ခမ်းနားခြင်းများ

တည်းဖြတ်သူ Myanmar Home and Decoration
ရေးသားသူ လင်းလက် မှ
November 20, 2017 နေ့
အခြားဆောင်းပါးများ ကဏ္ဍတွင်
ထည့်သွင်းရေးသားခဲ့သည်။

1

Sonora Stadium ရဲ့ ခမ်းနားခြင်းများ


နိုင်ငံတကာစံနှုန်းတွေအတိုင်းတည်ဆောက်ထားပြီး မက်စီကိုနိုင်ငံရဲ့ဂုဏ်ယူစရာတစ်ခုဖြစ်လာခဲ့တဲ့ Sonora Stadium အကြောင်းကို Myanmar Home & Decor Magazine ချစ်သူများကို ဝေမျှပေးချင်ပါတယ်။ Sonora Stadium ကို ဗိသုကာပညာရှင်ဖြစ်တဲ့ 3Arquitecturaက တည်ဆောက်ခဲ့တာဖြစ်ပါတယ်။ ဒီကစားကွင်းကြီးက မက်စီကိုနိုင်ငံ Hermosillo မြို့မှာတည်ရှိပြီး ၂၀၁၃ခုနှစ်မှာတည်ဆောက်ပြီးဆုံးခဲ့တာဖြစ်ပါတယ်။
Sonora အားကစားကွင်းက El Colorado မီးတောင်ကိုယ်စားပြုဒေသရဲ့ iconographic element အဖြစ်ကျော်ကြားပြီး El Pinacate လို့ခေါ်တဲ့ ဇီဝထုကန့်သတ်ထားတဲ့နေရာမှာတည်ရှိပါတယ်။ မြို့အနေနဲ့ဆိုရင် တော့ Hermosillo မြို့ရဲ့အနောက်ဘက်ဂိတ်မှာတည်ရှိပါတယ်။ Sonora အားကစားကွင်းက Hermosillo မြို့ မှာရှိတဲ့ ‘Puerta Oeste’ မြို့သစ်ဖွံ့ဖြိုးတိုးတက်မူအတွက် ပထမဆုံးအဆောက်အဦဖြစ်ပြီး အဓိကကျတဲ့အရာ တစ်ခုပဲဖြစ်ပါတယ်။

ဒီအားကစားကွင်းရဲ့ဒီဇိုင်းက မေဂျာလိဂ်အဆင့်မီတယ်လို့ ဆောက်လုပ်နေစဉ်အချိန်ထဲက Arizona Diamond Backs နဲ့ MLB ကိုယ်စားလှယ် ဘုတ်အဖွဲ့ကအတည်ပြုခဲ့ပါတယ်။ ကစားကွင်းအတွင်းပိုင်း ဖွဲ့စည်း တည်ဆောက်ခြင်းနဲ့အတူ ကွင်းရဲ့အောက်ခြေမျက်နှာပြင်မှာလည်း နိုင်ငံတကာစံချိန်စံညွှန်းတွေအတိုင်း အဆင့် မြင့်နည်းပညာပစ္စည်းတွေကိုအသုံးပြုပြီး ဒီဇိုင်းရေးဆွဲတည်ဆောက်ခဲ့ကြတာဖြစ်ပါတယ်။ နောက် သဲ၊ ကျောက်စ ရစ်၊ ရွှံ့၊ မြက်ပင်၊ ရေနှုတ်မြောင်း ၊ ဆည်မြောင်းတွေကို တိကျစွာစုံစမ်းရှာဖွေပြီး ၎င်းတောင်စောင်းနဲ့ မျက်နှာပြင် ပေါ်မှာ ထိပ်ဆုံးအဆင့်ဘေ့(စ်)ဘောအားကစားအတွက် အကောင်းဆုံးအခြေအနေများလည်း ဖန်တီးခဲ့ပါတယ်။

ဒီအဆောက်အဦကြီးမှာဆိုရင် ပရိတ်သတ်ပေါင်း ၁၆၀၀ဝရဲ့အထူးလိုအပ်ချက်တွေကိုအပြည့်အဝပြု လုပ်ပေးနိုင်တဲ့ စွမ်းဆောင်ရည်၊ သီးသန့်ပြုလုပ်ထားတဲ့ထိုင်ခုံ၊ ဈေးသက်သာတဲ့အလူမီနီယံထိုင်ခုံနှင့် ပျမ်းမျှအ နေနဲ့ခန့်မှန်းခြေ ၁၅မိနစ်အတွင်း အလွယ်တကူကယ်ဆယ်ရေးအဖွဲ့လာရောက်နိုင်တဲ့လမ်းကြောင်း ဒီဇိုင်းများပါရှိပါတယ်။

