ဈေးဝယ်လမ်းညွှန်

ပန်းဥယျာဉ်ရဲ့အလှအတွက် ကျောက်တုံးလေးများ

တည်းဖြတ်သူ Myanmar Home and Decoration
ရေးသားသူ Home & Deco အဖွဲ့သားများ မှ
February 22, 2020 နေ့
Others ကဏ္ဍတွင်
ထည့်သွင်းရေးသားခဲ့သည်။

ads

ပန်းဥယျာဉ်လေးတွေအလှဆင်တဲ့နေရာမှာကျောက်တုံးလေးတွေဟာ ချစ်စဖွယ်ကောင်းပြီး အလွန်အသုံးဝင်တဲ့ အလှဆင်ပစ္စည်းလေးတွေ ဖြစ်ပါတယ်။ ကျောက်တုံးလေးတွေနဲ့ ဆင်ယင်ထားတဲ့ ပန်းဥယျာဉ်လေးဟာ ငွေကြေးကုန်ကျမှု အသက်သာဆုံးနဲ့ သင့်ရဲ့နေအိမ်ကို သေသပ်လှပစေမှာဖြစ်ပါတယ်။ ကျောက်တုံးလေးတွေနဲ့ အလှဆင်ကာမျိုးကဂျပန်ရိုးရာအငွေ့အသက်တွေထုံမွှမ်းထားတဲ့ ဇင်ယဉ်ကျေးမှုပန်းဥယျာဉ်လေးကအစ တော်ဝင်ဆန်ဆန် အပြင်အဆင်တွေပါတဲ့ အင်္ဂလိပ်တွေရဲ့ ပန်းဥယျာဉ်တွေအဆုံးမပါမဖြစ်ထည့်သွင်းအသုံးပြုရတဲ့ ဥယျာဉ်အလှဆင်ပစ္စည်းတစ်မျိုးပဲဖြစ်ပါတယ်။


တစ်နည်းအားဖြင့် အရှေ့တိုင်းနေထိုင်မှုပုံစံမှာပဲဖြစ်ဖြစ်၊ အနောက်တိုင်းနေထိုင်မှုပုံစံမှာပဲဖြစ်ဖြစ် ပန်းဥယျာဉ် လေးသေသပ်ခံ့ညားဖို့ဆိုရင်တော့ ကျောက်တုံးလေးတွေက မပါမဖြစ်လို့ဆိုရမှာပါ။ ပန်းဥယျာဉ်ပြင်ဆင်ရာမှာလည်း ကျောက်တုံးလေးတွေက ခင်းကျင်းပြင်ဆင်ဖို့အတွက် အခက်အခဲမရှိဘဲ အလွယ်တကူခင်းကျင်းနိုင်တာကြောင့် စိတ်ကူဉာဏ်ကွန့်မြူးတတ်သလို သင့်ရဲ့အိမ်လေးပိုမိုတင့်တယ်သွားစေ မှာဖြစ်ပါတယ်။ ခင်းကျင်းရင်လွယ်ကူသလို စိတ်ကြိုက်ပုံစံပြောင်းချင်တယ်ဆိုရင်လည်း အလွယ်တကူ ပြောင်းနိုင်သေးတာမို့ ပန်းဥယျာဉ်လေးကိုမကြာခဏပုံစံပြောင်းချင်သူတွေအတွက်လည်း အဆင်အပြေဆုံး ဥယျာဉ်အလှဆင်ပစ္စည်းလေးတွေပဲဖြစ်ပါတယ်။ အလှဆင်ကျောက်ခဲလေးတွေ ရွေးချယ်တဲ့ နေရာမှာလည်း စာဖတ်ပရိတ်သတ်ကြီး စိတ်ပင်ပန်းခံနေစရာမလိုဘဲ အလွယ်တကူ ရွေးချယ်ဝယ်ယူနိုင်မယ့် ကျောက်ခဲ့လေးတွေကို ဒီနေရာမှာရွေးချယ်ဖော်ပြပေးလိုပါတယ်။


