အိမ်တွင်း အလှဆင် နည်းလမ်းများ

ads

နှစ်သစ်ကူးနေ့ဆိုတာက ကိုယ့်သူငယ်ချင်းတွေ၊ ကိုယ့်မိသားစုတွေနဲ့ ကုန်ဆုံးသွားရမယ့်၊ အတူဖြတ်သန်းရမယ့်နေ့တစ်နေ့ပါ။ နှစ်တစ်နှစ်ကို အမှတ်တရ ရှိနေအောင် အတူတူ ဆင်နွှဲဖို့အတွက် တကယ့်ကို စိတ်လှုပ်ရှားစရာကောင်းတဲ့ ရုံးပိတ်ရက်တစ်ရက်ပဲ ဖြစ်ပါတယ်။ ဒါကြောင့် ကိုယ်ချစ်တဲ့ခင်တဲ့သူတွေနဲ့အတူ ပျော်ရွှင်ရအောင် သင့်တင့်တဲ့ ပြင်ဆင်မှုလေးတွေနဲ့ ပွဲတော်တစ်ခုကို ဖန်တီးလိုက်ရအောင်။
ဘောလုံးကိရိယာတန်ဆာပလာများဖြင့် နှစ်သစ်ကူးနေ့ကို အလှဆင်ခြင်း
နှစ်သစ်ကူးနေ့ကို ကျင်းပဖို့အတွက် ဘောလုံးကို အသုံးပြုပေးတာက ခုနောက်ပိုင်း ပိုပြီး ကျော်ကြားလာတဲ့ နည်းလမ်းတစ်ခု ဖြစ်ပါတယ်။ တကယ်လို့ နှစ်သစ်ကူးနေ့မှာ ဘောလုံးပွဲတွေ ကျင်းပဖို့ ရှိနေတယ်ဆိုရင် ဘောလုံးပွဲကို ထင်ဟပ်စေမယ့် ဘောလုံးနဲ့ ပတ်သတ်တဲ့ တန်ဆာပလာတွေနဲ့လည်း အလှဆင်ပေးနိုင်ပါတယ်။
နောက်တစ်ခုက အစိမ်းရောင်ရှိတဲ့ အခင်း သို့မဟုတ် ဘောလုံးကွင်းသုံး အစိမ်းရောင် ပစ္စည်း တို့ကို အသုံးပြုပြီး ပန်းကန်ပြား၊ ခွက်ယောက်၊ လက်သုတ်ပုဝါတို့နဲ့ တွဲပေးထားလိုက်ပါ။ အလယ်စင်တာအတွက် ဘောလုံးအသေးလေးတစ်လုံးကို အသုံးပြုပေးတာက ထူးခြားတဲ့ အလှဆင်ခြင်းမျိုးလေးပဲ ဖြစ်ပါတယ်။


DIY ဘောလုံးအလှဆင်ဒီဇိုင်း
အညိုရောင် စာရွက်ထဲကနေမှ ဘောလုံးပုံစံ ညှပ်ထုတ်လိုက်ပြီး ကိုယ်တိုင် ဒီဇိုင်းလေးတစ်ခု ဖန်တီးလိုက်ပါ။ အဖြူရောင် မျဉ်းကြောင်းတွေ ဆွဲဖို့အတွက် အဖြူရောင်အရည်ထွက်တဲ့ ဘောပင်အမျိုးအစားမျိုးကို အသုံးပြုပေးပါ။ ချိတ်ဆွဲလို့ရအောင် ဘောလုံးတွေကို ကြိုးပေါ်မှာ တိပ် နဲ့ ကပ်ပေးပါ။ ဘောလုံးလေးတွေ ချိတ်ထားတဲ့ ကြိုးကို တံခါးဟိုဘက် သည်ဘက် ချိတ်ဆွဲထားနိုင်သလို သင်ကြိုက်နှစ်သက်တဲ့ နေရာတိုင်းမှာ အလှဆင်နိုင်ပါတယ်။
ဘောလုံးများဖြင့် အလှဆင်ထားသော နံပါတ်များ
ယခုလာမယ့်နှစ်တစ်နှစ်ကို ကိုယ်စားပြုထားတဲ့ နံပါတ်တွေကို ကို ပြုလုပ်ဖို့အတွက် ဘောလုံးလေးတွေကို အသုံးပြုပြီးလည်း အလှဆင်နိုင်ပါတယ်။ ဘောလုံးတွေကို ဟီလီယမ်ဓာတ်ငွေ့ကို ဖြည့်ပေးပြီး စိတ်ကြည်နူးစရာကောင်းအောင် ပျော်စရာကောင်းအောင် ကြည့်ရတာတမျိုးလေးဖြစ်အောင် main table ရဲ့ အလည်မှာ ချိတ်ဆွဲပြီး အလှဆင်ယင်နိုင်ပါတယ်။
ရှန်ပိန်ပူပေါင်းနံရံ
ရှန်ပိန်ရဲ့ ပလုံစီပူပေါင်းပုံစံမျိုး နံရံမှာ ပြုလုပ်နိုင်ဖို့အတွက် ရွှေရောင်ငွေရောင် ပူပေါင်းတွေကို အသုံးပြုပေးပါ။ အနက်စာရွက်စက္ကူမှ ရှန်ပိန်ပုလင်းပုံစံကို ညှပ်ထုတ်လိုက်ပါ။ ရှန်ပိန်ပုလင်းပုံစံညှပ်ထားတဲ့ စက္ကူစာရွက်ရဲ့ ထိပ်မှာ ရွှေရောင် ငွေရောင် ပူပေါင်းတွေ ကို နှစ်ဖက်တိပ်နဲ့ ကပ်ပေးပြီး ရှန်ပိန်ပုလင်းမှ ပလုံစီ ပူပေါင်းလေးတွေ ထွက်လာတဲ့ ပုံစံမျိုး အလှဆင်နိုင်ပါတယ်။


