အိမ်တွင်း အလှဆင် နည်းလမ်းများ

မီးခံတံခါး

တည်းဖြတ်သူ Myanmar Home and Decoration
ရေးသားသူ Home & Deco အဖွဲ့သားများ မှ
February 11, 2020 နေ့
အိမ်တွင်း အလှဆင် နည်းလမ်းများ ကဏ္ဍတွင်
ထည့်သွင်းရေးသားခဲ့သည်။

ads

မြန်မာနိုင်ငံတွင် ဈေးကွက်စီးပွားရေးစနစ်ကူးပြောင်းပြီးနောက်ပိုင်း ဆောက်လုပ်ရေးလုပ်ငန်းများ ဖွံ့ဖြိုးတိုးတက်လာခဲ့ပါသည်။ တိုက်ခန်းများ၊ ဟိုတယ်များ၊ ကွန်ဒိုများ၊ Shopping Centre များ၊ ဘဏ်များ၊ အလုပ်စက်ရုံများ၊ ခေတ်မီအရောင်ပြခန်းများ၊ ရုံးခန်းများ စသည်တို့ကို တည်ဆောက်ရာတွင် နိုင်ငံတကာအဆင့်မီ၍ ခေတ်မီဒီဇိုင်းများ လိုအပ်သကဲ့သို့ ၎င်းနေရာတွင် ရှိနေသော ပြည်သူတို့အတွက် ဘေးအန္တရာယ်ကင်းရှင်းလုံခြုံရေးသည်လည်း အရေးပါသည်။ ၎င်းအန္တရာယ်များတွင် မီးဘေးအန္တရာယ်သည် အချိန်မရွေးဖြစ်နိုင်ပြီး အစိုးရိမ်ရဆုံးအန္တရာယ်တစ်ခုဖြစ်ပါသည်။


၎င်းမီးဘေးအန္တရာယ်ကို တားဆီးရန်းအတွက် ကာကွယ်မှုတစ်ခုဖြစ်စေသော မီးခံတံခါးများ တပ်ဆင်အသုံးပြုရန်လိုအပ်ကြောင်း သိရှိသင့်ပါသည်။ ထို့ကြောင့် မီးဘေးအန္တရာယ်ကို တားဆီးရာတွင် လိုအပ်သော မီးခံတံခါးနှင့် မိတ်ဆက်ပေးလိုပါသည်။ မီးခံတံခါးများတွင် သစ်သားဖြင့်ပြုလုပ်သော သစ်သားမီးခံတံခါး ( Timber Fire Door)၊ သံဖြင့်ပြုလုပ်သော သံမီးခံတံခါး (Metal Fire Door) ဟူ၍ နှစ်မျိုးရှိပါသည်။ ၎င်း တံခါးတို့သည်လည်း မီးလောင်သောအခါ ခံနိုင်ရည်ရှိမှု ၃၀ မိနစ် မှ ၄ နာရီအထိသာ ခံနိုင်ရည်ရှိပါသည်။ မီးခံတံခါးများကို အဆောက်အဦများ၏ Main Entrance တံခါးများ၊ Stair Case Door များ၊ Riser Door များ စသည်တို့တွင် အသုံးပြုရန်လိုအပ်ပြီး Main Entrance တံခါးများကို ၄၅ မိနစ်မှ ၁ နာရီခွဲအထိ ခံနိုင်ရည်ရှိရန်လည်းကောင်း၊ Stair Case တံခါးများ၊ Riser တံခါးနှင့် အခြား လိုအပ်သောနေရာများတွင် ၁ နာရီမှ ၄ နာရီအထိ ခံနိုင်ရည်ရှိစေရန် သင့်လျော်ပါသည်။


သစ်သားတံခါးများ၏ မီးလောင်ခံနိုင်ရည်မှာ ၃၀ မိနစ်မှ ၂ နာရီအထိရှိပြီး သံတံခါးများမှာ ၃၀ မနစ်မှ ၄ နာရီအထိ ခံနိုင်ရည်ရှိကြပါသည်။ သစ်သားတံခါးများ၏ အားသာချက်မှာ Surface Finishy များကို ကြိုက်နှစ်သက်ရာ (wood veneers, caminate, paint) စသည့် ပစ္စည်းများ အသုံးပြုရသဖြင့် Hotel Main Entrance Doors, လူနေအိမ် Main Door, Riser Door စသည့်နေရာများတွင် Safety နှင့် လှပမှုတွင် ပိုမို အသုံးပြုလာကြပါသည်။ သံတံခါးများတွင် Surface Finishing များကို Part တစ်မျိုးတည်းကိုသာ အသုံးပြုကြပြီး SStair Case, Riser Door, Lobby Door စသည်တို့တွင် အသုံးကြသည်။


မီးခံတံခါးများကို မည်သည့်နိုင်ငံတွင်မဆို သက်ဆိုင်ရာအဖွဲ့အစည်းတစ်ခုခု၏ ထောက်ခံချက်ရရှိပြီးဖြစ်သော ကုမ္ပဏီများ၊ အဖွဲ့အစည်းများသာ ထုတ်လုပ်ရန်သင့်တော်ပြီး ၎င်းကုမ္ပဏီ အဖွဲ့အစည်းများသည်လည်း သတ်မှတ်ထားသင့်အဆင့်အတန်းနှင့်ကိုက်ညီသော တံခါးများထုတ်လုပ်နိုင်ကြောင်း အတွေ့အကြုံနှင့်တာဝန်ခံမှုလိုအပ်ပါသည်။ သတ်မှတ်မီးခံတံခါးတစ်ခုဖြစ်ရန်အတွက်
၁။ ကုန်ကြမ်းပစ္စည်း အသုံးပြုမှုမှန်ကန်ခြင်း
၂။ တံခါးတွင် အသုံးပြုမည့် (Ironmongeries) များ အဆင့်မီ မှန်ကန်ခြင်း
၃။ တပ်ဆင်ပုံမှန်ကန်ခြင်း စသည်တို့သည် များစွာအရေးပါပါသည်။
၁။ ကုန်ကြမ်းပစ္စည်းများ အသုံးပြုမှုမှန်ကန်ခြင်း
ကုန်ကြမ်းအသုံးပြုမှုမှန်ကုန်ခြင်းမှာ သက်ဆိုင်ရာ ကုမ္ပဏီ၏ တာဝန်ဖြစ်သည်။ မီးခံတံခါးထတ်လုပ်မည်ဆိုပါက လိုအပ်သည့် ကုန်ကြမ်းပစ္စည်းများကို ကြိုတင်စုဆောင်းပြီး သက်ဆိုင်ရာအဖွဲ့အစည်းများ၏ စစ်ဆေးမှုကိ ခံယူပြီး အသိအမှတ် ပြုမှုလိုအပ်ပါသည်။
၂။ တံခါးတွင် အသုံးပြုမည့် (Ironmongeries) များ အဆင့်မီမှန်ကန်ခြင်း
ထိုပစ္စည်းများကို အသုံးပြုပြီးပါက လိုအပ်ချက်အတိုင်း ခေတ်မီ Testing Centre များ၏ တံခါးခံနိုင်ရည်မှုကို စစ်ဆေးခြင်း ခံယူရပါမည်။ ၎င်းစမ်းသပ်မှုအောင်မြင်မှ သာမီးခံတံခါးဖြစ်နိုင်ပါသည်။ တံခါးတွင်အသုံးပြုမည့် (Ironmongeries) များမှာလည်း ၎င်းတံခါး၏ မီးလောင်ခံနိုင်ရည်ရှိမှုအတိုင်း၊ ဥပမာ- 1 Hr. Fire Rated Door အသုံးပြုပါက (Ironmongeries) များသည်လည်း Fire Rated ၁ နာရီ ခံနိုင်ရည်ရှိရန်လိုအပ်ပါသည်။ မီးလောင်မှုဖြစ်ပွားပါက ၎င်းနေရာများမှ ပိုမိုအလွယ်တကူလောင်ကျွမ်းပြီး အန္တရာယ်ပေးနိုင်ပါသည်။ ထို့ကြောင့်မီးခံတံခါးရွေးချယ်ရာတွင် ထုတ်လုပ်သောကုမ္ပဏီကိုပါ ထည့်သွင်းစဉ်းစားရမည် ဖြစ်ပါသည်။