အချင်း ၂ လက်မခွဲ သာသာလောက်ပဲရှိတတ်တဲ့ ကျောက်စရစ်ခဲလေးတွေ၊ ၂လက်မခွဲကနေ ၁၀လက်မလောက်ထိရှိပြီး ခပ်လုံးလုံးလမ်းခင်းကျောက်တုံးလေးတွေအပြင် သူနဲ့အရွယ်တူပေမယ့် ခပ်ပြားပြားကျောက်တုံးလေးတွေက ပန်းဥယျာဉ်ပြင်ဆင်မွမ်းမံဖို့အတွက် အသင့်လျော်ဆုံးကျောက်ခဲတွေပဲဖြစ်ပါတယ်။ မြစ်ကြမ်းပြင်၊ ပင်လယ်ကြမ်းပြင်တွေမှာတည်ရှိနေခဲ့တုန်းက ရေလှိုင်းတွေက သယ်ယူပွတ်တိုက်စားသွားတာကြောင့် သဘာဝအတိုင်းလုံးဝန်းနေတဲ့ ဒီကျောက်ခဲ့လေးတွေက သင့်ရဲ့ ဥယျာဉ်လေးကို သဘာဝအတိုင်းသေသပ်လှပစေမှာမို့ ဘုရားကပေးတဲ့ ဆုလာဒ်လေးလိုဆိုရင်လည်း မမှားပါဘူး။


ကျောက်ခဲကြမ်းပြင်
ပန်းဥယျာဉ်ရဲ့ ကြမ်းခင်းနဲ့ အနားသတ်အပြင်အဆင်တွေမှာ ဈေးနှုန်းကြီးတဲ့ မြက်ခင်းတွေအစား ဈေးနှုန်းချိုသာပြီး လွယ်ကူသက်သာခင်းကျင်းနိုင်တဲ့ ကျောက်ခဲလေးတွေဖြန့်ခင်းပြီး အစားထိုးကြည့်ကြမယ်ဆိုပါစို့။ သင့်ရဲ့ဥယျာဉ်ကရိုးရာအသွင်အပြင်ပဲဖြစ်ဖြစ်၊ ခေတ်မီဆန်းပြားတဲ့ အသွင်အပြင်ပဲဖြစ်ဖြစ် စရိတ်သက်သက်သာသာနဲ့ လှပသေသပ်သွားမှာအသေအချာပါပဲ။ သင့်ရဲ့ ဥယျာဉ်ထဲက ညီညာပြန့်ပြူးနေနဲ့ ကွန်ကရစ်လမ်းလေးရဲ့နံဘေးကာ မြေကွက်လပ်နေရာမှာ မြက်ခင်းအစား ကျောက်ခဲလေးတွေကို ခင်းလိုက်မယ်ဆိုရင် ဒီဇိုင်းအလှက ပိုမိုထင်ရှားပေါ်လွင်သွားမှာပါ။ ဒါ့အပြင်ကျောက်ခဲလေးတွေကြားက အလှစိုက်ချုံပုလေးတွေလည်း လွတ်လွတ်လပ်လပ် ထိုးထွက် ပေါက်ရောက်နိုင်သေးတာကြောင့် သင့်ရဲ့ ပန်းဥယျာဉ် လေးက လွတ်လပ်တဲ့ သင့်ရဲ့ အလှဆင်စိတ်ကူးကို အတားအဆီးရှိစေမှာမဟုတ်ပါဘူး။