Sonora အားကစားကွင်းက Caribbean စီးရီး၊ Classic ဖြစ်တဲ့ ကမ္ဘာ့ဘေ့(စ်)ဘော (သို့မဟုတ်) ဘော လုံးပွဲတွေမှာ မေဂျာလိဂ်အသင်းကိုလက်ခံကျင်းပနိုင်တဲ့အရည်အချင်းတွေရှိပါတယ်။ Sonora အားကစားကွင်း က နိုင်ငံမှာ နိုင်ငံတကာအရည်အသွေးမှီတဲ့အသွင်အပြင်တွေနဲ့အတူပေါ်ထွက်လာတဲ့ ပထမဆုံးမျိုးဆက်သစ် ဘောလုံးပန်းခြံဖြစ်ပါတယ်။
Sonora အားကစားကွင်းရဲ့ပုံစံအနေအထားကြောင့် Lobby Level ကနေ အစိမ်းရောင်ကွင်းပြင်ကို ပြတ်ပြတ်သားသား မြင်တွေ့ရပါတယ်။ဒါ့ကြောင့် အဝင်အထွက်တွေကိုလည်း အပေါ်ကနေတွေ့မြင်နိုင်သလို မော်နီတာကနေလည်းလှုပ်ရှားမူတွေနဲ့ ကစားပွဲရဲ့တိုးတက်မူတွေကိုလည်း အချိန်တိုင်းစောင့်ကြည့်နိုင်ပါတယ်။
အဓိကအဆောက်အဦဖြစ်တဲ့ Private Suites နဲ့ Events Area ရဲ့ထူးခြားချက်က မိုးကုတ်စက်ဝိုင်းပေါ် ကနေ မြို့ရဲ့ Skyline ကိုဘယ်နေရာကနေပဲဖြစ်ဖြစ်မြင်နိုင်တာဖြစ်ပါတယ်။ မြေအောက်ခန်းထဲမှာဆိုလည်း ဒေ သခံအသင်းရဲ့နေအိမ်ကို အနားယူနိုင်တဲ့နေရာ၊ massage ပြုလုပ်တဲ့နေရာ၊ GYM ကစားနိုင်တဲ့နေရာ၊ batting tunnel၊ ဝန်ဆောင်မူတွေရရှိနိုင်တဲ့နေရာ၊ ကားပါကင်နှင့် စာနယ်ဇင်းရှင်းလင်းပွဲပြုလုပ်နိုင်တဲ့နေရာတို့ကို အပြည့်အစုံထည့်သွင်းပြီးဆောက်လုပ်ထားတာဖြစ်ပါတယ်။
Sonora အားကစားကွင်းရဲ့နည်းပညာဆိုင်ရာပစ္စည်းကိရိယာတွေမှာ 17 x 14 မီတာရှိတဲ့ LED Screen lighting towers ၆ခုအတွက် MUSCO System၊ ပတ်ဝန်းကျင်ကိုလှည့်ပတ်သွားတဲ့ စွမ်းရည်စနစ်ပါဝင်တဲ့ Sound Circuit၊ မီဒီယာတွေထုတ်လွှင့်နိုင်ဖို့အတွက်နေရာငယ်တစ်ခု၊ နိုင်ငံတကာစံနှုန်းတွေနဲ့ပြုလုပ်ထားတဲ့ ဓါတ်ပုံရိုက်ကူးရန်နေရာတို့ပါဝင်ပါတယ်။

Sonora Stadium/ 3Arquitectura
Architects- 3Arquitectura
Location- Bulevar Luis Donaldo Colosio, Hermosillo, Son, Mexico
Project Area- 93624.0 m2
Project Year- 2013

Ref::: Archdaily
Photo : internet

Translated by Myanmar Home & Décor Magazine
For advertising – 09 9635 999 68


Download eBook version as a FREE!


ဆက်စပ်ဆောင်းပါးများ

သမိုင်းထဲက အတွင်းဝန်ရုံး

သမိုင်းထဲက အတွင်းဝန်ရုံး

ဒေါင်းနင်းလမ်းက နာမည်ကျော်အိမ်တစ်လုံး

ဒေါင်းနင်းလမ်းက နာမည်ကျော်အိမ်တစ်လုံး

မိုးရာသီ အိမ်တွင်း ထိန်းသိမ်းဖို့ နည်းလမ်းကောင်းများ (၁၁) ချက်

မိုးရာသီ အိမ်တွင်း ထိန်းသိမ်းဖို့ နည်းလမ်းကောင်းများ (၁၁) ချက်

ရေစိမ့်နံရံများကို ကိုင်တွယ်ခြင်း (၁)

ရေစိမ့်နံရံများကို ကိုင်တွယ်ခြင်း (၁)

ကမ္ဘာကျော် Disneyland မှလှပခမ်းနားရဲတိုက်ကြီးများ၏ မူလဖြစ်တည်ခဲ့ရာဂျာမနီရဲတိုက်ကြီး

ကမ္ဘာကျော် Disneyland မှလှပခမ်းနားရဲတိုက်ကြီးများ၏ မူလဖြစ်တည်ခဲ့ရာဂျာမနီရဲတိုက်ကြီး