၃။ တပ်ဆင်ပုံမှန်ကန်ခြင်း
တပ်ဆင်ရာတွင်လည်း Fire Rated Door များသည် Door Frame နှင့် Door အကြား Gap (Max 4mm) နှင့် Foor to Door ကြား Gap (Max 10mm) ထက်ကျော်လွန်၍ မရပါ။ ထိုထက် Gap ပိုကြီးပါက မီးလောင်မှုဖြစ်ပွားလျှင်၎င်း Gap များမှ မီးခိုများဝင်ရောက်ပြီး အဆောက်အဦးရှိနေသူများ၏ အသက်အန္တရာယ်ကို ထိခိုက်စေပါသည်။ မီးလောင်မှုဖြစ်ပွားလျှင် သေဆုံးမှုအများစုများ မီးလောင်ခံရခြင်းထက် မီးခိုးငွေ့ခံရခြင်းထက် မီးခိုးငွေ့မွန်းကြပ်ပြီး သေဆုံးမှုက ပိုမိုများပြားကြောင်း သတိပြုစေချင်ပါသည်။


ထို့ကြောင့် ခေတ်မီကွန်ဒိုများ၊ ဟိုတယ်ခန်းများ၊ Shopping Centre များ၊ အလုပ်ရုံများ၊ စက်ရုံများ စသည့် ကိုယ်ပိုင်နေရာများနှင့် အများပြည်သူနှင့် ဆိုင်သောနေရာများအတွက် သက်ဆိုင်ရာအဖွဲ့အဖွဲ့အစည်းများ၏ သတ်မှတ်ချက်တိုင်း မီးခံတံခါးများကို တာဝန်ခံမှုရှိသည့် ကုမ္ပဏီများမှ တင်သွင်းသော Fire Rate Door (မီးခံတံခါး) များကို မရှိမဖြစ်တပ်ဆင်သင့်ပါသည်။


မီးတံခါးများ အသုံးပြုခြင်းဖြင့်
၁။ အခြားအဆောက်အဦတစ်ခုခုမှ မိမိအဆောက်အဦသို့ ကာကွယ်တားဆီးပေးခြင်း
၂။ အခြားအခန်းမှ မီးလောင်မှုဖြစ်ပွားပါက မိမိအခန်းသို့ အလွယ်တကူ မဝင်ရောက်ခြင်း
၃။ မီးလောင်မှုဖြစ်ပွားပါက Main Entrance Door မှ မီးလောင်ခံနိုင်မှုကို တားဆီးပေးထားသဖြင့် လိုအပ်သည့်အရေးကြီးသော ပစ္စည်းများသယ်ဆောင်၍ Exit Door မှ အလွယ်တကူထွက်ခွါနိုင်ခြင်း
၄။ အခန်းတစ်ခုမှ မီလောင်မှု ဖြစ်ပွားပါက အခြားအခန်းသို့ အလွယ်တကူမဝင်ရောူက်နိုင်သဖြင့် ဆုံးရှုံးမှုများစွာ လျော့နည်းခြင်းနှင့်
၅။ မီးဘေးအန္တရာယ်ကြောင့် ြ ဖစ်ပေါ်စေသော ပျက်စီးဆုံးရှုံးမှုလျှော့ကျစေခြင်း စသည့် အကျိုးကျေးဇူးများစွာကို ရရှိနိုင်မည်ဖြစ်သောကြောင့် စာဖတ်ပရိတ်သတ်ကြီးအနေဖြင့် သတိပြုမိစေရန်တင်ဆက်ပေးလိုက်ပါသည်။

Download eBook version as a FREE!

လူဖတ်အများဆုံး ဆောင်ပါး (၅)ပုဒ်

  • Home page 10896 viewed
  • Welcome to Home & Decor 5700 viewed
  • ပြည်တော်အေးရိပ်သာလမ်းမှSingle Family Home 3229 viewed
  • အိမ်နီးချင်းကြောင့် လာဘ်ပိတ်ခြင်း 2798 viewed
  • ဖုန္းေရႊအဘိဓာန္ 2762 viewed