ကျောက်ခင်း သဘာဝစမ်းချောင်း
စိတ်ကူးဉာဏ်ကွန့်မြူးတဲ့အတိုင်း အရွယ်အစားမတူညီတဲ့ ကျောက်တုံးတွေကို အသုံးပြုပြီး သင့်ရဲ့ ခြံလေးထဲက စမ်းချောင်းလေးမှာ အစီအရီခင်းမယ်ဆိုလည်း ဆန်းသစ်တဲ့ အဆင်အယင်မျိုးပဲဖြစ်ပြီး အလှမွေးငါးလေးတွေပါထည့်သွင်းလိုက်မယ်ဆိုရင်တော့ သဘာဝနဲ့ထပ်တူညီတဲ့ အလှတရားတွေကို ဖန်တီးလိုက်နိုင်မှာပဲဖြစ်ပါတယ်။ ဒီကျောက်တုံးလေးတွေခင်းထားတဲ့ စမ်းချောင်းထက်မှာ တံတားငယ်လေးပါတည်ဆောက်လိုက်မယ်ဆိုရင်တော့ အတိုင်းအဆမရှိတဲ့ သဘာဝအလှတရားတွေနဲ့ အနီးစပ်ဆုံးနေရာကို သင်ကိုယ်တိုင် ရောက်ရှိခံစားတွေ့မြင်နိုင်မှာ အသေအချာပဲပေါ့။ ဒီလိုမှမဟုတ်ရင်လည်း သစ်သားလျှောက်လမ်းဘေးမှာ ခမ်းခြောက်သွားတဲ့ စမ်းချောင်းလေးအဖြစ် ကျောက်တုံးကျောက်ခဲလေးတွေကို စီထားလိုက်ပြီ ချုံပင်အငယ်စားလေးတွေ၊ ပန်းအလှပင်လေးတွေနဲ့ ပုံဖော်စိုက်ပျိုးနိုင်ပါသေးတယ်။


ကျောက်ခဲအလှဆင် စင်္ကြန်လမ်းကလေး
အရောင်အသွေးနဲ့ အရွယ်အစားစုံလင်တဲ့ ကျောက်ခဲလေးတွေကို အသုံးပြုတတ်ရင်ပြုတတ်သလို အလှပဆုံးဥယျာဉ်အပြင်အဆင်လေးကို ဖန်တီးနိုင်ဦးမှာပါ။ ဆန်းသစ်တဲ့ ဒီဇိုင်းပုံစံတစ်မျိုးအနေနဲ့ လျှောက်လမ်းစင်္ကြန်ထဲမှာပဲ ကွန်ကရစ်ပြားလေးတွေနဲ့ ကျောက်တုံးလေးတွေကို ရောနှောဖန်တီးနိုင်ပါသေးတယ်။ မတူညီတဲ့ ပုံစံလေးတွေကို ရောနှောပြီး မျက်စိပသာဒဖြစ်စေအောင် ပြင်ဆင်မွမ်းမံပေးနိုင်ဖို့ ဥယျာဉ်ဒီဇိုင်းပညာရှင်တစ်ယောက်အနေနဲ့ ကျောက်တုံးကျောက်ခဲ့လေးတွေက အဖိုးတန်လက်နက်ပါပဲ။ ညီညာပြန့်ပြူးတဲ့ ကွန်ကရစ်ပြားလေးတွေရဲ့ကြားမှာ ကျောက်ခဲလေးတွေနဲ့ အလှစိုက်ရေညှိပင်လေးတွေသာ ပေါင်းစပ်မွမ်းမံလိုက်မယ်ဆိုရင်တော့ လုံး၀ မထင်မှတ်ထားလောက်အောင် သင့်ခြံလေးသဘာဝကျကျလှပသွားမှာပါ။