အနာဂါတ်ကို ကြိုတင်ခန့်မှန်းခြင်း
ဒီလို အိုင်ဒီယာမျိုးကို အလှဆင်ယင်ခြင်းတစ်ခုအနေနဲ့ guest book ကို အသုံးပြုပေးရုံနဲ့ ဖန်တီးနိုင်ပါတယ်။ notebook စာအုပ်နဲ့ ဘောလ်ပင်ကို စားပွဲပေါ်မှာ အတူထားပေးပြီး crystal balls လေးတွေနဲ့ အလှဆင်ထားလိုက်ပါ။ ရောက်ရှိလာတဲ့ ဧည့်သည်တွေကို နောင်လာမယ့် အနာဂါတ်ကာလကို ကြိုတင်ခန့်မှန်းပြီး စာအုပ်တစ်အုပ်ထဲမှာ မှတ်တမ်းတင်ထားနိုင်အောင် ပြုလုပ်ပေးပါ။
အိုရီဂါမီ ခေါက်ထားသော ကြယ်များဖြင့် အလှဆင်ခြင်း
မျက်နှာကြက်မှ ကြယ်များ မျောလွင့်နေသယောင် တွဲလောင်းချ အလှဆင်ထားခြင်း၊ နံရံအလှဆင်ခြင်းဖြင့် မိမိအခန်းကို ကမ္ဘာ့အပြင်ရောက်နေသယောင် ခံစားရသလိုမျိုး ဖန်တီးလို့ရပါတယ်။ အဲ့လိုပြုလုပ်ဖို့ လိုအပ်တဲ့ ပစ္စည်းတွေကတော့ သင့်အခန်းကို ပိုပြီးထင်သာမြင်သာ ရှိသွားစေမယ့် အိုရီဂါမီကြယ်လေးတွေ ပြုလုပ်ဖို့ စက္ကူစာရွက်လေးတွေပဲ လိုအပ်ပါတယ်။
သင်ပုန်းဖြင့် အလှဆင်ခြင်း
နှစ်သစ်ကူးနေ့မှာ နောက်ထပ်ပျော်စရာကောင်းစေမယ့် အပြင်အဆင်တစ်ခုကတော့ သင်ပုန်းကို ပန်းကုံးလေးတွေနဲ့ အလှဆင်ထားခြင်းမျိုးဖြစ်ပါတယ်။ သင်ပုန်းမှာ စက္ကူစာရွက်အပိုင်းအစလေးတွေနဲ့ ‘love weight’ နဲ့ ‘save money’ တို့ကို စာလုံးလေးတွေကို နှစ်ဖက်တိပ်လေးနဲ့ ကပ်ထားပေးပြီး ရောက်ရှိလာတဲ့ ဧည့်သည်တွေကို ကိုယ်ကြိုက်တာရွေးချယ်စေပြီး အင်္ကျီႌမှာ ကပ်ဖို့ပြောပေးပါ။ ဧည့်သည်တွေ ရေးလို့ရအောင်လည်း သင်ပုန်းဘေးမှာ စာရွက်တချို့ကို ထားထားပေးပါ။

မျောလွင့်နေသော အာလီယမ် ဂြိုလ်သားလေးများ
အစိမ်းရောင်၊ အပြာရောင်၊ အဝါရောင် တို့လို ရောင်စုံစာရွက်တွေကနေမှ မတူညီတဲ့ အာလီယမ်ဂြိုလ်သား ပုံစံလေးတွေ ညှပ်ထုတ်လိုက်ပါ။ ရယ်စရာကောင်းတဲ့ မျက်နှာတွေ ရလာဖို့အတွက် မျက်လုံးတို့လိုနေရာတွေကို အနက်ရောင် မာကာပန် ကို အသုံးပြုပြီး ချယ်သပေးပါ။ နံရံ၊ ဘောလုံး၊ နဲ့ တခြားအရာတွေကနေ တွဲလောင်းကျ ချတ်ဆွဲဖို့အတွက် အရုပ်လေးတွေရဲ့ အပေါ်မှာ အပေါက်လေးဖောက်ပေးထားပါ။ အဲ့လိုဆိုရင် အာလီယမ် ဂြိုလ်သားလေးတွေဒီဇိုင်းရှိတဲ့ အလှဆင်နည်းနဲ့လည်း နှစ်သစ်ကူးမှာ အလှဆင်နိုင်ပါတယ်။

ရွှေရောင်နောက်ခံ Backdrop ဒီဇိုင်း
နှစ်သစ်ကူးနေ့မှာ ပိုပြီးပြည့်စုံတဲ့ ဓာတ်ပုံတွေ ထွက်လာဖို့အတွက်ဆိုရင် အရောင်တောက်တောက်ပပရှိတဲ့ backdrop လို ပုံစံမျိုးကို အသုံးပြုဖို့ ကြိုးစားကြည့်သင့်ပါတယ်။ Backdrop မှာ ရွှေရောင်အမျှင်တွေချိတ်ပေးထားပြီး မျက်မှန်၊ နှစ်သစ်ကူးအမှတ်တရ ဦးထုတ် နဲ့ ပလက်စတစ်ရှန်ပိန် ပုလင်းလေးတွေကိုလည်း အမှတ်တရ ဓာတ်ပုံတွဲရိုက်ဖို့ ထားပေးသင့်ပါတယ်။
Disco မီးလုံးများ
သင့်ရဲ့ ပါတီကို disco မီးလုံးလေးတွေ အသုံးပြုပြီး အလှဆင်နိုင်ပါတယ်။ သင်က disco မီးလုံးတွေနဲ့ အလှမဆင်ချင်ဘူးဆိုရင်တော့ Styrofoam ဘောလုံးကို ဒန်စက္ကူကပ်ကာအသုံးပြုပြီး ကိုယ်တိုင်အလှဆင်ယင်နိုင်ပါတယ်။
နှစ်သစ်ကူး နံပါတ်များ
ခုလာမယ့် နှစ်ရဲ့ နံပါတ်တွေကို ပါတီမှာ တန်ဆာဆင်ဖို့ အသုံးပြုပေးပါ။ နံပါတ်တွေကို လင်းနေအောင်လုပ်ပေးထားပြီး အလှဆင်နိုင်ပါတယ်။ နံပါတ်တွေနဲ့ အလှဆင်တာကလည်း အမှတ်တရဖြစ်စေမယ့် ရွေးချယ်မှုတွေက တစ်ခုပဲဖြစ်ပါတယ်။