ads

အိမ်ရဲ့ ဧည့်ခန်းကိုပဲ ဖြစ်ဖြစ်၊ ထမင်းစားခန်းလေးကိုပဲဖြစ်ဖြစ် ခမ်းခမ်းနားနားဖြစ်စေမယ့် အလှဆင်ပစ္စည်းတစ်မျိုးကတော့ အလှမီးပန်းဆိုင်းပါပဲ။ ဂန္တဝင်ဆန်ဆန်နဲ့ တခမ်းတနားဖြစ်စေမယ့် အလှဆင်ပစ္စည်းဖြစ်တာမို့ အိမ်အလှဆင်ပစ္စည်းတွေထဲမှာ အဓိကအကျဆုံးပစ္စည်းပဲ ဖြစ်ပါတယ်။ အဆင့်မြင့်တိုက်ခန်းတွေ၊ ခေတ်မီအဆောက်အဦတွေနဲ့ ဟိုတယ်ကြီးတွေထိ အလှဆင်တဲ့အခါ မပါမဖြစ်အရာကလည်း မီးပန်းဆိုင်းတွေပဲ ဆိုတာဘယ်သူမှ ငြင်းနိုင်မှာမဟုတ်ပါဘူး။
မီးပန်းဆိုင်းတွေကို ရှေးခေတ်အခါတည်းက ဥရောပအဆောက်အဦတွေမှာ အသုံးပြုအလှဆင်ခဲ့ကြတာပါ။ ဒီလိုဆိုလို့ မီးပန်းဆိုင်းတွေကို သုံးရင် ရှေးကျသွားမယ်လို့ ထင်မှတ်မိနေရင်တော့ လွဲမှားတဲ့အတွေးအခေါ်ပါပဲ။ မီးပန်းဆိုင်းတွေက ဒီဇိုင်းအမျိုးမျိုးရှိတာကြောင့် ဂန ္တဝင်ဆန်ဆန်အဆင့်မြင့်မြင့် ပြင်ဆင်မွမ်းမံလိုတာပဲဖြစ်ဖြစ်၊ ခေတ်ဆန်ပြီး သန့်ရှင်းသပ်ရပ်တဲ့ နောက်ဆုံးပေါ်အခန်းအပြင်အဆင်အတွက်ပဲ ဖြစ်ဖြစ် မီးပန်းဆိုင်းတွေက အကောင်းဆုံး ဖြည့်စွက်အလှဆင်ပေးနေမှာ အသေအချာပါပဲ။ အဓိကအကျဆုံးကတော့ အခန်းအပြင်အဆင်အပေါ်မူတည်ပြီး မှန်ကန်တဲ့ မီးပန်းဆိုင်းအမျိုးအစားတွေကို ရွေးချယ်တတ်ဖို့ပါပဲ။ ဒီတော့ မီးပန်းဆိုင်းကိုရွေးချယ်မယ့် သင့်ရဲ့ ဆုံးဖြတ်ချက်မှန်ကန်စေဖို့ မီးပန်းဆိုင်းနဲ့ ပတ်သက်ပြီး သိထားသင့်တဲ့ အချက်အလက်တချို့ကို အကြံပြုပေးလိုက်ပါတယ်။
ဘယ်လိုနည်းနဲ့ မှန်ကန်တဲ့ မီးပန်းဆိုင်းတွေကို ရွေးကြမလဲ။
မီးပန်းဆိုင်းရွေးတဲ့အခါ ဒီဇိုင်းအသွင်အပြင်ကို ခဏဘေးဖယ်ထားပြီး အချက်သုံးချက်နဲ့ ဆုံးဖြတ်ကြည့်ရအောင်။ ပထမဆုံးအချက်က သင်အသုံးပြုမယ့် မီးပန်းဆိုင်းရဲ့ အရွယ်အစား၊ ဒုတိယအချက်က မီးရောင်စူးရှတောက်ပမှုနဲ့ တတိယအချက်ကတော့ အလင်းအမှောင်ထိန်းချုပ်နိုင်စွမ်းတို့ပဲ ဖြစ်ပါတယ်။ အရွယ်အစားကို ရွေးချယ်တဲ့အခါမှာ မီးပန်းဆိုင်းက သိပ်ကြီးလွန်းနေတာ ဒါမှမဟုတ် သိပ်သေးလွန်းနေတာတွေက သင့်ရဲ့ အိပ်ခန်းကို မလှပစေပဲ ပိုလို့တောင် အနှောက်အယှက်ဖြစ်စေဦးမှာပါ။ (၈) ပေသာသာလောက်ရှိတဲ့ မျက်နှာကျက်မှာ လက်မ (၃၀) လောက်ရှည်တဲ့ မီးပန်းဆိုင်းကြီးတွဲလျားကျနေမယ်ဆိုရင်တော့ အခန်းကို ပိုကျဉ်းသွားသယောင် ဖြစ်စေတဲ့အပြင် ကြည့်မြင်ရတာလည်း အတော်ကိုးလိုးကန့်လန့်ဖြစ်သွားစေမှာပါ။ တကယ်လို့ ခပ်ငယ်ငယ်လေးရွေးလိုက်မိပြန်တော့လည်း လူပုလေးတွေ နေတဲ့ တဲငယ်လေးလို ဖြစ်သွားပြန်ရော။ ဒီတော့ အလှဆင်ပစ္စည်းကို အရွယ်အစားမှန်မှန်ကန်ကန်ရွေးချယ်တတ်ဖို့က အဓိကကျတယ်ဆိုတာ သေချာသွားပါပြီ။ သင်က အလှမီးပန်းဆိုင်းကို ထမင်းစားစားပွဲရဲ့ အပေါ်တည့်တည့်မှာ ထားမှာမဟုတ်ဖူးဆိုရင်တော့ ပန်းဆိုင်းကို နေရာချမယ့်အခန်းထဲဝင်ပြီး မျက်စိရှေ့လက်ညိုးလက်မထားပြီး ချင့်ချိန်တိုင်းကြည့်ရတော့မှာပဲမဟုတ်လား။ ဒီထက်ကောင်းတဲ့ နည်းလမ်းဆိုရင်တော့အောက်မှာ ဖော်ပြထားတဲ့ အဆင့်သုံးဆင့်ကို လိုက်နာကြည့်သင့်တယ်လို့ အကြံပြုပါရစေ။


(၁) အခန်းရဲ့ အလျားနဲ့အနံကို ပေနဲ့တိုင်းတာလိုက်ပါ။
(၂) အခန်းရဲ့ အလျားပေနဲ့ အနံပေ နှစ်ခုကို ပေါင်းလိုက်ပါ။
(၃) ရလာတဲ့ပေါင်းလဒ်နံပါတ်က သင်ထားရမယ့်မီးပန်းဆိုင်းအချင်းရဲ့ လက်မအတိုင်းအတာပဲ ဖြစ်ပါတယ်။
ဒီအဆင့်သုံးဆင့်က မီးပန်းဆိုင်းရွေးချယ်တဲ့နေရာမှာ စပြီးတွက်ချက်ရမယ့် အဆင့်ဆင့်တွေပါပဲ။
နောက်ထပ်သတိထားရွေးချယ်ရမယ့်အချက်က မီးပန်းဆိုင်းရဲ့ အလင်းရောင်က သိပ်ပြီးစူးစူးရှရှဖြစ်မနေဖို့ပါပဲ။ သင့်ရဲ့ ထမင်းစားစားပွဲပေါ်က မီးပန်းဆိုင်းကနေ အလင်းရောင်စူးစူးကြီးက ထမင်းစားနေတဲ့ သင့်ရဲ့မျက်နှာကို ထိုး နေမယ်ဆိုရင် စိတ်အနှောက်အယှက်ဖြစ်ရမယ့်အပြင် အဆိုးဆုံးအခြေအနေနဲ့ ထမင်းစားတောင် ပျက်သွားနိုင်ပါသေးတယ်။ ဒီတော့ မီးပန်းဆိုင်းရွေးတဲ့အခါ အလင်းရောင်ထွက်မှု အခြေအနေကလည်း အရေးကြီးနေပြန်ပါတယ်။
အလင်းရောင်ဘယ်ဘက်ကို သွားမှာလဲ။ ပန်းဆိုင်မှာ မီးလုံးတွေက မြင်သာနေသလား။ ဒါမှမဟုတ် မီးလုံးမပေါ်အောင် ဖုံးကွယ်ထားတာလား။ မီးလုံးတွေက မြင်သာနေတယ်ဆိုရင် မီးအလင်းအမှောင်ကိုထိန်းချုပ်ပေးနိုင်မယ့် မီးမှိန်ခလုတ်ပါမပါ စသဖြင့် သုံးသပ်ရွေးချယ်တတ်ရမှာပဲ ဖြစ်ပါတယ်။


ခေတ်မီအိမ်ခန်းပြင်ဆင်ဖို့ ဘယ်လိုမီးအလှဆင်ပစ္စည်းရွေးကြမလဲ။
ခေတ်ဆန်ဆန် အပြင်အဆင်မျိုးဖြစ်စေဖို့ဆိုရင် အရောင်တောက်ပစေဖို့ နီကယ်ရောင် စတီးလ်ကိုင်းတွေပါတဲ့ မီးပန်းဆိုင်းက အသင့်တော်ဆုံးပါပဲ။ ခေတ်မီတဲ့ အပြင်အဆင်မျိုးလည်းလိုချင်တယ်ဆိုရင်၊ ရိုးရာအသွင်အပြင်တွေကလည်း လွတ်ထွက်မသွားချင်ဘူးဆိုပြန်ရင်တော့ ကြေးဝါရောင်ကိုင်းတွေက အဆင်အပြေဆုံးပါပဲ။ ခေတ်မီစေဖို့ စတီးလ်ကိုင်းတွေပါတဲ့ မီးပန်းဆိုင်းတွေက စံပြဖြစ်တဲ့အပြင် အဆင်တန်ဆာသိပ်များများစားစားမပါဘဲ သန့်ရှင်းသပ်ရပ်တဲ့အသွင်ကို ဆောင်နေဦးမှာပါ။ မီးဆိုင်းကပဲ အနေအထားမှန်နေလို့ကတော့ မဖြစ်သေးပါဘူး။ ခန်းစီးလိုက်ကာတို့ နံရံပေါ်က တိုင်ကပ်နာရီတို့လိုမျိုး အခန်းပတ်ပတ်လည်မှာရှိနေတဲ့ တခြားပစ္စည်းတွေနဲ့လည်း လိုက်ဖက်တင့်တယ်မှုရှိဖို့ ဆိုတာလည်း လုံးဝမမေ့သင့်ပါဘူး။