ရေဓာတ်ထိန်းပေးဦးမယ့် ကျောက်ခဲလေးများ
သင့်ရဲ့ ဥယျာဉ်လေးထဲမှာ ခင်းကျင်းထားမယ့် ကျောက်ခဲလေးတွေက ချုံပုပင်လေးတွေကိုထိုးထွက်ပေါက်ရောက်ခွင့်ပြုထားလို့ သဘာဝဆန်ဆန်လှပစေရုံသာမက ကျောက်တုံးအောက်မြေသားထဲ ရေဓာတ်အလွယ်တကူ ဆုံးရှုံးသွားခြင်းမရှိအောင် ကာကွယ်ပေးနိုင်ပါသေးတယ်။ ကျောက်ခဲလေးတွေက ရေကိုစုပ်ယူ ထိန်းသိမ်းနိုင်စွမ်းရှိပေမယ့် သင့်ရဲ့ ဥယျာဉ်ကိုအရုပ်ဆိုးအကျည်းတန်စေမယ့် ပေါင်းမြက်တွေတော့ အလွယ်တကူ မပေါက်အောင်ကို ကာကွယ်တားဆီးပေးပါတယ်။


ကျောက်ခဲစီခြယ်သော အလှဆင်နံရံငယ်
ကျောက်ခဲလေးတွေကို ဝါယာကြိုးနဲ့ပြုလုပ်ထားတဲ့ပုံစံခွက်ကြီးတွေထဲစီရီထည့်ပြီး ပန်းစိုက်မြေထိန်းနံရံအဖြစ် အသွင်ပြောင်းလိုက်မယ်ဆိုရင်လည်း မြင်သူတိုင်းက သင်ရဲ့စိတ်ကူးဉာဏ်ကွန့်မြူးနိုင်စွမ်းကို မချီးမွမ်းဘဲမနေနိုင်အောင်ဖြစ်ကြပါလိမ့်မယ်။ လွယ်ကူရိုးရှင်းပေမယ့်လည်း အများနဲ့မတူအောင်ထူးထူးခြားခြားဖြစ်သွားမယ့် ပန်းစိုက်မြေထိန်းနံရံကြောင့် ပန်းရဲ့အလှတရားတွေက ပိုမိုထင်ရှားပေါ်လွင်သွားပြီးဆွဲဆောင်မှုအပြည့်ရှိတဲ့ ဥယျာဉ်အလန်းစားလေးကို ပိုင်ဆိုင်နိုင်မှာပဲဖြစ်ပါတယ်။ ဒါ့အပြင် ကန္တာရအပင်ငယ်လေးတွေကို ရှည်ရှည်မျောမျောလေးထောင့်ကျကျအိုးတွေနဲ့စိုက်ပြီး သူ့အောက်က ပန်းအိုးဒေါက်တိုင်တွေအဖြစ် စတီးတိုင်ပုံစံခွက်ထဲ ကျောက်ခဲလေးတွေစီထည့်လိုက်ရင်လည်း ဆန်းသစ်တဲ့စိတ်ကူးလေးပဲဖြစ်ပါတယ်။


ကျောက်ခဲပုံဖော်ကွန်ကရစ်အလှလမ်း
ကျောက်ခဲလေးတွေကို မြေယာအလှဆင်ယင်တဲ့နေရာမှာ အသုံးပြုလာခဲ့တာဆိုရင်ဖြင့် ရာစုနှစ်များစွာကြာမြင့်ခဲ့ပါပြီ။ ခေတ်အဆက်ဆက် အလှဆင်ပစ္စည်းအဖြစ်နေရာရခဲ့တဲ့ ဒီကျောက်ခဲလေးတွေက လျှောက်လမ်းလေးအဖြစ် စီရီတဲ့နေရာမှာလည်း အချက်အချာကျခဲ့ပါတယ်။ ဟိုးအရင်ခေတ်များမှာတော့ ရွှံ့စေးထဲအစီအရီပုံဖော်ပြီး လှပဆန်းကြယ်တဲ့ လျှောက်လမ်းတွေပြုလုပ်ခဲ့ကြတာပါ။ ခေတ်အဆက်ဆက်ပြောင်းလဲလာလို့ ယနေ့ခေတ်ရောက်တဲ့အခါမှာတော့ ရွှံ့စေးအစား ကွန်ကရစ်အစားထိုးပြီး ကွန်ကရစ်တွေထဲမှာမှ ကျောက်ခဲလေးတွေကို စိတ်ကြိုက်ပုံဖော်နေကြတာပဲဖြစ်ပါတယ်။ အရောင်အသွေးစုံလင်တဲ့ ကျောက်ခဲလေးတွေကို ပုံဖော်ခင်းကျင်းမယ်ဆိုရင်တော့ ရှုမငြီးဖွယ် ကျောက်စီပန်းချီကားလေးလိုလှပသွားမှာဖြစ်ပါတယ်။