နောက်တစ်နည်းကတော့ ပိုစတာဘုတ်ထဲမှ ယခုရောက်ရှိလာမယ့်နှစ်တစ်နှစ်ကို ကိုယ်စားပြုထားတဲ့ နံပါတ်တွေကို ညှပ်ထုတ်လိုက်ပါ။ တစ်ရှုး၊ စက္ကူပန်းပွားနဲ့ ပန်းအတုတွေကို နံရံမှာ ချိတ်ဆွဲအလှဆင်ဖို့အတွက် အသုံးပြုပေးပါ။ ပါတီပွဲအလှဆင်ထားပြီး ကျန်ရှိနေတဲ့ အပိုင်းတွေကို ပိုပြီးပြည့်စုံစေဖို့အတွက် တစ်ရှုးနဲ့ ပန်းတွေကို အရောင်တွေနဲ့ ရွေးချယ်အသုံးပြုပေးပါ (သို့မဟုတ်) အပြင်အဆင်အားလုံးနဲ့ လိုက်ဖက်မှုရှိအောင် အဖြူ နဲ့ အနက်ကို အသုံးပြုပေးပါ။
နံပါတ်များကို တွဲလောင်းချ အလှဆင်ခြင်း
အလှဆင်မီးကြိုးလေးတွေနဲ့ ပြုလုပ်ထားတဲ့ နံပါတ်လေးတွေကို ရွေးချယ်ပြီး အသုံးပြုပေးလို့ ရသလို ကိုယ်ကိုယ်တိုင် ပြုလုပ်ပြီး နံရံမှာပဲ ဖြစ်ဖြစ် အခန်းထဲမှာပဲ ဖြစ်ဖြစ် အလှဆင်လို့ ရပါတယ်။ အရောင်တောက်တဲ့ စက္ကူစာရွက်ကနေမှ နံပါတ်တွေကို ညှပ်ထုတ်လိုက်ပြီး ကြိုးထည့်လို့ရအောင် အပေါက်လေးတွေ ဖောက်ပေးလိုက်ပါ။ အရောင်တောက်တဲ့စက္ကူကို အသုံးပြုပြီး 3D ပုံစံကြယ်ခေါက်ထားတာကို အခုနက ညှပ်ထုတ်ထားတဲ့နံပါတ်တွေမှာ အသုံးပြုပေးပါ။ ယခုဆိုရင် သင့်ရဲ့ နံပါတ်တွေကို မီးနဲ့အလှဆင်ထားတဲ့ အလှဆင်ပန်းကုံးလေးကို ချိတ်ဆွဲထားလို့ ရပါပြီ။
နံပါတ်တွေကို ဖြောက်ပြီး အလှဆင်ခြင်း
တခါတလေ နှစ်ကူးပါတီ မီးပျက်သွားရင်တောင် သင့်ရဲ့ ပါတီအပြင်အဆင်က မြင်နိုင်တာမျိုးတွေ ဖြစ်အောင်အလှဆင်လို့ ရပါတယ်။ သင့်ရဲ့ နှစ်သစ်ကူးရက်ကို ပိုပြီး လှပသွားအောင် ဘောလုံးတွေ၊ LED အလှဆင်ထားတဲ့ မီးပန်းကုံးတွေ၊ မြောင်းအလှဆင်ခြင်း၊ စားပွဲအလှဆင်ခြင်း နဲ့ ခွက်အလှဆင်ခြင်းတွေကို ဗီနိုင်းနံပါတ်စတစ်ကာတွေနဲ့ပဲ ဖြစ်ဖြစ် အမှောင်ထဲမှာ အရောင်တောက်သွားစေမယ့် အပြင်အဆင်တွေကို ထည့်ပြီး အသုံးပြုပေးပါ။ ယခု မီးတွေအားလုံးကို ပိတ်လိုက်ပါ၊ အရာအားလုံးအသက်ပြန်ဝင်လာပါလိမ့်မယ်။ အဲ့လိုလုပ်ပေး ခြင်းက အရမ်းကို ပျော်ရွှင်စရာ ကောင်းပါလိမ့်မယ်။
နာရီများနှင့် အလှဆင်ခြင်း
နာရီတွေဆိုတာက အချိန်ကိုတိုင်းတာတဲ့ နည်းလမ်းတစ်ခုလည်းဖြစ်တဲ့အပြင် နှစ်ကူးပွဲတော်အတွက်အသုံးပြုမယ်ဆိုရင်လည်း ပြည့်စုံမှုရှိတဲ့ သင်္ကေတလေးတစ်ခုဖြစ်ပါတယ်။ နာရီတွေကို ပုံစံအမျိုးမျိုးနဲ့ အလှဆင်နိုင်ပါတယ်။ စားပွဲတင်အလှဆင်ယင်မှုတစ်ခုအနေနဲ့ အသုံးပြုနိုင်သလို အခန်းတွင်းလည်း အလှဆင်နိုင်ပါတယ်။


နာရီတွေကို စားပွဲလှဆင်ယင်ခြင်းအနေနဲ့ ပြုလုပ်ဖို့ နည်းလမ်းအများကြီးရှိပါတယ်။ ပထမတစ်ခုအနေနဲ့ အလယ်စင်တာတစ်ခုဖန်တီးဖို့အတွက် နာရီတွေအကုန်လုံးကို တစ်နေရာတည်း အတူတူထားပေးလိုက်တဲ့ နည်းဖြစ်ပါတယ်။ နာရီအားလုံးကို Alarm လုပ်ပေးထားလိုက်ပြီး ညလယ် ၁၂ မှာ မြည်လာစေဖို့အတွက် သေချာမှုရှိနေပါစေ။ နောက်ထပ် အကြံတစ်ခုတစ်ခုကတော့ နာရီတွေအားလုံးကို လှန်ထားလိုက်ပြီးတော့ ပေါ်မှာ ဖန်အကြည်တစ်ချပ်ကို တင်ထားပေးလိုက်ပါ။ ဖန်အကြည်မှဖြတ်ပြီး ရောက်ရှိနေတဲ့ အချိန်ကို မြင်နိုင်မှာပဲ ဖြစ်ပါတယ်။
DIY နာရီများဖြင့် နံရံအလှဆင်ခြင်း
နံရံပေါ်က စက္ကူစက်ပိုင်းပေါ်မှာ နံပါတ်စတစ်ကာတွေထပ်ထည့်ခြင်းအားဖြင့် ကိုယ်ပိုင်နံရံကပ်နာရီလေးကို ဖန်တီးလိုက်ပါ။ နာရီဒိုင်ခွက်ထဲက လက်တံတွေကို ကိုယ်စားပြုဖို့ အပြင်မှာ စတေကာနံပါတ်တွေကို အသုံးပြုပေးပါ။ အနက်ရောင်စက္ကူမှ နာရီလက်တံပြုလုပ်ဖို့ ညှပ်ထုတ်လိုက်ပြီး နံရံမှာ တပ်ဆင်လိုက်ပါ။ စက္ကူစာရွက်အပြင် ဘောလုံးတွေနဲ့လည်း အလှဆင်အသုံးပြုပေးနိုင်ပါတယ်။
DIY နာရီ၊ တန်ဆာပစ္စည်းတွေနဲ့ ပတ်သက်ပြီး နံရံနာရီလက်တံ အမျိုးအစားတွေကိုလည်း ရွေးချယ်ပြီး အသုံးပြုပေးနိုင်ပါတယ်။ အလင်းရောင်တောက်တောက်ပတဲ့ စက္ကူစာရွက်မှ မတ်ခွက်အရွယ်အစားရှိတဲ့ စက်ဝိုင်းပုံညှပ်ထုတ်လိုက်ပါ။ နံပါတ်တွေနဲ့ အချိန်တွေကို ပြသနိုင်ဖို့အတွက် နာရီလက်တံတွေကို တပ်ဆင်လိုက်ပါ။ အပေါက်သေးသေးလေးဖောက်လိုက်ပြီး ဟီလီယမ်ဘောလုံးတွေနဲ့ ချည်ထားတဲ့ဖဲကြိုးတွေကို အပေါက်မှာ ချည်လိုက်ပါ။ နံရံမှာ ဘောလုံးတွေ မျောလွင့်နေဖို့ လုပ်ပေးထားလိုက်ခြင်းက သင့်ခန်းထဲမှာ တကယ့်ကို ပြိုင်ဘက်ကင်းတဲ့ နာရီအလှဆင်မှုကို ပြုလုပ်ထားတာပဲ ဖြစ်ပါတယ်။
မီရှုးမီးပန်းများ
နှစ်သစ်ကူးဆိုတာက တကယ်တော့ မီးရှုးမီးပန်းတွေ အလှဆင်ဖောက်တာတွေနဲ့ ပြည့်နေတဲ့ ရက်တစ်ရက်ပဲ ဖြစ်ပါတယ်။ ကိုယ်တိုင်လုပ်ဖို့ဆိုရင်တော့ Shish Kabob အချောင်းတွေ၊ မီးခိုးရောင် ပန်းပွားလေးတွေ၊ ဆင်ကော် နဲ့ အရောင်တောက်ပစေနိုင်တဲ့ ပစ္စည်းမျိုးတွေ လိုပါတယ်။ Shish Kabob တုတ်ချောင်းကို သင်လိုချင်တဲ့ အရှည်အတိုကို ဖြတ်လိုက်ပါ။ ပန်းပွားတွေကို ဆင်ကော် ဖြန်းလိုက်ပြီး အရောင်တောက်စေတဲ့ ပစ္စည်းတွေ ကပ်လိုက်ပြီး အခြောက်ခံလိုက်ပါ။ သင့်ရဲ့ စားသောက်စားပွဲတွေနဲ့ အချိုစားပွဲ တို့မှာ မီးအလင်းရောင်တွေ ဖြာထွက်နေစေတဲ့ အသွင်မျိုးရအောင် လိုက်ကပ်ပြီး အသုံးပြုအလှဆင်နိုင်ပါတယ်။
အရိုးရှင်းဆုံးသော အလှဆင်ခြင်းများ
ပွဲလမ်းသဘင်ပုံစံမျိုးလို ရိုးရိုးရှင်းရှင်းအလှဆင်ထားတာမျိုးကိုလည်း လစ်လျူမရှုသင့်ပါဘူး။ ဧည့်ကြိုစားပွဲနဲ့ တခြား စားပွဲတွေတိုင်းမှာ လတ်လတ်ဆတ်ဆတ်ရှိတဲ့ ပန်းပွင့်၊ ပန်းစည်းတွေ ထားရှိပေးပါ။ ဧည့်သည်တွေ ကြိုက်နှစ်သက်လောက်တဲ့ အရသာရှိပုံပေါ်လွင်တဲ့ အစားအစာတွေကိုလည်း ထားရှိပေးပါ။ အဲ့လိုလုပ်ပေးထားတာက သင့်ရဲ့ နှစ်သစ်ကူးပွဲကို ပါတီအသွင်မျိုး ရရှိခံစားစေနိုင်တဲ့ အပြင်အဆင်ပဲ ဖြစ်ပါတယ်။
တကယ်တော့ နှစ်သစ်ကူးဆိုတာက သင့်ရဲ့ မိသားစုဝင်တွေ၊ သူငယ်ချင်းတွေနဲ့ ပတ်သက်ဆက်နွယ်နေတဲ့ နေ့လေးတစ်နေ့ဖြစ်ပါတယ်။ သင့်ရဲ့ နှစ်သစ်ကူး ပိတ်ရက်ကို ပျော်ရွှင်စရာတွေနဲ့ ပြည့်နှက်သွားရအောင်ပဲ ဖြစ်ဖြစ် ရိုးရိုးလေးပဲ အမှတ်တရတွေကို သိမ်းထားနိုင်အောင်ပဲ ဖြစ်ဖြစ် ရယ်မောစရာတွေ အတိဖြစ်နေအောင် ပြုလုပ်လိုက်ပါ။

