ဆောင်းပါးများ

ads

၁။ သိမ်းဆည်းခန်းများများကိုရှာပါ။
ဗီရိုခန်းတွေမှာ တခါတည်းထည့်သွင်းပြင်ဆင်ပါရှိတဲ့ သိမ်းဆည်းခန်းတွေမှာ တန်ဘိုးကြီးအမှတ်တံဆိပ် အဝတ်အထည်တွေကို အပြားလိုက်ထည့်သိမ်းပါ။ လှေကားထစ်ပုံစံမျိုးမှာ သိမ်းဆည်းခန်းတွေလုပ်ထားတဲ့ ဗီရိုမျိုးက နေရာကျဉ်းလေးတွေထဲမှာ အလွယ်တကူအသုံးပြုလို့ရတဲ့ ပုံစံမျိုးဖြစ်ပါတယ်။


၂။ အဝတ်ဗီရိုမရိုက်ခင်မှာ အထည်တွေရဲ့ အရွယ်အစားကို တိုင်းပါ။
အဝတ်အထည်တွေရဲ့ အတိုင်းအတာကို သိထားပြီးမှာ ဗီရိုစင်ကို ရိုက်တာက ဗီရိုစင်အတွက် နေရာအထားအသို ချင့်ချိန်နိုင်စေမှာ ဖြစ်ပါတယ်။ နေရာပိုထွက်လာစေပြီး အထည်အရှည်တွေနဲ့ ကုတ်တွေကို သီးခြားထားနိုင်မယ့် စင်တွေကို အံဝင်ဂွင်ကျဖြစ်အောင် ဖန်တီးနိုင်မှာဖြစ်ပါတယ်။ ကုတ်အင်္ကျီတွေ၊ ဘလောက်စ်အင်္ကျီတွေကို ချိတ်နဲ့ချိတ်ထားနိုင်ပေမယ့် တီရှပ်တွေကိုတော့ ချိတ်မှာမချိတ်သင့်ပါဘူး။ တီရှပ်တွေက ချိတ်နဲ့ချိတ်ရင် ကျယ်ထွက်လာတတ်လို့ပါ။ ဒီတော့ တီရှပ်တွေကို ခေါက်ပြီးထားတာ သို့မဟုတ် အပြန့်လိုက်ထားတာ ပိုကောင်းပါတယ်။ ပုံမှာဆိုရင် ပြတင်းပေါက်ဘေးပတ်ပတ်လည်မှာ စင်တွေထည့်ပေးထားပြီး အပြန့်လိုက်ခေါက်သိမ်းရမယ့် အထည်တွေအတွက် နေရာများများ ဖန်တီးပေးထားတယ်။

၃။ ဘောင်းဘီနဲ့ စက်တွေအတွက် စင်လည်းထားပါ။
တန်ဘိုးကြီးတဲ့ ဘောင်းဘီနဲ့ စကတ်တွေကို ချိတ်ထားသင့်ပါတယ်။ စကတ်ချိတ်တဲ့ ကလစ်ပါတဲ့ ချိတ်တွေနဲ့ ချိတ်ပြီး အောက်ဘက်တန်းတွေမှာ ချိတ်သင့်ပါတယ်။ အရမ်းနူးညံ့တဲ့ အထည်စတွေ ဒါမှမဟုတ် ချည်ထိုးကွက်တွေများတဲ့ အထည်တွေဆိုရင်တော့ အံဆွဲစင်မှာ စက္ကူခံပြီး အပြားလိုက်ထည့်သိမ်းတာ ပိုကောင်းပါတယ်။ တန်းမှာ ကလစ်ပါတဲ့ ချိတ်မျိုးနဲ့ ချိတ်သလို ရိုးရိုးချိတ်မှာပဲ အောက်ဘက်တန်းမှာ ခေါက်ချိတ်ပြီး ချိတ်ဆွဲထားလို့လည်း ရပါတယ်။


