စာေရးသူ - : Home & Deco အဖွဲ့သားများ

မိုးရာသီအတွင်း မီးဖိုချောင် ထိန်းသိမ်းနည်းများ

တည်းဖြတ်သူ Myanmar Home and Decoration
ရေးသားသူ Home & Deco အဖွဲ့သားများ မှ
July 7, 2020 နေ့
Kitchenware ကဏ္ဍတွင်
ထည့်သွင်းရေးသားခဲ့သည်။

ads

မိုးရာသီဟာ နှစ်တစ်နှစ်ရဲ့ သိပ်ကို လှပတဲ့ အချိန်တစ်ခုပါ။ မိုးစက်တွေ တဖွဲဖွဲကျနေပြီး ပတ်ဝန်းကျင်တစ်ခုလုံး စိမ်းစို သန့်ရှင်းလို့နေတဲ့ ရာသီပါ။ မိုးရာသီဟာ ပြတင်းပေါက်ဘေးမှာ ထိုင်၊ ကောင်းကင်ကို မော်ကြည့်ပြီး ကော်ဖီပူပူလေးသောက်နေရမယ့် အချိန်တစ်ခုပါ။
မိုးရာသီမှာ အနုသုခုမ များစွာလည်း ရှိပါသေးတယ်။ ဒါ့အပြင် မိုးရာသီ အိမ်တွင်းစိုထိုင်းမှုမြင့်တက်လာတာကလည်း အနုသုခုမ ခေါင်းစဉ်အောက်ကို ရောက်လာပါတယ်။ မိုးရာသီရောက်လာလို့ အပူချိန်ကျလာတာနဲ့အမျှ ပစ္စည်းတွေမှာ စိုထိုင်းမှုစတင်တော့တာပါပဲ။ စိုထိုင်းမှု အနည်းအများဟာ သင်တို့ရဲ့ အခန်းတွေနဲ့ ပရိဘောဂပစ္စည်းတွေအပေါ် များစွာသက်ရောက်မှုရှိပါတယ်။ ဒါပေမယ့် မီးဖိုချောင်ကတော့ မိုးကြောင့် စိုထိုင်းမှု ပိုများပါတယ်။
အခု မိုးတွင်းမှာ သင့်ရဲ့ မီးဖိုချောင်ကို ဘယ်လိုထိန်းသိမ်းသင့်သလဲဆိုတဲ့အချက်တွေကိ ပြောပြပေးသွားမှာပါ။

စိုထိုင်းမှုများပြားခြင်းဟာ ဝိုင်ယာကြိုးတွေပေါ်ပါ သက်ရောက်မှုရှိပါတယ်။ ဝိုင်ယာနဲ့ အသုံးပြုရတဲ့ အရာတွေမှာလည်း သင့်ကို အခက်အခဲတွေနဲ့ ကြုံတွေ့စေနိုင်ပါတယ်။ စိမ့်ဝင်မှုတွေပါ တွေ့ကြုံရနိုင်တာကြောင့် လုံခြုံမှုရှိစေဖို့ အရည်အသွေးမြင့်တဲ့ ဝိုင်ယာတွေ အသုံးပြုပေးပါ။


မီးဖိုချောင်ထဲမှာ လေဝင်လေထွက်ကောင်းအောင် ပြုလုပ်ပေးပါ။ လေအဝင်အထွက်ရှိတာကြောင့် အစိုပြန်တာ ပျောက်သွားစေပါတယ်။ မီးဖိုချောင်ကို ခြောက်သွေ့အောင် ထားပါ။ မီးဖိုချောင်မှာရှိတဲ့ စားပွဲကို သန့်သန့်ရှင်းရှင်းထားပါ။ အစားအစာတွေကို သေချာဖုံးအုပ်ပါ။ လိုအပ်လျှင် မီးဖိုချောင်ပြတင်းပေါက်တွေကို ဖွင့်ရပါမယ်။


မိုးရာသီအတွင်း ပြန်လည်ပြုပြင်ဆောက်လုပ်ဖို့ မဆုံးဖြတ်မိပါစေနဲ့။ မီးဖိုချောင်စားပွဲကို နေ့တိုင်းသန့်ရှင်းဖို့ လိုသလို ကြမ်းပြင်ကိုလည်း ပိုးသတ်ဆေးနဲ့ နေ့တိုင်းသန့်ရှင်းပေးဖို့လိုပါတယ်။