ထမင်းစားခန်းထဲက မီးပန်းဆိုင်းက ဘယ်လောက်ကြီးသင့်ပါသလဲ။
မီးပန်းဆိုင်းတွေမှာ အချင်းနဲ့အမြင့်ကို တိုင်းတာလို့ ရွေးချယ်ကြလေ့ရှိပါတယ်။ ပါဝင်တဲ့ မီးလုံးအရေအတွက်ကို တွက်ချက်ပြီးတော့လည်း မီးပန်းဆိုင်းအကြီးအသေးကို ခွဲခြားတာမျိုးလည်းရှိပါတယ်။ ထမင်းစားခန်းအတွက် ရွေးချယ်မယ်ဆိုရင်တော့ ထမင်းစားပွဲက အခရာအကျဆုံးပါပဲ။ ထမင်းစားပွဲအကျယ်ရဲ့ ထက်ဝက် (သို့မဟုတ်) သုံးပုံနှစ်ပုံက မီးပန်းဆိုင်းရဲ့ အချင်းအတိုင်းအတာပဲ ဖြစ်ပါတယ်။ ယနေ့ဈေးကွက်ထဲရောက်နေတဲ့ ထမင်းစားခန်းမီးပန်းဆိုင်းတွေတော်တော်များများက မီးလုံးလေးလုံးကနေ ခြောက်လုံးအထိပါပြီး အချင်းအနေနဲ့ပါပြီး ၂၆ လက်မကနေ လက်မ၃၀ လောက်ရှိတတ်ကြပါတယ်။
မီးန်းဆိုင်းကို မဝယ်ယူခင်မှာ တပ်ဆင်မယ့် အခန်းရဲ့အမြင့်နဲ့ မီးပန်းဆိုင်းရဲ့အရှည်က နှိုင်းယှဉ်စဉ်းစားစရာပါ။ လက်မ ၃၀-၃၆ လောက်ရှည်တဲ့ မီးပန်းဆိုင်းတွေက လတ်တလောဈေးကွက်ထဲက ပုံမှန်ဆိုဒ်ပါ။ မီးပန်းဆိုင်းက သိပ်ရှည်လွန်းနေရင် မီးပန်းဆိုင်းရဲ့အောက်ဖျားက ထမင်းစားစားပွဲနဲ့ ထိကပ်သွားမှာမို့ ရှည်လွန်းရင်လည်း သိပ်မကောင်းပြန်ပါဘူး။ အခန်းရဲ့အမြင့်ရယ်၊ ထမင်းစားပွဲရဲ့ အရွယ်အစားရယ်သာ မီးပန်းဆိုင်းရဲ့ အံဝင်ဂွင်ကျဖြစ်သွားမယ်ဆိုရင်ပြည့်စုံတဲ့ ပြင်ဆင်မှုဖြစ်သွားပါပြီ။


မီးပန်းဆိုင်းအခန်းတစ်ခုလုံးကို လင်းထိန် နေဖို့ လိုအပ်သလား။
မီးပန်းဆိုင်းရဲ့ သဘာဝကိုက စတိုင်လ်ကျတဲ့ အခန်းအလှဆင်ပစ္စည်းပဲမို့ ထွေထွေထူးထူးရှင်းပြနေစရာ မလိုဘူးထင်ပါတယ်။ အခန်းတစ်ခုလုံးရဲ့ အလင်းအရင်းအမြစ်ရစေဖို့ မီးပန်းဆိုင်းတွေဆီက အလင်းကို မျှော်လင့်မထားသင့်ပါဘူး။ မီးပန်းဆိုင်းက အခန်းရဲ့ပင်မအရင်းအမြစ်လို့ ထင်နေရင်တာ့ တကယ့်အမှားကြီးကြီးကို ကျူးလွန်မိတာပါပဲ။ အခန်းရဲ့အလယ်ဗဟိုက မီးပန်းဆိုင်းတစ်ခုတည်းကနေ အခန်းတစ်ခုလုံးကိုလင်းထိန်နေစေတာ ဆိုရင်လည်းတော်တော်ကြည့်ရဆိုးတဲ့ အလင်းရောင်ပြင်ဆင်မှုပါပဲ။ တကယ်တမ်းတော့ မီးပန်းဆိုင်းဆိုတာက အခန်းအလှအတွက် ဖြည့်စွက်အလင်းပဲဖြစ်ပြီး ပုံစံတကျလှလှပပလေး ဖြစ်နေဖို့ကသာ အဓိကပါ။ ဒီဇိုင်းအမျိုးမျိုးနဲ့ မီးပန်းဆ ိုင်းအလင်းတွေက နံရံပေါ်က ပန်းချီကားတွေ၊ အခန်းထောင့်တွေက ဘီရိုပုလေးတွေနဲ့ နေရာလပ်တွေအထိမကျန် အလင်းဖြာနေတဲ့ ပုံစံလေးဖန်တီးပေးမှာမို့ အရမ်းကြီးလင်းထိန်လွန်းနေစရာမလိုပါဘူး။


LED မီးသီးသုံးမီးပန်းဆိုင်းများနှင့် သာမာန်မီးသီးသုံးမီးပန်းဆိုင်းကွာခြားမှုရှိသလား။

LED မီးသီးသုံး မီးပန်းဆိုင်းများရှိပါသလား လို့ မေးလာခဲ့ရင် လုံးဝအသေအချာ ပြတ်ပြတ်သားသားရှိတာပေါ့လို့ ဖြေရုံပါပဲ။ မီးလုံးအလှဆင်ဒီဇိုင်နာတွေနဲ့ မီးသီးထုတ်လုပ်သူတွေဟာ LED မီးသီးတွေနဲ့ပတ်သက်လို့ အဆင့်ဆင့်စမ်းသပ်လေ့လာခဲ့ကြရာ ကနေ့မျက်မှောက်ခေတ်ဈေးကွက်မှာ LED မီးပန်းဆိုင်း အလွယ်တကူ ဝယ်ယူနိုင်တဲ့အထိ တိုးတက်လာခဲ့တာပါ။ LED နည်းပညာတိုးတက်မြင့်မားလာတာနဲ့အမျှ ယခင်သုံးစွဲနေခဲ့တဲ့ သာမာန်မီးသီးတွေနေရာမှာ LED မီးသီးတွေက အစားထိုးလာနိုင်ခဲ့ပါပြီ။ အရင်သုံးနေကျ သာမာန်မီးလုံးနေရာတွေအစား LED မီးသီးတပ်ဆင်မှု ပိုမိုတွင်ကျယ်လာခဲ့တာက LED မီးသီးတွေဟာ အရွယ်အစားမှာ သာမာန်မီးလုံးတွေနဲ့ မတူအောင် အလွန့်အလွန်ကို သေးငယ်ပေမယ့် ပိုပြီးလင်းထိန်စွမ်းရှိတာကြောင့်ပါ။ မီးသီးအရွယ်အစားသေးငယ်တော့ မီးဒီဇိုင်းဆင်တဲ့အခါမှာ မီးပန်းဆိုင်းတွေဆင်တဲ့အခါမှာ မီးပန်းဆိုင်းတွေက အရုပ်ဆိုးလောက်အောင် ပေါ်ထွက်မနေတော့တာ ကြောင့် မီးဒီဇိုင်နာတွေ နှစ်သက်ကြတာပဲ ဖြစ်ပါတယ်။ သာမာန်မီးသီးတွေထက် LED မီးသီးတွေက အလင်းရောင်ပိုတောက်ပြီး စွမ်းအင်နဲ့ ကုန်ကျစရိတ်ကိုလည်း သိသိသာသာချွေတာပေးတာကြောင့် LED မီးလုံးတွေ အသုံးတွင်ကျယ်လာခဲ့တာပဲ ဖြစ်ပါတယ်။ LED မီးသီးတွေက သာမာန်မီးသီးတွေထက် ငါးဆလောက်အပူချိန်လျှော့ချနိုင်ပြီး စွမ်းအင်ကို ငါးပုံတစ်ပုံလောက် ပိုချွေတာနိုင်ပါသေးတယ်။ ဒါ့ပြင် LED မီးသီးတွေက သာမာန်မီးသီးတွေထက် ကြာရှည်အသုံးလည်း ခံပါသေးတယ်။