ရေပြင်အောက်မှ တောက်ပနေသောကျောက်ခဲလေးများ
သင့်ရဲ့ ဥယျာဉ်ခြံလေးထဲမှ တသွင်သွင်စီးဆင်နေတဲ့ ရေကန်ငယ်လေးတွေ ထည့်သွင့်ဖို့ စိတ်ကူးထားရင်လည်း ရေကန်အောက်ခြေမှာ ကျောက်ခဲလေးတွေခင်းပြီး အလှဆင်နိုင်တယ်ဆိုတာကို လုံးဝမမေ့သင့်ပါဘူး။ ရေစိုနေတဲ့ ကျောက်တုံးလေးတွေက အတောက်ပအလင်းလက်ဆုံးဖြစ်တာမို့ အလတ်စားအရွယ်ခပ်ပြားပြား ကျောက်ခဲလေးတွေသာ သင့်ရဲ့ ရေကန်ငယ်လေးထဲရောက်နေမယ်ဆိုရင် ပြီးပြည့်စုံတဲ့ အလှတရားအဖြစ် ပေါ်ပေါက်စေမှာဧကန်မုချပါပဲ။
အလှဆင်ကျောက်ခဲလေးတွေဟာ တီထွင်ကြံဆတတ်သူအတွက် အလွယ်တကူ ပြင်ဆင်မွမ်းမံနိုင်တဲ့ တန်ဖိုးနည်းအလှဆင်ပစ္စည်းတွေဖြစ်ပြီး သဘာဝကျတဲ့အလှတရားတွေကို ဖြည့်စွမ်းပေးနိုင်တာကြောင့် ဥယျာဉ်ပြင်ဆင်တဲ့နေရာမှာ အရွေးချယ်သင့်ဆုံးအလှဆင်ပစ္စည်းလေးတွေပဲဖြစ်ပါတော့တယ်။

Download eBook version as a FREE!

လူဖတ်အများဆုံး ဆောင်ပါး (၅)ပုဒ်

  • Home page 11454 viewed
  • Welcome to Home & Decor 5809 viewed
  • ပြည်တော်အေးရိပ်သာလမ်းမှSingle Family Home 3236 viewed
  • အိမ်နီးချင်းကြောင့် လာဘ်ပိတ်ခြင်း 2802 viewed
  • ဖုန္းေရႊအဘိဓာန္ 2769 viewed

room magazine

တည်းဖြတ်သူ Myanmar Home and Decoration
ရေးသားသူ Home & Deco အဖွဲ့သားများ မှ
February 20, 2020 နေ့
Others ကဏ္ဍတွင်
ထည့်သွင်းရေးသားခဲ့သည်။

ads

มุม(ไม่ลับ)สำหรับคนชอบถ่ายรูปสวย ๆ ในงาน บ้านและสวนแฟร์ select 2020 ใครมาเดินงานวันนี้หรือวันต่อ ๆ ไป ตามไปซ้ำกันได้เลย
.
แล้วพบกันที่งานตั้งแต่วันนี้ ถึง 23 กุมภาพันธ์ 2563 ฮอลล์ 9-12 อิมแพ็ค เมืองทองธานี เวลา 9.30-21.00 น.corner (လျှို့ဝှက်) အိမ်နဲ့ ဥယျာဉ်မှာ လှပတဲ့ ဓာတ်ပုံတွေ ရိုက်ချင်တဲ့သူတွေအတွက် ဒီနေ့ ဒါမှမဟုတ် နောက်တစ်ရက်မှာ လမ်းလျှောက်ဖို့ လာမယ့် သူ 2020 ယောက်ကို ရွေးလိုက်ပါ ။ လိုက်ကြရအောင် ။
.
23 ခုနှစ် ဖေဖော်ဝါရီလ 2563 ရက် 9-12 ခုနှစ် ဖေဖော်ဝါရီလ 23 ရက်နေ့ထိ ပွဲမှာတွေ့မယ်နော်. muang thong thandi at 9.30-21.00

https://roommagazine.com/

Download eBook version as a FREE!