၄။ တန်ဘိုးကြီး အဝတ်အထည်တွေ သိမ်းဆည်းနိုင်တဲ့ စင်္ကြ ံလမ်း
တချို့တိုက်ခန်းတွေက ပစ္စည်းတွေ သိမ်းထားနိုင်မယ့် အခန်းပိုမျိုးမပါတတ်ပါဘူး။ စတိုးဆိုင်က ဝယ်တဲ့ အဝတ်ဗီရိုတွေဆိုတာကလည်း အခန်းကျဉ်းလေးတွေမှာ အံမကိုက်လှတာကြောင့် အသုံးပြုရခက်ပါတယ်။ ဒါမျိုးဆိုရင် နေရာကိုတိုင်းပြီး ဗီရိုအသစ်ရိုက်ထည့်တာက ပိုပြီး အဆင်ပြေစေမှာပါ။ အိပ်ခန်းကလည်း ကျဉ်းတယ်၊ အခန်းပိုမျိုးလည်း မရှိဘူးဆိုရင် စင်္ကြ ံလမ်းတွေမှာ ဗီရိုရိုက်ပြီး အဝတ်ဗီရိုခန်း လုပ်လို့ရပါတယ်။ ကြမ်းခင်းကနေ မျက်နှာကြက်ထိ မြင့်မားတဲ့ ဗီရိုမျိုးရိုက်ထားပြီး ကိုယ့်ရဲ့အဝတ်အစား ပုံစံအမျိုးမျိုးအတွက် ချိတ်ဆွဲနိုင်မယ့်တန်းတွေ၊ အံဆွဲဗီရိုးခန်းတွေ၊ ဖိနပ်စင်တွေ၊ လက်ကိုင်အိတ်ထားမယ့်နေရာတွေ စသဖြင့် စိတ်ကြိုက် ထည့်သွင်းနိုင်ပါတယ်။ စားပွဲဗီရိုခံထားရလောက်တဲ့အထိ မကျယ်ဘူးဆိုရင်တောင် အဝတ်အစားဝတ်တဲ့အခါ အဆင်ပြေစေဖို့ ခွေးခြေထိုင်ခုံတစ်လုံးလည်း ထားရှိသင့်ပါတယ်။


၅။ နေရာကျဉ်းတွေမှာ ဖန်တီးမှုထည့်ပါ။
အခန်းကကျဉ်းနေတာကြောင့် သိမ်းဆည်းမယ့်နေရာ မရှိဘူးဆိုတာ မဟုတ်သေးပါဘူး။ အခန်းကျဉ်းပေမယ့် ဆန်းသစ်တဲ့ ဖန်တီးမှုထည့်ပြီး သိမ်းဆည်းနိုင်မယ့်နေရာကို လုပ်ယူလို့ ရပါတယ်။ လှေကားခွင် အောက်ခန်းလေးတွေကို၊ မျက်နှာကြက်နိမ့်တဲ့ ထပ်ခိုးလိုနေရာလေးတွေမှာ ဗီရိုအခန်းကျဉ်းလေးတွေ ဖန်တီးနိုင်ပါတယ်။ လက်ဝတ်ရတနာတွေနဲ့ အခြားအသေးအဖွဲ ဖက်ရှင်အဆင်တန်ဆာတွေအတွက် နံရံမှာ ခပ်ပါးပါးဗီရိုခန်းငယ်လေး ဖန်တီးလို့ရပါတယ်။ ဗီရိုတံခါးအတွင်းဘက်မျက်နှာပြင်မှာ ကြေးမုံမှန်ချပ်ကြီး တပ်ပေးထားလိုက်ရင် အဆင်တန်ဆာတွေ ထုတ်ဝတ်တဲ့အခါ တခါတည်းမှန်ကြည့်ရင်း လိုက်ဖက်မယ့်အပြင်အဆင်မျိုးကို ရွေးချယ်ဝတ်ဆင်နိုင်မှာဖြစ်ပါတယ်။ အပြင်မှာလည်း ရှုတ်ပွမနေတော့ဘဲသွားခါနီး လာခါနီးမှာ သေးသေးမွှားမွှားလေးတွေ ပျောက်လို့ လိုက်ရှာနေစရာ မလိုတော့ဘဲ ဒီဗီရိုတံခါးလေးလှပ်ကြည့်ရုံနဲ့ အဆင်ပြေသွားမှာ ဖြစ်ပါတယ်။

Download eBook version as a FREE!