ကဗျာဆန်ဆန် အခိုက်အတန့်မျိုးအတွက် LED မီးပန်းဆိုင်းကလည်း မီးရောင်မှိန်ပေးနိုင်ပါသလား။
ဈေးကွက်ထဲက LED မီးပန်းဆိုင်းတွေတိုင်းက မီးမှိန်ခလုတ်တစ်မျိုးမပါတတ်ကြပေမယ့် အသေအချာရွေးချယ်နိုင်မယ်ဆိုရင်တော့ မီးမှိန်ခလုတ်နဲ့ LED မီးပန်းဆိုင်းကို ရရှိနိုင်ပါတယ်။ ဒါကြောင့်မို့ သင့်အနေနဲ့ LED မီးပန်းဆိုင်းကို လိုချင်တယ်၊ ကဗျာဆန်ပြီး ချစ်သူနှစ်ဦး ကြည်နူးဖွယ်အခိုက်အတန့်လေးတွေအတွက်လည်း လက်မလွတ်ချင်ဘူးဆိုရင်တော့ မီးမှိန်ခလုတ်ပါတဲ့ LED မီးပန်းဆိုင်းကို အသေချာမေးလို့ ဝယ်ယူရမှာပဲ ဖြစ်ပါတယ်။


ထမင်းစားခန်းကလွဲပြီး ကျန်တဲ့အခန်းတွေမှာရော မီးပန်းဆိုင်းနဲ့ သင့်တော်နိုင်မလား။
မီးပန်းဆိုင်းတွေကို ထမင်းစားခန်းသာမက အိမ်ရဲ့အဝင်ခန်းတွေ၊ လျှောက်လမ်းနေရာတွေ၊ မီးဖိုချောင်၊ ဧည့်ခန်း၊ အိပ်ခန်းတွေအပြင် ရေချိုးခန်းနဲ့ အဝတ်လဲခန်းတွေအထိပါ အလှတပ်ဆင်နိုင်တယ်လို့ဆိုရင် သင်အံ့သြသွားမယ် ထင်ပါရဲ့။ မီးပန်းဆိုင်းတွေက သူ့ရဲ့အရွယ်အစားနဲ့ အပြင်အဆင်ကို အသေးစိတ်သတိထားဖို့ကလွဲရင် ကျန်တဲ့မည်သည့်နေရာမဆို လှပတင့်တယ်စေတာမို့ လွတ်လွတ်လပ်လပ် အသုံးပြုနိုင်တဲ့အခန်းအလှဆင်ပစ္စည်းဆိုရင်လည်း လုံးဝမမှားပါဘူး။ မီးပန်းဆိုင်းတပ်ဆင်တာနဲ့ ပတ်သက်ပြီး နောက်ဆုံးသတိထားရမယ့်အချက်ကတော့ တပ်ဆင်တဲ့ မျက်နှာကျက်နေရာမှာ မိုးရေစိမ့်ပြီး ရေရွှဲနေတာမျိုးမရှိစေဖို့ပဲ ဖြစ်ပါတယ်။ လျှပ်စစ်မီး အသုံးပြုအလှဆင်တဲ့ အခန်းအလှဆင်ပစ္စည်းဖြစ်တာမို့ မျက်နှာကျက်ရေစိမ့်တာမျိုးမရှိအောင် တိတိကျကျပြင်ဆင်ထားပြီး စိတ်ချရတဲ့အနေအထားရောက်မှ တပ်ဆင်ဖို့ အရေးကြီးပါတယ်။ ဒီအချက်လေးတွေအတိုင်း ဂရုတစိုက်ရွေးချယ်ဆောင်ရွက်ရမယ်ဆိုရင်တော့ အလှမီးပန်းဆိုင်းလေးတွေနဲ့ လူတိုင်းအားကျငေးမောရတဲ့ ခမ်းနားထည်ဝါတဲ့အိမ်ကို ပရိတ်သတ်ကြီးကိုယ်တိုင် စိတ်ကြိုက်ဖန်တီး ပိုင်ဆိုင်နိုင်ရမှာပဲ ဖြစ်ပါတယ်။

Download eBook version as a FREE!

လူဖတ်အများဆုံး ဆောင်ပါး (၅)ပုဒ်

  • Home page 10896 viewed
  • Welcome to Home & Decor 5700 viewed
  • ပြည်တော်အေးရိပ်သာလမ်းမှSingle Family Home 3229 viewed
  • အိမ်နီးချင်းကြောင့် လာဘ်ပိတ်ခြင်း 2798 viewed
  • ဖုန္းေရႊအဘိဓာန္ 2762 viewed

ads

နှစ်သစ်ကူးနေ့ဆိုတာက ကိုယ့်သူငယ်ချင်းတွေ၊ ကိုယ့်မိသားစုတွေနဲ့ ကုန်ဆုံးသွားရမယ့်၊ အတူဖြတ်သန်းရမယ့်နေ့တစ်နေ့ပါ။ နှစ်တစ်နှစ်ကို အမှတ်တရ ရှိနေအောင် အတူတူ ဆင်နွှဲဖို့အတွက် တကယ့်ကို စိတ်လှုပ်ရှားစရာကောင်းတဲ့ ရုံးပိတ်ရက်တစ်ရက်ပဲ ဖြစ်ပါတယ်။ ဒါကြောင့် ကိုယ်ချစ်တဲ့ခင်တဲ့သူတွေနဲ့အတူ ပျော်ရွှင်ရအောင် သင့်တင့်တဲ့ ပြင်ဆင်မှုလေးတွေနဲ့ ပွဲတော်တစ်ခုကို ဖန်တီးလိုက်ရအောင်။
ဘောလုံးကိရိယာတန်ဆာပလာများဖြင့် နှစ်သစ်ကူးနေ့ကို အလှဆင်ခြင်း
နှစ်သစ်ကူးနေ့ကို ကျင်းပဖို့အတွက် ဘောလုံးကို အသုံးပြုပေးတာက ခုနောက်ပိုင်း ပိုပြီး ကျော်ကြားလာတဲ့ နည်းလမ်းတစ်ခု ဖြစ်ပါတယ်။ တကယ်လို့ နှစ်သစ်ကူးနေ့မှာ ဘောလုံးပွဲတွေ ကျင်းပဖို့ ရှိနေတယ်ဆိုရင် ဘောလုံးပွဲကို ထင်ဟပ်စေမယ့် ဘောလုံးနဲ့ ပတ်သတ်တဲ့ တန်ဆာပလာတွေနဲ့လည်း အလှဆင်ပေးနိုင်ပါတယ်။
နောက်တစ်ခုက အစိမ်းရောင်ရှိတဲ့ အခင်း သို့မဟုတ် ဘောလုံးကွင်းသုံး အစိမ်းရောင် ပစ္စည်း တို့ကို အသုံးပြုပြီး ပန်းကန်ပြား၊ ခွက်ယောက်၊ လက်သုတ်ပုဝါတို့နဲ့ တွဲပေးထားလိုက်ပါ။ အလယ်စင်တာအတွက် ဘောလုံးအသေးလေးတစ်လုံးကို အသုံးပြုပေးတာက ထူးခြားတဲ့ အလှဆင်ခြင်းမျိုးလေးပဲ ဖြစ်ပါတယ်။