Download eBook version as a FREE!

လူဖတ်အများဆုံး ဆောင်ပါး (၅)ပုဒ်

  • Home page 10379 viewed
  • Welcome to Home & Decor 5561 viewed
  • ပြည်တော်အေးရိပ်သာလမ်းမှSingle Family Home 3218 viewed
  • အိမ်နီးချင်းကြောင့် လာဘ်ပိတ်ခြင်း 2797 viewed
  • ဖုန္းေရႊအဘိဓာန္ 2749 viewed

ads

စိတ်ကူးယဉ်ဆန်တယ်ဆိုတာနဲ့ ပထမဆုံးမြင်မိတဲ့အရောင်ကတော့ ပန်းရောင်ဖြစ်ပါတယ်။ မိန်းကလေး တော်တော်များများက ကိုယ့်အတွက်အသုံးပြုတဲ့အရာတော်တော်များများကို ချစ်စရာကောင်းပြီး မိန်းမဆန် တယ်၊ နှူးညံ့တယ်ဆိုတဲ့အရာတွေကိုကိုယ်စားပြုတဲ့ ပန်းရောင်ကိုရွေးတတ်ကြပါတယ်။ (ဥပမာ-အဝတ်အစား၊ accessories၊ ကိုယ်ပိုင်အိမ်ခန်း)။ အမှန်တကယ်ကတော့ စိတ်ကူးယဉ်ဆန်တဲ့အရောင်လေးတွေက ပန်းရောင် အပြင် တခြားအရောင်လေးတွေလည်းရှိနေပါသေးတယ်။ ဒါကိုသက်သေပြတဲ့အနေနဲ့ ကိုယ့်ရဲ့အိမ်ခန်းလေးကို တခြားအရောင်တွေနဲ့ စိတ်ကူးယဉ်ဆန်အောင်ဖန်တီးပြလိုက်ပါတယ်။
(၁)တောက်ပတဲ့လိမ္မော်ရောင်(Glowing oranges)


စာဖတ်သူတွေအနေနဲ့ လိမ္မော်ရောင်လွင်လွင်ကို စိတ်ကူးယဉ်ဆန်တဲ့အရောင်စာရင်းထဲထည့်လိုက်တာ ကို အံ့သြနေကြမယ်ထင်ပါတယ်။ တောက်ပတဲ့လိမ္မော်ရောင်ကို ချစ်စိတ်တက်စေတဲ့အရောင်လို့ UKနိုင်ငံစစ် တမ်းတွေကဖော်ပြထားပါတယ်။ ဒါက တောက်ပတဲ့လိမ္မော်ရောင်နဲ့အလှဆင်ချင်တဲ့ သူတို့ရဲ့ရည်ရွယ်ချက် ကြောင့်လည်းဖြစ်နိုင်ပါတယ်။ ဘယ်လိုပဲဖြစ်ဖြစ်ပါ ဒီတောက်ပတဲ့လိမ္မော်ရောင်လေးက အရောင်တောက် တောက်လေးတွေကိုကြိုက်တဲ့သူတွေနဲ့ အိမ်ခန်းထဲမှာရင်ခုန်မူကိုရှာဖွေချင်တဲ့သူတွေအတွက် ရွေးချယ်သင့်တဲ့ အရောင်ဖြစ်ပါတယ်။
(၂)ဇီးရောင်ပေါက်တဲ့ခရမ်းနုရောင်(Pretty plums and purples)


စာဖတ်သူတွေအနေနဲ့ အချစ်ဇာတ်လမ်းတော်တော်များများမှာ ဇီးရောင်လေးပြေးနေတဲ့ခရမ်းနုရောင်ကို သုံးထားတာတွေ့ဖူးကြမှာပါ။ ဒီအရောင်ရဲ့ဆွဲဆောင်မူတွေကတော့ စိတ်ဖိစီးမူကိုလျော့ချပေးတာနဲ့ စိတ်ကိုနှစ် သိမ့်ပေးနိုင်တဲ့အရည်အသွေးတွေရှိနေတာပဲဖြစ်ပါတယ်။ သင်ကအရောင်မှိုင်းတာကိုကြိုက်ပြီးအခန်းလေးက စိတ်ကူးယဉ်ဆန်တာကို လိုချင်တယ်ဆိုရင်တော့ ဇီးရောင်လေးပြေးနေတဲ့ခရမ်းနုရောင်လေးက အသင့်တော်ဆုံး ဖြစ်မှာပါ။ မီးအလင်းရောင်လေးပေးလိုက်မယ်ဆိုရင်လည်း ဒီလိုဇီးရောင်လေးပြေးနေတဲ့ခရမ်းနုရောင်လေးက ပိုစိတ်ကူးယဉ်ဆန်ပြီး မှောင်တယ်လို့ထင်ရတော့မှာမဟုတ်ပါဘူး။
(၃)အပြာရင့်ရောင်(Deep Blue)
သင်ကသင့်ရဲ့အိမ်ခန်းကိုစိတ်ကူးယဉ်လည်းဆန်ချင်တယ်။ အရောင်တောက်တောက်တွေလည်းမ ကြိုက်ဘူး။ အရောင်ကသဘာဝဆန်ပြီး အိမ်ခန်းလေးကအေးမြတယ်လို့ခံစားစေချင်တယ်ဆိုရင်တော့ အပြာရင့် ရောင်ကိုအကြံပေးချင်ပါတယ်။ ဒီအရောင်ကအိမ်ခန်းကိုအေးမြစေတဲ့အတွက် အပြင်မှာရာသီဥတုပူနေရင် တောင် အခန်းထဲမှာအေးမြမူကိုခံစားရစေမှာပါ။
(၄)စိမ်းပြာရောင်(Tantalizing teals)