မိုးရာသီအတွင်း စိုထိုင်းထိုင်းအနံ့အသက်ကလည်း တော်တော်လေး စိတ်တိုစရာကောင်းပါတယ်။ အဲ့အနံ့အသက်တွေ ကင်းဝေးသွားစေဖို့ မီးဖိုချောင် အံဆွဲ နဲ့ ဗီရိုတွေရဲ့ အောက်မှာ ရေချိုးခန်းသုံးဆား ကို ထားထားပေးနိုင်ပါတယ်။

Photo Credit – Internet

Download eBook version as a FREE!

လူဖတ်အများဆုံး ဆောင်ပါး (၅)ပုဒ်


    ads

    ကိုယ့်ရဲ့ အိမ်ထဲမှာ၊ အိပ်ခန်းထဲမှာ indoor plant တွေစိုက်ပေးတာက ရုပ်ပိုင်းဆိုင်ရာအရရော၊ စိတ်ပိုင်းဆိုင်ရာအရပါ စိတ်ဖိဆီးမှုတွေကို လျော့ကျစေနိုင်ပါတယ်။ အဲ့ဒီအပြင် indoor Plant လေးတွေက အိမ်အတွင်းလေထုညစ်ညမ်းတာတွေကို ဖယ်ရှားပေးပြီးအိမ်ထဲမှာရှိနေတဲ့ လေတွေကိုပါ သန့်ရှင်းအောင်ပြုလုပ်ပေးပါတယ်။ ဒါကြောင့် ကျန်းမာရေးကောင်းအောင် အိမ်ထဲက လေတွေနဲ့ ဓာတုကင်းစင်အောင် indoor plant လေးတွေကို စိုက်ပေးသင့်ပါတယ်။ အခုပြောပြသွားမှာကတော့ အိမ်ထဲမှာစိုက်သင့်တဲ့ အပင် (၁၀) မျိုးအကြောင်းကိုပြောပြပေးသွားမှာပါ။
    ၁။ နဂါးစက်ပင် (Snake plant )
    နာမည်က နည်းနည်းတော့ ကြောက်စရာကောင်းရင် ကောင်းနေပါလိမ့်မယ်။ ဒါပေမယ့် Snake Plant ရဲ့နာမည်က ပါးလွှာတယ်၊ တမူထူးခြားတဲ့ ပုံသဏ္ဍာန်နဲ့ အရွက်တွေက အပေါ်ကို ထိုးထောင်နေပြီး မြွေအရေပြားပုံစံနဲ့ တူလို့ပေးထားတာပါ။ အဲ့ဒါအပြင် ကြည့်လိုကောင်းပြီး ဘယ်ပတ်ဝန်းကျင်မျိုးမှာမဆို ရှင်သန်နိုင်သလို အများကြီး ဂရုမစိုက်ပေးရင်တောင် ရှင်သန်နိုင်ပါတယ်။


    Snake Plant ဟာ ဗင်ဇင်းဓာတ်ငွေ့နဲ့ ဖော်မယ်ဒီဟိုက်ဓာတ်ငွေ့ အပြင် တခြားမကောင်းတဲ့ဓာတုဓာတ်ငွေနံ့တွေကိုစစ်ထုတ်ပေးပါတယ်။ ဒါကြောင့် Snake Plant ကို အိမ်မှာထားပေးရုံနဲ့ လေကောင်းလေသန့်ရရှိစေနိုင်ပါတယ်။
    ၂။ ရွှေလာငွေလာ (Pothos )
    Pothos ဟာ သင့်အိမ်အတွင်းမှာ အလင်းရောင်နည်းပြီး ခြောက်သွေ့နေမယ်ဆိုရင်တောင် ရှင်သန်နိုင်ပါတယ်။ စစပိုင်းအပင်သေးသေးလေးပေမယ့် ၁၀ ပေ အထိအောင် ရှည်ထွက်လာနိုင်ပါတယ်။ လွယ်လွယ်ကူကူ ရှင်သန်နိုင်ပြီး ရေထဲမှာလည်း ရှင်သန်နိုင်ပါတယ်။ Pothos ဟာ Snake Plant လိုပါပဲ မကောင်းတဲ့ ဓါတုဓာတ်ငွေ့တွေဖြစ်တဲ့ ဗင်းဇင်း၊ ဖော်မယ်ဒီဟိုက် နဲ့ အီသိုင်းလင်း ဓာတ်ငွေ့တွေကို ဖယ်ရှားပေးနိုင်ပါတယ်။