လူဖတ်အများဆုံး ဆောင်ပါး (၅)ပုဒ်

  • Home page 11454 viewed
  • Welcome to Home & Decor 5809 viewed
  • ပြည်တော်အေးရိပ်သာလမ်းမှSingle Family Home 3236 viewed
  • အိမ်နီးချင်းကြောင့် လာဘ်ပိတ်ခြင်း 2802 viewed
  • ဖုန္းေရႊအဘိဓာန္ 2769 viewed

ads

ဇန်နဝါရီလ ၂၇ရက်နေ့ ၂၀၂၀ခုနှစ် ရန်ကုန်တွင် အာဆီယံ၏ထိပ်တန်းစီးပွားရေးလုပ်ငန်းစုဖြစ်သော SCG မှ အလှူငွေ ၇၇၄၂၀၅၀၀ ခန့်ကို မြန်မာနိုင်ငံတစ်ဝှမ်းမျက်စိတိမ်စွဲဝေဒနာရှင်များနှင့် မျက်စိရောဂါခံစားနေရသူများကို ကုသစောင့်ရှောက်မှုပေးနေသော သီတဂူမျက်စိဆေးရုံတည်ထောင်သူ သီတဂူဆရာတော် ဒေါက်တာ အရှင်ဉာဏိဿရထံသို့ပေးအပ်လှူဒါန်းခဲ့ပါသည်။ အဆိုပါလှူဒါန်းခြင်းအစီအစဉ်သည် SCG၏မျက်စိတိမ်စွဲခြင်းနှင့် မျက်လုံးကျန်းမာရေးနှင်ပတ်သက်ပြီး သတင်းအချက်အလက်များနှင့်အကြံပြုချက်များ မျှဝေပေးသည့် လူထု အကျိုးပြုအစီစဉ်တစ်ခုဖြစ်သော Sharing A Brighter Vision ကြည်လင်သောအမြင်အာရုံ မျှဝေခြင်း အစီအစဉ်ကိုအခြေပြုပြီး မြန်မာအမျိုးသားဘောလုံးကစားသမားကိုအောင်သူနှင့် အတူ မျကိကျန်းမာရေးအရေးကြီးမှုများကို မြန်မာနိုင်ငံတစ်ဝှမ်းမှပြည်သူများ ပိုမိုသိရှိနားလည်စေရန်နှင့်ပြည်သူများကို အလှူဒါန်းများဖြင့် ဝိုင်းဝန်းကူညီရန်ဖိတ်ကြားသည်ဖြစ်သည်။