ရင်ခုန်စရာကောင်းတဲ့အိမ်ခန်းအရောင်ထဲမှာ စိမ်းပြာရောင်လည်းပါပါတယ်။ စိမ်းပြာရောင်က စွမ်းအား တစ်ခုခုရှိတယ်လို့ခံစားမိစေနိုင်တဲ့အရောင်ဖြစ်ပါတယ်။ ဒါပေမယ့်နံရံလေးဘက်လုံးမှာ စိမ်းပြာရောင်ကိုအသုံးပြု မယ်ဆိုရင်တော့ကြည့်ရဆိုးစေမှာပါ။ ဒါ့ကြောင့်အိပ်ရာရဲ့အပေါ်အမိုး ဒါမှမဟုတ် အိပ်ရာရဲ့ခေါင်းရင်းမှာပဲ သုံး ပေးပါ။ ဒါက ပြီးပြည့်စုံတဲ့အရောင်ကစားမူပဲဖြစ်ပါတယ်။

(၅)သဘာဝဆန်သောအညိုရောင်(Earthy browns)
နောက်ထပ်အနေနဲ့စိတ်ကူးယဉ်ဆန်တဲ့အရောင်ကတော့ နွေးထွေးမူပေးနိုင်တဲ့အညိုရောင်ပဲဖြစ်ပါ တယ်။ အညိုရောင်ကိုနောက်ခံထားပြီး ပုံမှာပြထားသလိုမျိုး အိပ်ရာဘေးမှာ သန္တာရောင်ထိုင်ခုံထားသလိုမျိုး အခြားသော zestier အရောင်တစ်မျိုးမျိုးကို အခန်းထဲမှာသုံးပေးနိုင်ပါတယ်။ သဘာဝဆန်တဲ့အညိုရောင်က မှောင်တဲ့ ခရမ်းရောင်၊ဇီးသီးရောင်တွေနဲ့ဆင်တူပေမယ့် မှောင်တဲ့အညိုရောင်ကို အဖြူ ဒါမှမဟုတ် ပိတ်နေတဲ့ အဖြူရောင်နဲ့သုံးလိုက်မယ်ဆိုရင်တော့ အရောင်ညှိဖို့လိုပါတယ်။ ဒါ့အပြင် စာဖတ်သူတွေက အိမ်ခန်းကိုအညို ရောင်ကာလာရှိတဲ့သစ်သားတွေနဲ့လည်း အစားထိုးဖန်တီးနိုင်ပါတယ်။ သစ်သားမျက်နှာကျက်နဲ့သစ်သားနံရံ တွေကိုအသုံးပြုတာကလည်း တကယ့်ကိုနွေးထွေးပြီး စိတ်ကူးယဉ်ဆန်စေပါတယ်။
(၆)ပန်းဆီရောင်(Raspberry pink)


ပန်းဆီရောင်ကအချစ်ရဲ့အရောင်ဖြစ်ပါတယ်။ ဒါ့ကြောင့် တစ်နေ့တာရဲ့အဆုံးမှာ သင်နဲ့သင့်ရဲ့လက်တွဲ ဖော်က ပန်းဆီရောင်အိပ်ရာပေါ်မှာအိပ်ပျော်ဖို့ကြိုးစားရတာ ခက်ခဲလိမ့်မယ်လို့ထင်ပါတယ်။ ပန်းဆီရောင်က ကြေးနီ၊ ကြေးဝါနှင့်ရွှေရောင်လိုအရောင်တွေဖြစ်တဲ့ သတ္ထုရောင်တွေနဲ့လိုက်ဖက်ပါတယ်။ အခန်းလေးကို ကြည် လင်သန့်ရှင်းတဲ့ပုံဖော်ချင်တယ်ဆိုရင်တော့ အိမ်ခန်းမှာ အဖြူရောင်များများသုံးပေးပါ။ ပန်းဆီရောင်အဖျော့ လေးကနွေးထွေးပြီး သဘာဝဆန်တယ်လို့ခံစားမိစေပါတယ်။ တကယ်လို့ ပုံထဲကပန်းဆီရောင်ကအရမ်း တောက်နေတယ်လို့ထင်တယ်ဆိုရင် ပန်းဆီရောင်တစ်မျိုးတည်းမသုံးပဲ ပန်းဆီရောင်နဲ့သဟဇာတဖြစ်တဲ့ ခရမ်း နုရောင်နဲ့အပြာရောင်တို့ကိုရောပြီးသုံးနိုင်ပါတယ်။ အရောင်တွေကအရမ်းကြီးဆန့်ကျင်နေတဲ့ အရောင်တွေမ ဟုတ်တဲ့အတွက် နေရာကိုအရောင်စုံစေမယ့်အပြင် စိတ်အပန်းပါဖြေစေနိုင်ပါတယ်။ တကယ့်ကို ရင်ခုန်မူပေး နိုင်တဲ့အကောင်းဆုံးအရောင်ပဲဖြစ်ပါတယ်။
(၇)ပတ္တမြားရင့်ရောင်(Deep ruby red)
ပန်းဆီရောင်ကတော့ဘယ်နေရာမှာပဲဖြစ်ဖြစ်ပျော်ရွှင်စေပြီး ဆွဲဆောင်မူရှိစေပေမယ့် ဒီအနီရောင်က တော့ မှောင်ပြီးပိတ်နေပါတယ်။ ပတ္တမြားရင့်ရောင်က မှောင်ပေမယ့်အရောင်ကစိုနေတဲ့အတွက် ရွေးချယ်သင့် ဆုံးအရောင်ဖြစ်ပြီး နံရံကထူးခြားနေမှာဖြစ်ပါတယ်။ နေရာကျဉ်းတယ်ဆိုရင်တော့ ခုတင်ခေါင်းရင်းနံရံကိုပဲ အရောင်ဖန်တီးနိုင်ပါတယ်။ တကယ်လို့သင့်အခန်းကအလင်းရောင်အားနည်းနေတယ်ဆိုရင် အဖြူရောင်တွေ ပေါင်းထည့်တာ ဒါမှမဟုတ် တခြားလင်းတဲ့အရောင်လေးတွေပေါင်းထည့်တာမျိုးပြုလုပ်ပါ။
(၈)အနက်ရောင်(Black)