    ၃။ဇော်စိမ်း (Dracaena )
    Dracaena ဟာ သေသေချာချာ ဂရုမစိုက်ပေးရင်တောင် ရှင်သန်နိုင်ပါတယ်။ တခြားအလင်းရောင်အောက်မှာလည်း ရှင်သန်နိုင်ပြီး နေရောင်ခြည်နဲ့ တိုက်ရိုက်မထိတွေ့ရင် ပိုကောင်းပါတယ်။ Dracaena မျိုးစိတ်တွေထဲမှာ Dracaena Lisa ဟာအကြမ်းအခံနိုင်ဆုံးဖြစ်ပြီး အခန်းရဲ့ အပူချိန်နဲ့အညီ ရှင်သန်နိုင်ပါတယ်။ အခန်းရဲ့လေကို သန့်ရှင်းစေချင်တယ်ဆိုရင်တော့ Dracaena မျိုးစိတ်တွေထဲက တစ်ခုဖြစ်တဲ့ Dracaena Marginata ကို စိုက်ပျိုးသင့်ပါတယ်။ Dracaena Marginata ဟာလည်းပဲ ဓာတုဓာတ်ငွေ့တွေကိုဖယ်ရှားပေးနိုင်စွမ်းရှိပါတယ်။


    ၄။ ကျောက်စိမ်းဧကရီ (ZZ plant)
    သင့်ရဲ့အခန်းဟာ အလင်းရောင် သိပ်မရတဲ့ အခန်းဖြစ်နေမယ်ဆိုရင် ထိန်းသိမ်းရလည်းနည်းပြီး အကြမ်းအရမ်းခံတဲ့ အပင်ကို စိုက်ဖို့ အကြံပေးချင်ပါတယ်။ ZZ plant ဟာ အားလူးနဲ့ ဆင်တဲ့ ပင်စည်လေးတွေပါရှိပါတယ်။ ၎င်းပင်စည်တွေထဲမှာ ရေကိုသိုလှောင်ထားပြီး ရှင်သန်ကြပါတယ်။ ZZ Plant ဟာချမ်းသာကြွယ်ဝမှုနဲ့ ခင်မင်ရင်နှီးမှုကို ကိုယ်စားပြုပေးတာကြောင့် ၎င်းအပင်ကိုစိုက်ပျိုးပေးခြင်းဟာ အိမ်ကို သာယာနွေးထွေးစေပါတယ်။


    ၅။ ပင့်ကူဂမုန်း (Spider plant)
    Spider plant တွေက စိုက်ရတာလွယ်ကူပါတယ်။ အလင်းရောင်တော့ လိုအပ်ပေမယ့် နေရောင်ခြည်နဲ့ တိုက်ရိုက်မဟုတ်လည်း ရပါတယ်။ ပြတင်းပေါက်ဘေးမှာ ထားပေးထားရင် ရပါပြီ။ Spider Plant တွေက မျိုးပွားလွယ်ပြီး လေကို သန့်စင်စေပါတယ်။ ဖော်မယ်ဒီဟိုက် ဓာတုဓာတ်ငွေ့နဲ့ ဇိုင်လင်း ဓာတ်ငွေ့တွေကိုလည်း ဖယ်ရှားပေးပါတယ်။


    ၆။ ရာဘာပင် (Rubber Plant )
    Rubber Plant ရှင်သန်ဖို့အတွက် နေရောင်လိုသလို ကြီးထွားပြီး လွတ်လွတ်လပ်လပ် ရှင်သန်နိုင်ဖို့ နေရာနည်းနည်းတော့ ပေးရပါမယ်။ Rubber Plant တွေဟာ အိမ်ထဲက ကာဗွန်ဒိုင်အောက်ဆိုဒ်တွေကို ဖယ်ရှားပေးပါတယ်။