၂၀၁၉ ခုနှစ်တွင် SCG သည် မျက်စိစောင့်ရှောက်မှုနှင့် ပတ်သက်ပြီးအသိပညာများ တိုးပွားရန်ရည်ရွယ်ကာ မျက်စိကျန်းမားရေးလှုပ်ရှားအစီအစဉ် တစ်ရပ်ကိုပြုလုပ်ခဲ့ပြီး စောင့်ရှောက်မှုနှင့်ပတ်သက်ပြီးအသိပညာများပိုမိုတိုးလာရန် ရည်ရွယ်လုပ်ဆောင်လျက်ရှိပါသည်။ SCG ၏ပံ့ပိုးကူညီမှုဖြင့် မြန်မာနိုင်ငံတဝှမ်းရှိပြည်သူများသည် Sharing A Brighter Vision 2019 အစီအစဉ်မှ တစ်ဆင့် ဒေသတွင်းရှိ မျက်စိကျန်းမာရေးစောင့်ရှောက်မှုနှင့် အတွင်းတိမ်ရောဂါကုသခြင်း၊ ကာကွယ်ခြင်း၊ ကုသခြင်းတို့ကို ကူညီပေးခဲ့ပါသည်။ SCGသည် (၂၀၁၉ ခုနှစ် သြဂုတ်လမှ အောက်တိုဘာလအထိ) SCG ဘိလပ်မြေဝယ်သူများကို အဆိုပါလှုပ်ရှားမှုအစီအစဉ်တွင်ပါဝင်နိုင်ရန် အဆိုပါလှုပ်ရှားမှုစတင်စဉ်အတွင်းSCG ၏ အကောင်းအမွန်ဆုံးနှင့် အရည်သွေးမြင့်မားတဲ့ ဘိလပ်မြေတစ်အိတ် ဝယ်ယူတိုင်း SCG မှ ၂၀ကျပ်တိတိကို အမြင်အာရုံချို့တဲ့သူများ အားကုသနိုင်ရန်အတွက် သီတဂူမျက်စိဆေးရုံသို့ လှူဒါန်းခဲ့ခြင်းဖြစ်သည်။ မြန်မာနိုင်ငံ၏ လူကြိုက်များဘောလုံးအားကစားသမားကို အောင်သူအနေနှင့်လဲ အဆိုပါလှုပ်ရှားအစီအစဉ်ကို ပိုမိုသိရှိစေရန် ထောက်ပံ့ကူညီပေးခဲ့ပါသည်။ ဤလှုပ်ရှားမှုအစီအစဉ်သည် အခြားနေရာဒေသများမှမျက်စိဝေဒနာရှင်များကို ကုသခြင်းအပြင် မျက်လုံးကျန်းမာရေးနှင့်ပတ်သက်၍ အချိန်မှီကြိုတင်ကာကွယ်ရေးနှင့် စောင့်ရှောက်မှုပေးနိုင်ရန်ကူညီဆောင်ရွက်မည်ဖြစ်သည်။
ပြည်ထောင်စုသမ္မတ မြန်မာနိုင်ငံတော်၏ ကျန်းမာရေးနှင့်အားကစားဝန်ကြီးဌာနမှ ထုတ်ပြန်ချက်များအရမျက်စိဝေဒနာခံစားနေရသူပေါင်း ၁၈၀၀၀၀၀ ခန့်ရှိပြီး သုတေသနပြုချက်များအရ မျက်စိဝေဒနာရှင်တစ်ဦးချင်းအားဖြင့် အတွင်းတိမ်ရောဂါကုသရာတွင် ငွေကျပ် ၁၀၀၀၀၀ကျပ်ခန့်အထိ ကုန်ကျနေသောကြောင်းသိရှိရပါသည်။ ငွေကြေးဆိုင်ရာနှင့် သတင်းအချက်ပိုင်းဆိုင်ရာအစရှိသောအခက်အခဲများကြောင့် ကုသမှုကို အချိန်ပြုလုပ်နိုင်ခြင်းမရှိကြောင်းကိုလဲသိရသည်။


ဤသို့သောအခြေအနေအရပ်ရပ်များကြောင့် SCG သည် မြန်မာနိုင်ငံလူ့အသိုင်းအဝိုင်း၏ တာဝန်သိအဖွဲ့အဝင်တစ်ဦးအဖြစ် SCG ၏ ကတိကဝတ်လုပ်ဆောင်ချက်များ၏ တစိတ်တပိုင်းအဖြစ် ၂၀၁၅ခုနှစ်မှ စတင်ကာ ကြည်လင်သောအမြင်အာရုံမျှဝေခြင်း Sharing A Brighter Vision အမည်ဖြင့် လူထုအကျိုးပြုအစီအစဉ်တစ်ခုကိုလုပ်ဆောင်ခဲ့ပါတယ်။ ထို့အပြင် SCG သည် ပိုမိုကောင်းမွန်ပြီး ကျန်းမာသန်စွမ်းသော လူနေမှုအဆင့်အတန်းကိုမြှင့်တင်နိုင်ရန် ရေရှည်တည်တံ့သည့်လူမှုပတ်ဝန်းကျင်ဖွံ့ဖြိုးတိုးတက်ရေးကိုအရှိန်မြင့်လုပ်ဆောင်နေခြင်းသည်လည်း အပါအဝင်ဖြစ်သည်။