ပန်းရောင်နဲ့အနီရောင်ကအချစ်ရဲ့အရောင်ဆိုရင် အနက်ရောင်ကတော့ ဆွဲဆောင်မူရှိတဲ့အရောင်ဖြစ်ပါ တယ်။ ဒါပေမယ့်အနက်ရောင်နံရံက အခန်းကိုမှောင်စေပြီး အခန်းကိုသေးသွားစေတဲ့အပြင် ပိတ်လှောင် ကြောက်လွန်ရောဂါရှိသူတွေအတွက် ခက်ခဲစေနိုင်မှာပါ။ သင့်အိမ်ခန်းကကျယ်တယ်ဆိုရင်တော့ အနက်ရောင် က အရွေးသင့်ဆုံးဖြစ်ပါတယ်။ သင့်အနေနဲ့အိမ်ခန်းမှာအနက်ရောင်ကိုသုံးဖို့စိတ်ကူးရှိပေမယ့် ဒီအရောင်ကသင် တစ်ယောက်ထဲကြိုက်နေတာဆိုရင်တော့ အနက်ရောင်ကို တစ်ခြားဘယ်လိုနည်းလမ်းတွေနဲ့သုံးမလဲဆိုတာ စဉ်းစားရပါမယ်။ လှပတဲ့အနက်နဲ့အဖြူရောင်အိမ်ခန်းက အရမ်းကိုစိတ်ကူးယဉ်ဆန်စေပြီး ရိုးရှင်းတဲ့အရောင် အ တွဲအစပ်ပဲဖြစ်ပါတယ်။
အခုဆိုရင်စိတ်ကူးယဉ်ဆန်တယ်လို့အများစုကသတ်မှတ်ထားတဲ့ ပန်းရောင်အပြင် အခြားသောစိတ်ကူး ယဉ်ဆန်တဲ့အရောင်တွေကိုစာဖတ်သူအနေနဲ့သိသွားပြီဆိုတော့ ကိုယ့်ရဲ့အိမ်ခန်းလေးကို ချစ်ခြင်းမေတ္တာတွေနဲ့ ဖုံးလွှမ်းသွားအောင် အခုပဲစိတ်ကူးထဲကချစ်စရာအိမ်ခန်းလေးကိုဖန်တီးလိုက်ပါ။

Myanmar Home & Decor Magazine

Download eBook version as a FREE!

လူဖတ်အများဆုံး ဆောင်ပါး (၅)ပုဒ်

  • Home page 10379 viewed
  • Welcome to Home & Decor 5561 viewed
  • ပြည်တော်အေးရိပ်သာလမ်းမှSingle Family Home 3218 viewed
  • အိမ်နီးချင်းကြောင့် လာဘ်ပိတ်ခြင်း 2797 viewed
  • ဖုန္းေရႊအဘိဓာန္ 2749 viewed

ဆိုဖာကတ္တီပါက ဘယ်လိုအသုံးဝင်သလဲ

တည်းဖြတ်သူ Myanmar Home and Decoration
ရေးသားသူ အမရာ မှ
December 1, 2019 နေ့
ဆောင်းပါးများအိမ်တွင်း အလှဆင် နည်းလမ်းများ ကဏ္ဍတွင်
ထည့်သွင်းရေးသားခဲ့သည်။

3
ads

လူအများစုကကတ္တီပါရဲ့ဇိမ်ကျတဲ့အထိအတွေ့နဲ့ပုံပန်းသွင်ပြင်ကြောင့် ကြိုက်နှစ်သက်ကြပေမယ့် ထိန်းသိမ်းရခက်တာကြောင့် ပရိဘောဂတွေပေါ်မှာဖုံးအုပ်အသုံးပြုဖို့ကိုတော့ လက်တွန့်နေတတ်ကြပါတယ်။တကယ်တော့ ဒီလိုဖြစ် စရာမလိုပါဘူး။ကိုယ့်ရဲ့ဆိုဖာအတွက် ဆိုဖာကိုဘယ်အချိန်မှာသုံးရင် အကောင်းဆုံးရွေးချယ်မှုဖြစ်မယ်၊ဘယ်လိုကတ္တီပါမျိုးကိုအသုံးပြုသင့်တယ်ဆိုတာလေ့လာကြည့်လို့ရပါတယ်။
တည်ဆောက်ပုံနှင့်အသွင်အပြင်
ကုလားထိုင်စွပ်နောက်ခံမှာပါတဲ့အမျှင်တွေရဲ့အလျားကိုတည်ဆောက်ပုံလို့ခေါ်တာဖြစ်ပါတယ်။ကတ္တီပါစတွေမှာအမျှင်တွေရဲ့အလျားကတိုပါတယ်။ထုတ်လုပ်ရေးလုပ်ငန်းစဉ်အတွင်းဆိုဖာတွေအတွက်အစွပ်လုပ်ဖို့ဆိုရင် ကတ္တီပါစတွေ မှာပါတဲ့အမျှင်တွေရဲ့အလျားကိုရှည်ရှည်ဖြတ်တောက်ကြရပါတယ်။
အသွင်အပြင်ဆိုတာကတော့ ကတ္တီပါအမျှင်တွေသွားတဲ့အရပ်မျက်နှာလမ်းကြောင်းကိုဆိုလိုတာပါ။ဒီလမ်းကြောင်း ပေါ်မူတည်ပြီးတချို့ကတ္တီပါတွေကတခြားဟာတွေနဲ့မတူဘဲတမူထူးခြားစွာအလင်းပြန်နိုင်ပါတယ်။ကတ္တီပါအမျှင်တွေသွားရာလမ်းကြောင်းကိုဆန့်ကျင်ပြီးလက်နဲ့ပွတ်လိုက်တဲ့အခါ ကတ္တီပါသားကပိုပြီးအရောင်ပျော့ပြောင်းသွားနိုင်သလိုအရောင် ပိုပြီးလည်းနက်နဲသွားနိုင်ပါတယ်။ဒါကောင်းတဲ့အရာပါ။ကတ္တီပါသားအုပ်ထားတဲ့ပစ္စည်းကိုထင်ရှားပေါ်လွင်စေပြီး ပရိဘောဂကိုလည်းအမြင်အာရုံအားဖြင့် ဆွဲဆောင်မှုရှိအောင်လုပ်ဆောင်ပေးနိုင်ပါတယ်။
အရောင်
ကတ္တီပါစက သိပ်သည်းမှုထူထပ်တဲ့အတွက် အရောင်အသွေးကိုကောင်းကောင်းဖော်ပြနိုင်ပါတယ်။သိပ်သည်းဆ ကြောင့် ကတ္တီပါစက ဆိုးဆေးပမာဏများစွာကိုစုပ်ယူနိုင်ခြင်း၊တောက်ပသောအရောင်အသွေးကိုဖန်တီးနိုင်ခြင်းဆိုတဲ့ ဂုဏ် သတ္တိတွေ ပိုင်ဆိုင်ထားပါတယ်။သာမန်ဆေးဆိုးပြီး ရက်ထားတဲ့ချည်ထည် ဒါမှမဟုတ် လီနင်သားတွေထက်စာရင် ကတ္တီပါ က အရောင်ပိုပြီးတောက်ပပါတယ်။
အရည်အသွေး
ကတ္တီပါသားအားလုံးမှာ တူညီတဲ့အရည်အသွေးရှိတာမဟုတ်ပါဘူး။အခန်းထဲက နောက်ခံအစနဲ့ကတ္တီပါစကို နှိုင်း ယဉ်ကြည့်ရင် ပါဝင်တဲ့ချည်မျှင်က အမျှင်သေးငယ်တာနဲ့ထူထပ်တာကို မြင်တွေ့ရပါလိမ့်မယ်။နမူနာစတစ်ခုကို ထောင့်ဖြတ် မျဉ်းအတိုင်းကွေးကြည့်မယ်ဆိုရင် ချည်မျှင်ကိုဘယ်လောက်ထိတင်းတင်းကျပ်ကျပ်ရက်လုပ်ထားတယ်ဆိုတာ ကြည့်လို့ရပါ တယ်။အမျှင်တွေကိုဖြတ်ပြီး နောက်ခံကိုမြင်နေရမယ်ဆိုရင် ကတ္တီပါစမှာ တစ်တုရန်းလက်မအတွင်း ချည်မျှင်တွေလျော့ရဲ နေတာဖြစ်ပြီးတော့ အရည်အသွေးလည်းကောင်းမွန်ခြင်းမရှိပါဘူး။
ခံနိုင်ရည်
ချည်ထည်တစ်ခုရဲ့ခံနိုင်ရည်စွမ်းကိုတိုင်းတာတယ်ဆိုတာ ပွတ်တိုက်ကြည့်ပြီးဆုံးဖြတ်ရတာဖြစ်ပါတယ်။လူတစ် ယောက်ထိုင်ပြီး ပြန်ထလိုက်တဲ့ပုံစံဖြစ်အောင် အသားကို နှစ်ခါပွတ်ကြည့်ပါ။ကတ္တီပါစရဲ့အမျှင်တွေက တောင့်တင်းခိုင်မာ နေသေးရင် ခံနိုင်ရည်ရှိသေးတာဖြစ်ပြီးတော့ အမျှင်လေးတွေက နှစ်ခုထက်ပိုပြီး ကျိုးကျသွားပြီဆိုရင်တော့ ခံနိုင်ရည်မရှိ တော့ပါဘူး။ကတ္တီပါသားအများစုက အကြမ်းပတမ်းခံပါတယ်။တချို့ဆိုရင် နှစ်ခါပွတ်တဲ့အကြိမ်ပေါင်း ၂၅၀၀၀၀ ထိလုပ် ဆောင်နိုင်ပါတယ်။