DIY ဘောလုံးအလှဆင်ဒီဇိုင်း
အညိုရောင် စာရွက်ထဲကနေမှ ဘောလုံးပုံစံ ညှပ်ထုတ်လိုက်ပြီး ကိုယ်တိုင် ဒီဇိုင်းလေးတစ်ခု ဖန်တီးလိုက်ပါ။ အဖြူရောင် မျဉ်းကြောင်းတွေ ဆွဲဖို့အတွက် အဖြူရောင်အရည်ထွက်တဲ့ ဘောပင်အမျိုးအစားမျိုးကို အသုံးပြုပေးပါ။ ချိတ်ဆွဲလို့ရအောင် ဘောလုံးတွေကို ကြိုးပေါ်မှာ တိပ် နဲ့ ကပ်ပေးပါ။ ဘောလုံးလေးတွေ ချိတ်ထားတဲ့ ကြိုးကို တံခါးဟိုဘက် သည်ဘက် ချိတ်ဆွဲထားနိုင်သလို သင်ကြိုက်နှစ်သက်တဲ့ နေရာတိုင်းမှာ အလှဆင်နိုင်ပါတယ်။
ဘောလုံးများဖြင့် အလှဆင်ထားသော နံပါတ်များ
ယခုလာမယ့်နှစ်တစ်နှစ်ကို ကိုယ်စားပြုထားတဲ့ နံပါတ်တွေကို ကို ပြုလုပ်ဖို့အတွက် ဘောလုံးလေးတွေကို အသုံးပြုပြီးလည်း အလှဆင်နိုင်ပါတယ်။ ဘောလုံးတွေကို ဟီလီယမ်ဓာတ်ငွေ့ကို ဖြည့်ပေးပြီး စိတ်ကြည်နူးစရာကောင်းအောင် ပျော်စရာကောင်းအောင် ကြည့်ရတာတမျိုးလေးဖြစ်အောင် main table ရဲ့ အလည်မှာ ချိတ်ဆွဲပြီး အလှဆင်ယင်နိုင်ပါတယ်။
ရှန်ပိန်ပူပေါင်းနံရံ
ရှန်ပိန်ရဲ့ ပလုံစီပူပေါင်းပုံစံမျိုး နံရံမှာ ပြုလုပ်နိုင်ဖို့အတွက် ရွှေရောင်ငွေရောင် ပူပေါင်းတွေကို အသုံးပြုပေးပါ။ အနက်စာရွက်စက္ကူမှ ရှန်ပိန်ပုလင်းပုံစံကို ညှပ်ထုတ်လိုက်ပါ။ ရှန်ပိန်ပုလင်းပုံစံညှပ်ထားတဲ့ စက္ကူစာရွက်ရဲ့ ထိပ်မှာ ရွှေရောင် ငွေရောင် ပူပေါင်းတွေ ကို နှစ်ဖက်တိပ်နဲ့ ကပ်ပေးပြီး ရှန်ပိန်ပုလင်းမှ ပလုံစီ ပူပေါင်းလေးတွေ ထွက်လာတဲ့ ပုံစံမျိုး အလှဆင်နိုင်ပါတယ်။


အနာဂါတ်ကို ကြိုတင်ခန့်မှန်းခြင်း
ဒီလို အိုင်ဒီယာမျိုးကို အလှဆင်ယင်ခြင်းတစ်ခုအနေနဲ့ guest book ကို အသုံးပြုပေးရုံနဲ့ ဖန်တီးနိုင်ပါတယ်။ notebook စာအုပ်နဲ့ ဘောလ်ပင်ကို စားပွဲပေါ်မှာ အတူထားပေးပြီး crystal balls လေးတွေနဲ့ အလှဆင်ထားလိုက်ပါ။ ရောက်ရှိလာတဲ့ ဧည့်သည်တွေကို နောင်လာမယ့် အနာဂါတ်ကာလကို ကြိုတင်ခန့်မှန်းပြီး စာအုပ်တစ်အုပ်ထဲမှာ မှတ်တမ်းတင်ထားနိုင်အောင် ပြုလုပ်ပေးပါ။
အိုရီဂါမီ ခေါက်ထားသော ကြယ်များဖြင့် အလှဆင်ခြင်း
မျက်နှာကြက်မှ ကြယ်များ မျောလွင့်နေသယောင် တွဲလောင်းချ အလှဆင်ထားခြင်း၊ နံရံအလှဆင်ခြင်းဖြင့် မိမိအခန်းကို ကမ္ဘာ့အပြင်ရောက်နေသယောင် ခံစားရသလိုမျိုး ဖန်တီးလို့ရပါတယ်။ အဲ့လိုပြုလုပ်ဖို့ လိုအပ်တဲ့ ပစ္စည်းတွေကတော့ သင့်အခန်းကို ပိုပြီးထင်သာမြင်သာ ရှိသွားစေမယ့် အိုရီဂါမီကြယ်လေးတွေ ပြုလုပ်ဖို့ စက္ကူစာရွက်လေးတွေပဲ လိုအပ်ပါတယ်။
သင်ပုန်းဖြင့် အလှဆင်ခြင်း
နှစ်သစ်ကူးနေ့မှာ နောက်ထပ်ပျော်စရာကောင်းစေမယ့် အပြင်အဆင်တစ်ခုကတော့ သင်ပုန်းကို ပန်းကုံးလေးတွေနဲ့ အလှဆင်ထားခြင်းမျိုးဖြစ်ပါတယ်။ သင်ပုန်းမှာ စက္ကူစာရွက်အပိုင်းအစလေးတွေနဲ့ ‘love weight’ နဲ့ ‘save money’ တို့ကို စာလုံးလေးတွေကို နှစ်ဖက်တိပ်လေးနဲ့ ကပ်ထားပေးပြီး ရောက်ရှိလာတဲ့ ဧည့်သည်တွေကို ကိုယ်ကြိုက်တာရွေးချယ်စေပြီး အင်္ကျီႌမှာ ကပ်ဖို့ပြောပေးပါ။ ဧည့်သည်တွေ ရေးလို့ရအောင်လည်း သင်ပုန်းဘေးမှာ စာရွက်တချို့ကို ထားထားပေးပါ။

မျောလွင့်နေသော အာလီယမ် ဂြိုလ်သားလေးများ
အစိမ်းရောင်၊ အပြာရောင်၊ အဝါရောင် တို့လို ရောင်စုံစာရွက်တွေကနေမှ မတူညီတဲ့ အာလီယမ်ဂြိုလ်သား ပုံစံလေးတွေ ညှပ်ထုတ်လိုက်ပါ။ ရယ်စရာကောင်းတဲ့ မျက်နှာတွေ ရလာဖို့အတွက် မျက်လုံးတို့လိုနေရာတွေကို အနက်ရောင် မာကာပန် ကို အသုံးပြုပြီး ချယ်သပေးပါ။ နံရံ၊ ဘောလုံး၊ နဲ့ တခြားအရာတွေကနေ တွဲလောင်းကျ ချတ်ဆွဲဖို့အတွက် အရုပ်လေးတွေရဲ့ အပေါ်မှာ အပေါက်လေးဖောက်ပေးထားပါ။ အဲ့လိုဆိုရင် အာလီယမ် ဂြိုလ်သားလေးတွေဒီဇိုင်းရှိတဲ့ အလှဆင်နည်းနဲ့လည်း နှစ်သစ်ကူးမှာ အလှဆင်နိုင်ပါတယ်။