    ၇။ ဘုံနိမ့်ပင် (Bird’s Nest Fern)
    Fern အပင်လေးဟာ လှိုင်းအတွန့်လေးတွေလိုဖြစ်ပြီး၊ အစိမ်းရောင်အပင်ဖြစ်ပါတယ်။ Fern အပင်ကို အိမ်မှာထားရှိခြင်းက အိမ်ကို သာယာနွေးထွေးစေပါတယ်။ ၎င်းအပင်ကို ချိတ်ဆွဲပြီး စိုက်ထားရင် ပိုကြည့်ကောင်းပါတယ်။ Fern အပင်ဟာ စိုထိုင်းစများတဲ့နေရာတွေကို ကြိုက်ပါတယ်။ သင့်ရဲ့ ရေချိုးခန်းထဲမှာလည်း ထည့်စိုက်ထားနိုင်ပါတယ်။ Fern အပင်ဟာ ဖော်မယ်ဒီဟိုက်နဲ့ ဇိုင်းလင်းဓာတ်ငွေ့တွေကို ဖယ်ရှားပေးနိုင်တဲ့အပြင် လက်သည်းဖျက်ဆေး၊ hairspray တို့ကထွက်တဲ့ အဆိပ်အတောက်တွေကိုပါ ဖယ်ရှားပေးပါတယ်။


    ၈။ ရှင်သီဝလိဂမုန်း (Peace Lily)
    အိမ်အတွင်းမှာ အပင်လေးတွေ ရှင်အောင်စိုက်နိုင်တဲ့ အတွေ့အကြုံရှိသွားပြီဆိုရင်တော့ Peace Lily ကို စိုက်ဖို့အကြံပေးချင်ပါတယ်။ Peace Lily မှာ ဝတ်မှုန်တွေပါရှိတာကြောင့် ဝတ်မှုန့် ဓာတ်မတည့်ရင်တော့ မစိုက်သင့်ပါဘူး။ သင့်မှာ မရှိဘူးဆိုရင်တော့ Peace Lily ဟာ ညဘက်မှာ Oxygen ကို ထုတ်ပေးတာကြောင့် သင့်အိပ်ယာဘေးမှာ ထားဖို့ အကြံပေးချင်ပါတယ်။ ဒါ့အပြင် Peace Lily ဟာ အမိုးနီးယား၊ ဗင်းဇင်း၊ ဖော်မယ်ဒီဟိုက် နဲ့ အီသိုင်လင်းတို့လို ဓာတုဓာတ်ငွေ့တွေကို ဖယ်ရှားပေးပါတယ်။


    ၉။ Philodendron Green
    Philodendron Green အပင်တွေဟာ Pothos (ရွှေလာငွေလာပင်) တွေနဲ့တူပြီး ပုံမှန်ရှိတဲ့ အခန်းအနေအထားတစ်ခုမှာဆိုရင် ၁၀ ပေ အထိ ရှည်ထွက်လာအောင် ရှင်သန်နိုင်ပါတယ်။ စင်အမြင့်နဲ့လည်း စိုက်ပျိုးနိုင်ပြီး တွဲလောင်းချ အလှဆင် စိုက်ပျိုးမယ်ဆိုရင်လည်း ရပါတယ်။ စိုက်ရတာ လွယ်ကူပြီး Pothos ပင်အတိုင်းပဲ မျိုးပွားလွယ်ပါတယ်။ လေထုကို အများကြီး သန့်ရှင်းပေးနိုင်တဲ့အထိတော့ မဟုတ်ပေမယ့် ဖော်မယ်ဒီဟိုက် ဓာတုဓာတ်ငွေ့ကို ဖယ်ရှားပေးနိုင်ပါတယ်။


    ၁၀။ ရှားစောင်းလက်ပတ်ပင် (Aloe Vera)
    Aloe Vera ကို အသားအရည်ထိန်းသိမ်းဖို့အတွက်တင် မဟုတ်ဘဲ အိမ်တွင်းစိုက်ပျိုးပေးရင်လည်း ကောင်းပါတယ်။ Aloe Vera ကို အလင်းရောင်ရတဲ့ နေရာမှာ စိုက်ပျိုးတာကောင်းပြီး Aloe Vera ဟာ ရေမလောင်းခင် ခြောက်သွေ့နေရတာကို ပိုကြိုက်ပါတယ်။ Aloe Vera ဟာ ဖော်မယ်ဒီဟိုက် ဓာတုဓာတ်ငွေ့ကို ဖယ်ရှားပေးပါတယ်။

    Photo Credit – Internet

    ယခုဆောင်းပါးကို Myanmar Home & Decor Magazine မှ တင်ဆက်ထားတာဖြစ်ပြီး တဆင့်ကူးယူဖော်ပြခြင်းမပြုပါရန် ကြိုတင်အသိပေးအပ်ပါသည်။

    Download eBook version as a FREE!