ပိပြားခြင်း
အရမ်းအကြမ်းခံပါတယ်ဆိုတဲ့ကတ္တီပါတောင် ပုံမှန်အသုံးပြုနေရာကနေ ဖိခြေလိုက်တဲ့ဒဏ်ကိုခံနိုင်ရည်မရှိပါ ဘူး။ကတ္တီပါက ဖိခြေတာကိုမခံနိုင်တာ ချွတ်ယွင်းချက်မဟုတ်ပါဘူး။ဖြစ်တတ်ပါတယ်။တချို့က ကတ္တီပါကို ပိပြားနေ တဲ့ပုံစံနဲ့ကြိုက်ပါတယ်။တချို့ကတ္တီပါအမျိုးအစားတွေကတော့ ထည့်သွင်းလုပ်ဆောင်တဲ့ပစ္စည်းနဲ့ ရက်လုပ်တဲ့သိပ်သည်းမှု ကြောင့် ဖိခြေမှုကိုခံနိုင်ရည်မရှိတတ်ကြပါဘူး။
ပစ္စည်း
ကတ္တီပါကို ဘယ်အမျှင်နဲ့မဆိုရက်လုပ်လို့ရပါတယ်။သဘာဝချည်မျှင်၊သစ်စေး၊ချည်မျှင်တုတွေနဲ့ရက်လုပ်ထားတဲ့ ကတ္တီပါတွေတောင်ရှိပါတယ်။အရည်အသွေးအကောင်းဆုံးတက္တီပါစတစ်ခုကိုဖန်တီးဖို့ အနည်းဆုံးအမျှင်နှစ်မျိုးလောက်သုံး ပြီး ရက်လုပ်တတ်ကြပါတယ်။
ပိုးကတ္တီပါ
ပိုးကတ္တီပါက ထိလိုက်ကိုင်လိုက်ရင် အရမ်းနူးညံ့မှုရှိပြီး ရေစိုနေတယ်လို့ထင်ရလောက်အောင် အရောင်က စိုနေပါ တယ်။ဒါပေမဲ့ အကြမ်းပတမ်းအသုံးမပြုတဲ့ပစ္စည်းတွေအတွက် အသုံးပြုလို့သင့်တော်ပါတယ်။တခြားသဘာဝချည်ထည်တွေ လိုပဲ ပိုးကတ္တီပါက နေရောင်နဲ့ထိရင် အရောင်မှိန်သွားတတ်ပါတယ်။


လီနင်ကတ္တီပါ
လီနင်ကတ္တီပါက ခြောက်သွေ့တဲ့အရောင်ရှိပြီး ဆိုးဆေးကို ကောင်းကောင်းစုပ်ယူနိုင်တဲ့အတွက် နက်မှောင်ပြီး အ ရောင်အသွေးကောင်းမွန်ပါတယ်။လီနင်ချည်မျှင်က ထူးထူးခြားခြားထူထဲမှုရှိတာကြောင့် လီနင်ကတ္တီပါစတွေမှာ ပုံမှန်မ ဟုတ်တဲ့အစင်းကြောင်းတွေရှိနေတတ်ပါတယ်။လီနင်ကတ္တီပါသားအမျှင်က တခြားကတ္တီပါသားတွေထက် ပိုတိုလေ့ရှိပါပြီး ပွန်းပဲ့ခြင်းနဲ့ပိပြားခြင်းတို့ပိုပြီးဖြစ်နိုင်ခြေများပါတယ်။တခြားအမျိုးအစားတွေထက်စာရင် လေဝင်လေထွက်ကောင်းမွန်ပြီး အေးမြတာကြောင့် လီနင်ကတ္တီပါကို နွေးထွေးတဲ့ရာသီဥတုတွေမှာ ပိုပြီးလူကြိုက်များပါတယ်။
ဝါဂွမ်းကတ္တီပါ
ဝါဂွမ်းကတ္တီပါက အလွယ်တကူပိပြားသွားနိုင်တဲ့အတွက် ပိုမိုရုန်းကြွနိုင်ဖို့ ပိုလီအက်စတာလို တခြားအမျှင်နဲ့ရော နှောအသုံးပြုလေ့ရှိပါတယ်။အရောင်မှိန်ပေမယ့် အရောင်တောက်ပပြီး ကြံ့ခိုင်အောင် ပိုးတုချည်နဲ့ရောနှောအသုံးပြုနိုင်ပါ တယ်။
သိုးမွေးကတ္တီပါ
ကတ္တီပါကို သိုးမွေးနဲ့လည်း ရက်လုပ်လို့ရပါတယ်။ကြံ့ခိုင်မှုရှိတဲ့အပြင် ရုန်းကြွမှုရှိတဲ့ကတ္တီပါစတစ်ခုအတွက် အ ကောင်းဆုံးစံချိန်စံနှုန်းတွေဖြစ်အောင် ဖန်တီးပေးနိုင်ပါတယ်။သိုးမွေးကတ္တီပါက အရမ်းထူထဲပြီး ပိုးနဲ့သစ်စေးအမျှင်တွေ လောက် တောက်ပြောင်ခြင်းမရှိပါဘူး။