ရွှေရောင်နောက်ခံ Backdrop ဒီဇိုင်း
နှစ်သစ်ကူးနေ့မှာ ပိုပြီးပြည့်စုံတဲ့ ဓာတ်ပုံတွေ ထွက်လာဖို့အတွက်ဆိုရင် အရောင်တောက်တောက်ပပရှိတဲ့ backdrop လို ပုံစံမျိုးကို အသုံးပြုဖို့ ကြိုးစားကြည့်သင့်ပါတယ်။ Backdrop မှာ ရွှေရောင်အမျှင်တွေချိတ်ပေးထားပြီး မျက်မှန်၊ နှစ်သစ်ကူးအမှတ်တရ ဦးထုတ် နဲ့ ပလက်စတစ်ရှန်ပိန် ပုလင်းလေးတွေကိုလည်း အမှတ်တရ ဓာတ်ပုံတွဲရိုက်ဖို့ ထားပေးသင့်ပါတယ်။
Disco မီးလုံးများ
သင့်ရဲ့ ပါတီကို disco မီးလုံးလေးတွေ အသုံးပြုပြီး အလှဆင်နိုင်ပါတယ်။ သင်က disco မီးလုံးတွေနဲ့ အလှမဆင်ချင်ဘူးဆိုရင်တော့ Styrofoam ဘောလုံးကို ဒန်စက္ကူကပ်ကာအသုံးပြုပြီး ကိုယ်တိုင်အလှဆင်ယင်နိုင်ပါတယ်။
နှစ်သစ်ကူး နံပါတ်များ
ခုလာမယ့် နှစ်ရဲ့ နံပါတ်တွေကို ပါတီမှာ တန်ဆာဆင်ဖို့ အသုံးပြုပေးပါ။ နံပါတ်တွေကို လင်းနေအောင်လုပ်ပေးထားပြီး အလှဆင်နိုင်ပါတယ်။ နံပါတ်တွေနဲ့ အလှဆင်တာကလည်း အမှတ်တရဖြစ်စေမယ့် ရွေးချယ်မှုတွေက တစ်ခုပဲဖြစ်ပါတယ်။


နောက်တစ်နည်းကတော့ ပိုစတာဘုတ်ထဲမှ ယခုရောက်ရှိလာမယ့်နှစ်တစ်နှစ်ကို ကိုယ်စားပြုထားတဲ့ နံပါတ်တွေကို ညှပ်ထုတ်လိုက်ပါ။ တစ်ရှုး၊ စက္ကူပန်းပွားနဲ့ ပန်းအတုတွေကို နံရံမှာ ချိတ်ဆွဲအလှဆင်ဖို့အတွက် အသုံးပြုပေးပါ။ ပါတီပွဲအလှဆင်ထားပြီး ကျန်ရှိနေတဲ့ အပိုင်းတွေကို ပိုပြီးပြည့်စုံစေဖို့အတွက် တစ်ရှုးနဲ့ ပန်းတွေကို အရောင်တွေနဲ့ ရွေးချယ်အသုံးပြုပေးပါ (သို့မဟုတ်) အပြင်အဆင်အားလုံးနဲ့ လိုက်ဖက်မှုရှိအောင် အဖြူ နဲ့ အနက်ကို အသုံးပြုပေးပါ။
နံပါတ်များကို တွဲလောင်းချ အလှဆင်ခြင်း
အလှဆင်မီးကြိုးလေးတွေနဲ့ ပြုလုပ်ထားတဲ့ နံပါတ်လေးတွေကို ရွေးချယ်ပြီး အသုံးပြုပေးလို့ ရသလို ကိုယ်ကိုယ်တိုင် ပြုလုပ်ပြီး နံရံမှာပဲ ဖြစ်ဖြစ် အခန်းထဲမှာပဲ ဖြစ်ဖြစ် အလှဆင်လို့ ရပါတယ်။ အရောင်တောက်တဲ့ စက္ကူစာရွက်ကနေမှ နံပါတ်တွေကို ညှပ်ထုတ်လိုက်ပြီး ကြိုးထည့်လို့ရအောင် အပေါက်လေးတွေ ဖောက်ပေးလိုက်ပါ။ အရောင်တောက်တဲ့စက္ကူကို အသုံးပြုပြီး 3D ပုံစံကြယ်ခေါက်ထားတာကို အခုနက ညှပ်ထုတ်ထားတဲ့နံပါတ်တွေမှာ အသုံးပြုပေးပါ။ ယခုဆိုရင် သင့်ရဲ့ နံပါတ်တွေကို မီးနဲ့အလှဆင်ထားတဲ့ အလှဆင်ပန်းကုံးလေးကို ချိတ်ဆွဲထားလို့ ရပါပြီ။
နံပါတ်တွေကို ဖြောက်ပြီး အလှဆင်ခြင်း
တခါတလေ နှစ်ကူးပါတီ မီးပျက်သွားရင်တောင် သင့်ရဲ့ ပါတီအပြင်အဆင်က မြင်နိုင်တာမျိုးတွေ ဖြစ်အောင်အလှဆင်လို့ ရပါတယ်။ သင့်ရဲ့ နှစ်သစ်ကူးရက်ကို ပိုပြီး လှပသွားအောင် ဘောလုံးတွေ၊ LED အလှဆင်ထားတဲ့ မီးပန်းကုံးတွေ၊ မြောင်းအလှဆင်ခြင်း၊ စားပွဲအလှဆင်ခြင်း နဲ့ ခွက်အလှဆင်ခြင်းတွေကို ဗီနိုင်းနံပါတ်စတစ်ကာတွေနဲ့ပဲ ဖြစ်ဖြစ် အမှောင်ထဲမှာ အရောင်တောက်သွားစေမယ့် အပြင်အဆင်တွေကို ထည့်ပြီး အသုံးပြုပေးပါ။ ယခု မီးတွေအားလုံးကို ပိတ်လိုက်ပါ၊ အရာအားလုံးအသက်ပြန်ဝင်လာပါလိမ့်မယ်။ အဲ့လိုလုပ်ပေး ခြင်းက အရမ်းကို ပျော်ရွှင်စရာ ကောင်းပါလိမ့်မယ်။
နာရီများနှင့် အလှဆင်ခြင်း
နာရီတွေဆိုတာက အချိန်ကိုတိုင်းတာတဲ့ နည်းလမ်းတစ်ခုလည်းဖြစ်တဲ့အပြင် နှစ်ကူးပွဲတော်အတွက်အသုံးပြုမယ်ဆိုရင်လည်း ပြည့်စုံမှုရှိတဲ့ သင်္ကေတလေးတစ်ခုဖြစ်ပါတယ်။ နာရီတွေကို ပုံစံအမျိုးမျိုးနဲ့ အလှဆင်နိုင်ပါတယ်။ စားပွဲတင်အလှဆင်ယင်မှုတစ်ခုအနေနဲ့ အသုံးပြုနိုင်သလို အခန်းတွင်းလည်း အလှဆင်နိုင်ပါတယ်။