    လူဖတ်အများဆုံး ဆောင်ပါး (၅)ပုဒ်


      ads

      မိုးတွင်းမှာ သင့်ရဲ့ သစ်သားပရိဘောတွေနဲ့ သင့်အိမ်လှပအောင် ဂရုစိုက်ပေးပါ။ ပရိဘောဂတွေက ဈေးကြီးပေမယ့် နွေးထွေးမှုရှိစေပြီး နေရတာ သက်သောင့်သက်သာဖြစ်စေပါတယ်။ ဒါပေမယ့် ရေပေါက်တွေနဲ့ စိုထိုင်းမှုက သင့် သစ်သားပရိဘောဂတွေကို ဖျက်စီးပစ်နိုင်ပါတယ်။ မိုးတွင်းမှာ သစ်သားအသုံးအဆောင်တွေ မဝယ်တာပဲဖြစ်ဖြစ် ပြန်လည်ပြုပြင်ထိန်းသိမ်းတာပဲဖြစ်ဖြစ် လုပ်ဖို့ အကြံပေးချင်ပါတယ်။ တကယ်တော့ သစ်သားပရိဘောဂတွေကို ထိန်သိမ်းဖို့က အရေးကြီးပါတယ်။ အထူးသဖြင့် မိုးရာသီမှာ ပိုလို့တောင် အရေးကြီးပါသေးတယ်။ မိုးရာသီမှာ ကျွမ်းကျင်သူတွေရဲ့ အဆိုအရ သစ်သားပရိဘောဂတွေကို ဘယ်လို ထိန်းသိမ်းကာကွယ်မလဲဆိုတဲ့ အချက်တွေကိ ဖော်ပြပေးသွားမှာပါ။
      ၁။ အရောင်တင်ဆီ
      မိုးတွင်းမှာ သင့်သစ်သားပရိဘောဂတွေ အစိုဓာတ်ခံနိုင်ရည်ရှိအောင် လုပ်ပေးတာကောင်းပါတယ်။ သစ်သားတစ်ခုနဲ့ တစ်ခုအဆက်ကြားမှာ အစိုပြန်မှုကို ကာကွယ်မှုပေးနိုင်တဲ့ အရောင်တင်ဆီ နဲ့ အဆက်ကြားကို ချိတ်ပိတ်ပေးနိုင်တဲ့ ပစ္စည်းတွေကို အသုံးပြုပေးပါ။ ထိုပစ္စည်းတွေက ဈေးမှာ အလွယ်တကူဝယ်နိုင်ပြီး အိမ်မှာလည်း လွယ်လင့်တကူအသုံးပြုလို့ရအောင်လည်း ထားထားပေးပါ။


      ၂။ ဖယောင်းနှင့် အဆီ
      သစ်သားပရိဘောဂနဲ့ သစ်သားကြမ်းခင်းတွေကို ဖယောင်းတင်တာကလည်း အစိုပြန်ခြင်း၊ ပျက်စီးခြင်းမှ ကာကွယ်ပေးနိုင်ပါတယ်။ အကယ်၍ ဖယောင်းဆီကို သင်သုံးဖြစ်တယ်ဆိုရင် သစ်သားပရိဘောဂတွေကို ပုံမှန် (သို့) အပတ်စဉ် ဖယောင်းဆီတင်ပေးပါ။

      ၃။ ရေမဖိတ်အောင် သတိထားပါ။

      ရေယိုတာ၊ ဖိတ်တာတို့ကို ရှောင်ကျဉ်ပေးပါ။ သစ်သားတွေပေါ်မှာ အစိုတွေတင်တာက အမဲကွက်ကြီးကျန်ခဲ့ပြီး သစ်သားမျက်နှာပြင်ပျက်စီးသွားနိုင်ပါတယ်။ သစ်သားထဲကိုလည်း ရေတွေစိမ့်ဝင်သွားနိုင်ပြီး မျက်နှာကိုပါ အက်ကွဲမှုတွေ ဖြစ်ပေါ်စေနိုင်ပါတယ်။