ချည်မျှင်တုကတ္တီပါ
ချည်မျှင်တုကတ္တီပါတွေကို အရည်အသွေးမြင့်ပိုလီအက်စတာသားနဲ့လုပ်ထားတာပါ။တော်ရုံနဲ့ ပိပြားသွားခြင်းမရှိ ပါဘူး။အရောင်လည်းမမှိန်ဘူးဆိုပေမယ့် သဘာဝချည်မျှင်နဲ့လုပ်ထားတဲ့ကတ္တီပါသားတွေလို နက်မှောင်တဲ့အရောင်ကို တော့ ပေးနိုင်စွမ်းမရှိပါဘူး။ချည်မျှင်တုကို သဘာဝချည်မျှင်နဲ့ရောလိုက်မယ်ဆိုရင်တော့ နှစ်ခုလုံးအတွက်အကောင်းဆုံးဖြစ် လာနိုင်ပါတယ်။
ဖြတ်တောက်ထားသည့်ကတ္တီပါ
ဖြတ်တောက်ထားတဲ့ကတ္တီပါက အမျှင်ထဲမှာဖြတ်ရာရှိပါတယ်။ဖြတ်ရာကို ရိုးရာပန်းပွင့်ဒီဇိုင်းကနေ ခေတ်ပေါ်ဂျီသြ မေတြီဒီဇိုင်းကွက်တွေအထိ ဒီဇိုင်းအမျိုးမျိုးလုပ်ဆောင်နိုင်ပါတယ်။
ဘယ်အမျိုးအစားက သင့်တော်လဲ
ကတ္တီပါက တခြားချည်မျှင်တွေနဲ့ယှဉ်ရင် ဂရုစိုက်ရတယ်ဆိုပေမယ့် ကြံ့ခိုင်မှုရှိတဲ့အတွက် သုံးရတာတန်ပါတယ်။ ကိုယ်အသုံးပြုမယ့်ရည်ရွယ်ချက်နဲ့ကိုက်မယ့်ကတ္တီပါသားကိုသာ ရွေးချယ်ဝယ်ယူပါ။သာမန်အသုံးပြုတာထက်ပိုချင်တယ်ဆို ရင် ပိုး ဒါမှမဟုတ် ဝါကတ္တီပါကိုမသုံးပါနဲ့။ကုလားထိုင်စွပ်အတွက်ဆိုရင် အကြိမ်ပေါင်းများစွာထိတွေ့အသုံးပြုနေရမှာဖြစ်တဲ့ အတွက် တင်းတင်းကြပ်ကြပ်ရက်လုပ်ထားတဲ့ သိုးမွေး ဒါမှမဟုတ် ပိုလီအက်စတာကတ္တီပါစကိုရွေးချယ်ပါ။

အိမ်မွေးတိရစ္ဆာန်များ
ကတ္တီပါက အမွေးတွေကိုသံလိုက်လိုစုပ်ယူနိုင်တာကြောင့် အိမ်မွေးတိရစ္ဆာန်ရှိတဲ့လူတွေအတွက်တော့ စိုးရိမ်စရာ ပါပဲ။ဖြစ်တတ်တယ်ဆိုပေမယ့် အဝတ်အပါးလေး ဒါမှမဟုတ် ကတ္တီပါဘရပ်ရှ်နဲ့ အမွေးတွေကိုပြန်ဖယ်ရှားလို့ရပါတယ်။ကတ္တီ ပါလည်းသုံးချင်တယ်။တိရစ္ဆာန်အမွေးတွေကလည်း ပြဿနာတစ်ခုဖြစ်နေတယ်ဆိုရင် ကိုယ်မွေးထားတဲ့ခွေး သို့မဟုတ် ကြောင်ရဲ့အရောင်နဲ့တစ်ထပ်တည်းတူတဲ့ ကတ္တီပါအရောင်ကိုရွေးချယ်ပါ။ကောင်းတဲ့အချက်က လီနင်လိုသိသာထင်ရှားတဲ့ ရက်ကြောင်းတွေနဲ့ချည်ထည်တစ်မျိုးထက်စာရင် ကြောင်တွေက ကတ္တီပါစထဲကို သူတို့လက်သည်းတွေဝင်သွားတဲ့အထိ ကုတ်ခြစ်နိုင်စွမ်းမရှိတာပါပဲ။
ပြုပြင်ထိန်းသိမ်းမှု
ကတ္တီပါကိုပိပြားမသွားစေရဘဲ အသစ်အတိုင်းပဲရှိနေစေချင်တယ်ဆိုရင် အောက်ပါအချက်တွေအတိုင်းလုပ်ဆောင် နိုင်ပါတယ်။
• ကူရှင်တွေကို တစ်ခုနဲ့တစ်ခုအမှီပြုပြီးနေရာကနေ ဖိမိပြီးအရာတွေမဖြစ်ပေါ်အောင် မကြာခဏနေရာပြောင်းပေးပါ။
• အဝတ်စ ဒါမှမဟုတ် ကတ္တီပါသုံးဘရပ်ရှ်နဲ့ အပတ်စဉ်သန့်ရှင်းရေးလုပ်ပေးပါ။
• ကတ္တီပါမှာအတွန့်ကြောင်းတွေမဖြစ်အောင် ကူရှင်တွေကိုအမြဲပွပွလေးဖြစ်အောင်ထားပါ။
• စာအုပ်၊ရီမုတ်တို့လိုပစ္စည်းတွေကို ကတ္တီပါပေါ်မှာအကြာကြီးမထားပါနဲ့။
အခြားအရာများနှင့်လိုက်ဖက်ခြင်း
အခန်းတစ်ခုထဲမှာ ကတ္တီပါအသုံးပြုလိုက်ခြင်းက နောက်ထပ်လှပမှုတစ်ခုကိုပေးစွမ်းနိုင်ပါတယ်။လီနင်လို သိသာ ထင်ရှားတဲ့ရက်ကြောင်းတွေနဲ့ကတ္တီပါစတွေက ပိုပြည့်စုံပါတယ်။အရောင်အသွေးစုံလင်အောင်ရှိတဲ့အနက်က ကိုယ့်အခန်း ထဲမှာ တခြားအရာတွေနဲ့လိုက်ရောညီထွေရှိမယ့်အရောင်ကို ရွေးချယ်အသုံးပြုနိုင်ပါတယ်။

Download eBook version as a FREE!

လူဖတ်အများဆုံး ဆောင်ပါး (၅)ပုဒ်

  • Home page 10379 viewed
  • Welcome to Home & Decor 5561 viewed
  • ပြည်တော်အေးရိပ်သာလမ်းမှSingle Family Home 3218 viewed
  • အိမ်နီးချင်းကြောင့် လာဘ်ပိတ်ခြင်း 2797 viewed
  • ဖုန္းေရႊအဘိဓာန္ 2749 viewed