လူဖတ်အများဆုံး ဆောင်ပါး (၅)ပုဒ်


    ads

    တန်ဖိုးကြီးတဲ့ ဖက်ရှင်အဝတ်အထည်တွေနဲ့ ဖက်ရှင်အသုံးအဆောင်ပစ္စည်းတွေကို နှစ်သက်မြတ်နိုးသူတွေအတွက် ဖက်ရှင်စတိုးဆိုင်ကြီးတွေလို စတိုင်လ်ကျတဲ့ ဖက်ရှင်အဝတ်ဗီရိုခန်းကြီးမျိုးလည်း လိုချင်တောင့်တမိကြမှာ အသေအချာပါပဲ။ အခန်းနေရာကျယ်ကျယ်ဝန်းဝန်းမရှိလို့ အဝတ်အထည်တွေနဲ့ ဖက်ရှင်အသုံးအဆောင်ပစ္စည်းတွေကို နေရာကျကျ သိမ်းဆည်းထားရှိဖို့ ဗီရိုခန်းတွေကို ပိုင်ဆိုင်နိုင်မှာ မဟုတ်ဘူးလို့ ညည်းတွားနေစရာမလိုတော့ပါဘူး။ အခုဖော်ပြသွားမယ့် အကြောင်းအရာက နေရာကျဉ်းပေမယ့် လှပသပ်ရပ်တဲ့ အဝတ်ဗီရိုခန်းမျိုး ဖန်တီးနိုင်စေမယ့် နည်းလမ်းတွေပဲ ဖြစ်ပါတယ်။


    ၁။ အလင်းရောင်ကို ထည့်သွင်းစဉ်းစားပါ။
    အဝတ်အထည်တွေနဲ့ ဖက်ရှင်အသုံးအဆောင်တွေကိုထားဖို့ သီးသန့်နေရာပေးထားတာမျိုးမဟုတ်ဘဲ ကိုယ်နေတဲ့ အိပ်ခန်းမှာ အဝတ်ဗီရိုခန်းသဖွယ်ထည့်မယ်ဆိုရင် ပထမဆုံးစဉ်းစားရမှာက အလင်းရောင်ဝင်ရောက်မှုပဲဖြစ်ပါတယ်။ အကြိုက်ဆုံးနဲ့ တန်ဖိုးကြီးတဲ့ ဖက်ရှင် ပစ္စည်းမျိုးတွေကို ထားရ၊ ယူရလွယ်ကူစေဖို့ အရေးကြီးပေမယ့် ပြတင်းပေါက်ကို ဂရုစိုက်ပါ။ ပူပြင်းတဲ့ နေရောင်ခြည်ဝင်ရောက်တဲ့ နေရာမျိုးမှာ အဝတ်ဗီရိုခန်းကိုဖွဲ့မိတာမျိုးမပြုဖို့ အရေးကြီးပါတယ်။ နေရောင်ပြင်းပြင်းနဲ့ ထိတွေ့နေရတဲ့အခါမျိုးမှာ ပစ္စည်းတွေက အလျင်အမြန်ဟောင်းနွမ်းပျက်စီးသွားနိုင်တာကြောင့် ဖြစ်ပါတယ်။ ဆင်မြန်းဝတ်ဆင်တဲ့အခါ အရောင်အသွေးလိုက်ဖက်မှုရှိ၊ မရှိဆိုတာနဲ့ မှန်ကန်တဲ့အရောင်အသွေးကို မြင်တွေ့စေနိုင်ဖို့ လုံလောက်တဲ့အလင်းဖန်တီးထည့်သွင်းမှုမျိုးတော့ လိုအပ်မှာဖြစ်ပါတယ်။


    ၂။ ပြသထားရှိခြင်း
    တန်ဖိုးကြီးလက်ကိုင်အိတ်တွေကို ချိတ်ဆွဲထားမလား။ ညီညာပြန့်ပြူးတဲ့ ဗီရိုစင်မျက်နှာပြင်မှာ တင်ပြီးထားမလား။ ညီညာတဲ့ ဗီရိုမျက်နှာပြင်မှာတင်ထားတာက အိတ်တွေကို အပျက်အစီးသက်သာစေပါတယ်။ အိတ်တွေကို ပုံစံတကျဖြစ်နေစေဖို့ အိတ်ထဲမှာ ခြေမွထားတဲ့ စက္ကူတွေ အစာသွတ် ထည့်ပေးထားသင့်ပါတယ်။ ပုံစံကျရုံတင်ရပါပြီ။ အလွန်အကြူးဖောင်းကား တင်းနေအောင်ထည့်တာမျိုးတော့ မလုပ်သင့်ပါဘူး။
    ထိန်းသိမ်းထားရှိတဲ့နေရာမှာ ဗီရိုမှန်ကန်ငယ်လေးတွေထဲမှာထားရှိတာက အိပ်ခန်းနံရံပေါ်ပြထားတဲ့ တန်ဘိုးကြီး စုစည်းပြသမှုမျိုးသဖွယ်ဖြစ်စေပါတယ်။ မီးခိုးဖျော့ရောင်ဗီရိုခန်းလေးတွေထဲမှာ အိတ်လေးတွေရဲ့အရောင်တောက်တောက်လေးတွေက နှစ်လိုဖွယ်ကောင်းလှပါတယ်။