      ၄။ မိုးရေမှ ကာကွယ်ပါ။
      သင့်ရဲ့ သစ်သားပရိဘောဂတွေကို မိုးရေကနေ ကာကွယ်နိုင်ဖို့ သင့်ပစ္စည်းတွေကို အိမ်ထဲမှာပဲ ထားပါ။ အပြင်မထုတ်ပါနဲ့။ အပူအရမ်းများတာကလည်း သစ်သားရဲ့ မျက်နှာပြင်နဲ့ ပုံစံကို ပျက်စီးသွားစေနိုင်ပါတယ်။ တကယ်လို့ မဖြစ်မနေ အပြင်မှာ ထားရမယ်ဆိုရင်တော့ မိုးလုံအောင် မိုးကာနဲ့ ကာထားပေးပါ။


      ၅။ သစ်သားကုတင်များကို ထိန်းသိမ်းပါ။
      အစိုဓာတ်ဟာ အခန်းရဲ့ နံရံမှတဆင့် ပရိဘောဂတွေထိပါ ရောက်ရှိလာနိုင်တာကြောင့် သင့်ရဲ့ သစ်သားကုတင်နဲ့ ထိုင်ခုံတွေကို အိမ်နံရံနဲ့ ခပ်ဝေးဝေးမှာ ထားပါ။


      ၆။ မိုးရွာတုန်း ပြတင်းပေါက်ဖွင့်တာကို ရှောင်ပေးပါ
      မိုးရွာနေတုန်းမှာ ပြတင်းပေါက်ဖွင့်ခြင်းကို ရှောင်ပေးပါ။ ပြတင်းပေါက်နဲ့ တံခါးကနေတဆင့် မိုးရေတွေ ဝင်လာနိုင်တာကြောင့် ဝင်မလာနိုင်အောင် ထိန်းသိမ်းပေးပါ။ မိုးတိတ်သွားရင်တော့ အခန်းအတွင်းမှာ လေအဝင်အထွက်ရှိအောင် ပြတင်းပေါက်တွေကိုတော့ ပြန်ဖွင့်ထားပေးပါ။


      ၇။ အဝတ်စို အသုံးပြုတာကို ရှောင်ပေးပါ။
      သင့်ရဲ့ ပရိဘောဂတွေကို သုတ်တဲ့အခါ သန့်ရှင်းတဲ့အခါမှာ အဝတ်စအစို အသုံးပြုပြီး သန့်ရှင်းတာကို ရှောင်ပေးပါ။ သစ်သားတွေပေါ်မှာ ဖုန်တက်ပြီး ညစ်ပတ်ပေရေနေတဲ့အထိ မထားပါနဲ့။ သန့်ရှင်းရေးကို ပုံမှန်ပြုလုပ်ပေးပါ။


      ၈။ လေထု အစိုဓာတ်
      လေထုထဲမှာပါ အစိုဓာတ်ရှိနေတဲ့အတွက် အခန့်မသင့်ရင် သင့်ရဲ့ ပရိဘောဂတွေ ပျက်စီးတဲ့အထိပါ သက်ရောက်နိုင်ပါတယ်။ ဒါကြောင့် အိမ်ထဲကို ခြောက်သွေ့အောင် ထားပါ။ အဝတ်အစိုတွေကို အိမ်ထဲမှာ မထားပါနဲ့။ ကြမ်းတိုက်တဲ့အခါမှာ မြန်မြန်ခြောက်သွားအောင် ကြမ်းတိုက်တုန်း ပန်ကာဖွင့်ထားပေးပါ။
      အထက်က ဖော်ပြတဲ့ အချက်တွေကို ပြုလုပ်ပြီး သင့်အိမ်ကို လှပအောင် သင့်ပရိဘောဂတွေကို အသစ်အတိုင်းလေးပဲဖြစ်နေအောင် ထိန်းသိမ်းပါ။

      Photo Credit – Internet

      Download eBook version as a FREE!

      လူဖတ်အများဆုံး ဆောင်ပါး (၅)ပုဒ်