နာရီတွေကို စားပွဲလှဆင်ယင်ခြင်းအနေနဲ့ ပြုလုပ်ဖို့ နည်းလမ်းအများကြီးရှိပါတယ်။ ပထမတစ်ခုအနေနဲ့ အလယ်စင်တာတစ်ခုဖန်တီးဖို့အတွက် နာရီတွေအကုန်လုံးကို တစ်နေရာတည်း အတူတူထားပေးလိုက်တဲ့ နည်းဖြစ်ပါတယ်။ နာရီအားလုံးကို Alarm လုပ်ပေးထားလိုက်ပြီး ညလယ် ၁၂ မှာ မြည်လာစေဖို့အတွက် သေချာမှုရှိနေပါစေ။ နောက်ထပ် အကြံတစ်ခုတစ်ခုကတော့ နာရီတွေအားလုံးကို လှန်ထားလိုက်ပြီးတော့ ပေါ်မှာ ဖန်အကြည်တစ်ချပ်ကို တင်ထားပေးလိုက်ပါ။ ဖန်အကြည်မှဖြတ်ပြီး ရောက်ရှိနေတဲ့ အချိန်ကို မြင်နိုင်မှာပဲ ဖြစ်ပါတယ်။
DIY နာရီများဖြင့် နံရံအလှဆင်ခြင်း
နံရံပေါ်က စက္ကူစက်ပိုင်းပေါ်မှာ နံပါတ်စတစ်ကာတွေထပ်ထည့်ခြင်းအားဖြင့် ကိုယ်ပိုင်နံရံကပ်နာရီလေးကို ဖန်တီးလိုက်ပါ။ နာရီဒိုင်ခွက်ထဲက လက်တံတွေကို ကိုယ်စားပြုဖို့ အပြင်မှာ စတေကာနံပါတ်တွေကို အသုံးပြုပေးပါ။ အနက်ရောင်စက္ကူမှ နာရီလက်တံပြုလုပ်ဖို့ ညှပ်ထုတ်လိုက်ပြီး နံရံမှာ တပ်ဆင်လိုက်ပါ။ စက္ကူစာရွက်အပြင် ဘောလုံးတွေနဲ့လည်း အလှဆင်အသုံးပြုပေးနိုင်ပါတယ်။
DIY နာရီ၊ တန်ဆာပစ္စည်းတွေနဲ့ ပတ်သက်ပြီး နံရံနာရီလက်တံ အမျိုးအစားတွေကိုလည်း ရွေးချယ်ပြီး အသုံးပြုပေးနိုင်ပါတယ်။ အလင်းရောင်တောက်တောက်ပတဲ့ စက္ကူစာရွက်မှ မတ်ခွက်အရွယ်အစားရှိတဲ့ စက်ဝိုင်းပုံညှပ်ထုတ်လိုက်ပါ။ နံပါတ်တွေနဲ့ အချိန်တွေကို ပြသနိုင်ဖို့အတွက် နာရီလက်တံတွေကို တပ်ဆင်လိုက်ပါ။ အပေါက်သေးသေးလေးဖောက်လိုက်ပြီး ဟီလီယမ်ဘောလုံးတွေနဲ့ ချည်ထားတဲ့ဖဲကြိုးတွေကို အပေါက်မှာ ချည်လိုက်ပါ။ နံရံမှာ ဘောလုံးတွေ မျောလွင့်နေဖို့ လုပ်ပေးထားလိုက်ခြင်းက သင့်ခန်းထဲမှာ တကယ့်ကို ပြိုင်ဘက်ကင်းတဲ့ နာရီအလှဆင်မှုကို ပြုလုပ်ထားတာပဲ ဖြစ်ပါတယ်။
မီရှုးမီးပန်းများ
နှစ်သစ်ကူးဆိုတာက တကယ်တော့ မီးရှုးမီးပန်းတွေ အလှဆင်ဖောက်တာတွေနဲ့ ပြည့်နေတဲ့ ရက်တစ်ရက်ပဲ ဖြစ်ပါတယ်။ ကိုယ်တိုင်လုပ်ဖို့ဆိုရင်တော့ Shish Kabob အချောင်းတွေ၊ မီးခိုးရောင် ပန်းပွားလေးတွေ၊ ဆင်ကော် နဲ့ အရောင်တောက်ပစေနိုင်တဲ့ ပစ္စည်းမျိုးတွေ လိုပါတယ်။ Shish Kabob တုတ်ချောင်းကို သင်လိုချင်တဲ့ အရှည်အတိုကို ဖြတ်လိုက်ပါ။ ပန်းပွားတွေကို ဆင်ကော် ဖြန်းလိုက်ပြီး အရောင်တောက်စေတဲ့ ပစ္စည်းတွေ ကပ်လိုက်ပြီး အခြောက်ခံလိုက်ပါ။ သင့်ရဲ့ စားသောက်စားပွဲတွေနဲ့ အချိုစားပွဲ တို့မှာ မီးအလင်းရောင်တွေ ဖြာထွက်နေစေတဲ့ အသွင်မျိုးရအောင် လိုက်ကပ်ပြီး အသုံးပြုအလှဆင်နိုင်ပါတယ်။
အရိုးရှင်းဆုံးသော အလှဆင်ခြင်းများ
ပွဲလမ်းသဘင်ပုံစံမျိုးလို ရိုးရိုးရှင်းရှင်းအလှဆင်ထားတာမျိုးကိုလည်း လစ်လျူမရှုသင့်ပါဘူး။ ဧည့်ကြိုစားပွဲနဲ့ တခြား စားပွဲတွေတိုင်းမှာ လတ်လတ်ဆတ်ဆတ်ရှိတဲ့ ပန်းပွင့်၊ ပန်းစည်းတွေ ထားရှိပေးပါ။ ဧည့်သည်တွေ ကြိုက်နှစ်သက်လောက်တဲ့ အရသာရှိပုံပေါ်လွင်တဲ့ အစားအစာတွေကိုလည်း ထားရှိပေးပါ။ အဲ့လိုလုပ်ပေးထားတာက သင့်ရဲ့ နှစ်သစ်ကူးပွဲကို ပါတီအသွင်မျိုး ရရှိခံစားစေနိုင်တဲ့ အပြင်အဆင်ပဲ ဖြစ်ပါတယ်။
တကယ်တော့ နှစ်သစ်ကူးဆိုတာက သင့်ရဲ့ မိသားစုဝင်တွေ၊ သူငယ်ချင်းတွေနဲ့ ပတ်သက်ဆက်နွယ်နေတဲ့ နေ့လေးတစ်နေ့ဖြစ်ပါတယ်။ သင့်ရဲ့ နှစ်သစ်ကူး ပိတ်ရက်ကို ပျော်ရွှင်စရာတွေနဲ့ ပြည့်နှက်သွားရအောင်ပဲ ဖြစ်ဖြစ် ရိုးရိုးလေးပဲ အမှတ်တရတွေကို သိမ်းထားနိုင်အောင်ပဲ ဖြစ်ဖြစ် ရယ်မောစရာတွေ အတိဖြစ်နေအောင် ပြုလုပ်လိုက်ပါ။

Download eBook version as a FREE!

လူဖတ်အများဆုံး ဆောင်ပါး (၅)ပုဒ်

  • Home page 10896 viewed
  • Welcome to Home & Decor 5700 viewed
  • ပြည်တော်အေးရိပ်သာလမ်းမှSingle Family Home 3229 viewed
  • အိမ်နီးချင်းကြောင့် လာဘ်ပိတ်ခြင်း 2798 viewed
  • ဖုန္းေရႊအဘိဓာန္ 2762 viewed