SCG Myanmar ၏ Country Director ဖြစ်သူ Mr. Surachai Pornjindachote ကအလှူငွေပေးအပ်ပွဲအခမ်းအနားတွင် ပြောကြားခဲ့သည်မှာ ကျွန်တော်တို့အနေနဲ့ ဆရာတော်ဒေါက်တာ အရှင်ဉာဏိဿရရဲ့ သီတဂူမျက်စိဆေးရုံကို အလှူငွေများလှူဒါန်းနိုင်ခဲ့ခြင်းကို အလွန်ဝမ်းမြောက်ပြီးကျေးဇူးတင်မိပါတယ်။ ကျွန်တော်တို့တွေ့ရှိခဲ့တာကတော့ မျက်စိရောဂါဝေဒနာရှင်များအနေနဲ့ရောဂါများကို ကုသနိုင်ဖို့ အခက်အခဲအတာအဆီးတွေရှိနေဆဲဖြစ်ပါတယ်။ ဒါ့ကြောင့် သူတို့ကိုယ်တိုင်နှင့်၎င်းတို့၏ မိသားစုများအတွက်ပိုမိုကောင်းမွန်သောနေထိုင်မှုရရှိရန် အခွင့်အလမ်းများကင်းမဲ့စေလျက်ရှိပါတယ်။ ကျွန်တော်တို့ SCG ကို ဝယ်ယူအားပေးကြသူများက ဒီလှုပ်ရှားမှုအစီအစဉ်ကိုအားတက် သရောပါဝင်ခဲ့ကြတဲ့ အတွက်ကျေးဇူးတင်းစွာဖြင့်အလှူငွေများစွာရရှိခဲ့ကြောင့် ပိုမိုကူညီပေးနိုင်ခဲ့ပါတယ်။ လူပေါင်း ၁၁၀၀ကျော်နှင့်မရေမတွက်နိုင်သောမိသားစု၏ပျော်ရွှင်မှုကိုကျွန်တော်တို့မြင့်တွေ့ခဲ့ရပြီး ဒီလူနာများကိုကူညီခြင်းကြောင့် သူတို့၏ဘဝအရည်အသွေးကို တိုးတက်စေနိုင်မယ်လို့ ကျွန်တော်တို့အနေနဲ့ ယုံကြည်ပါတယ်။ သူတို့ဟာအလုပ်ပြန်လုပ်နိုင်သည်၊ ဝင်ငွေရနိုင်ပြီး ပိုမိုကောင်းမွန်တဲ့ လ့ူဘောင်ကို ဦးဆောင်နိုင်မှာဖြစ်ပြီး သူတို့ကိုယ်တိုင်နဲ့မိသားစုတွေကိုလည်း ပိုမိုဂရုစိုက်နိုင်မှာဖြစ်ပါသည်။

Download eBook version as a FREE!

လူဖတ်အများဆုံး ဆောင်ပါး (၅)ပုဒ်

  • Home page 11454 viewed
  • Welcome to Home & Decor 5809 viewed
  • ပြည်တော်အေးရိပ်သာလမ်းမှSingle Family Home 3236 viewed
  • အိမ်နီးချင်းကြောင့် လာဘ်ပိတ်ခြင်း 2802 viewed
  • ဖုန္းေရႊအဘိဓာန္ 2769 viewed