    ၃။ အပွင့်လား၊ အပိတ်လား.
    တန်ဘိုးကြီးလက်ကိုင်အိတ်တွေကို ဗီရိုထဲမှာထားသင့်ပါသလား။ တန်ဘိုးကြီးလက်ကိုင်အိတ်တွေကို ဝယ်ယူကတည်းက ဖုန်ကာပေးတဲ့ အဝတ်အိတ်ငယ်လေးတွေ တခါတည်းပါလာပြီးသားပါ။ လေအဝင်အထွက်ရှိတဲ့နေရာမျိုးမှာ လက်ကိုင်အိတ်တွေကို ဒီအိတ်လေးတွေထဲထည့်ပြီးထားသင့်ပါတယ်။ ကျွန်မရဲ့လက်ကိုင်အိတ်တွေကိုတော့ အပွင့်ဗီရိုစင်မှာထားလေ့ရှိပါတယ်။ အိတ်ကဗီရိုအံကွက်ထဲမှာ မဆံ့ဘူးဆိုရင် သတ္ထုအစိတ်အပိုင်းလေးတွေမပါတဲ့အခြမ်းကနေ အိတ်ကို လှဲထားလိုက်ပါ။ သတ္ထုအစိတ်အပိုင်းတွေပါတဲ့ ဘက်ကို အောက်ဘက်ထားပြီးလှဲထားမိရင် အိတ်ရဲ့သားရေပေါ်မှာ သတ္ထုအစိတ်အပိုင်းတွေရဲ့ အရောင်ထင်သွားတတ်လို့ပါ။

    Download eBook version as a FREE!

    လူဖတ်အများဆုံး ဆောင်ပါး (၅)ပုဒ်


      ads

      သင်ရဲ့အိမ်လေးပြန်လည်အသက်ဝင်သွားစေဖို့ငွေကုန်ကြေးကျခံနေစရာမလိုပါဘူး။
      အချက်အလက်လေးအနည်းငယ်ကို ဂရုစိုက်လုပ်ဆောင်ပေးရုံနဲ့ သင့်အခန်းလေးက
      အချိန်တိုအတွင်းလှပသပ်ရပ်ပြီး ဆွဲဆောင်မှုရှိသွားစေမှာဖြစ်ပါတယ်။ အချိန်တိုလေးအတွင်းမှာ လှပသပ်ရပ်သွားစေဖို့ အဆင့်ငါးဆင့်ကိုတော့ လိုက်နာဖို့ လိုအပ်ပါတယ်။
      ပစ္စည်းအသစ်တွေသိပ်များများမသုံးရဘဲ အခန်းသစ်သဖွယ် သပ်ရပ်လှပသွားစေဖို့
      ဒီအဆင့်ငါးဆင့်ကိုတော့ လိုက်နာဖို့ လိုအပ်ပါတယ်။ ပစ္စည်းအသစ်တွေသိပ်များများ မသုံးရဘဲ အခန်းသစ်သဖွယ် သပ်ရပ်လှပသွားစေဖို့ ဒီအဆင့်ငါးဆင့်က အက္ခရာအကျဆုံးပါပဲ။
      အဆင့်ငါးဆင့်ကတော့ ဖယ်ရှားရှင်းလင်းခြင်းပြင်ဆင်မွမ်းမံခြင်း၊ ဆေးသုတ်ဆေးခြယ်ခြင်း၊
      ပာင်းရွှေ့နေရာချခြင်းနဲ့ ဝယ်ယူခြင်းတို့ပဲဖြစ်ပါတယ်။


      ၁။ ဖယ်ရှားရှင်းလင်းခြင်း
      အခန်းကိုအသွင်အပြင်အသစ်ပြောင်းလဲသွားဖို့ချည်းပဲ စိတ်စောမနေသင့်ပါဘူး။
      ပစ္စည်းပစ္စယတွေ အရမ်းများပြားနေလွန်းရင်အခန်းထဲက အပြင်အဆင်ပြောင်းလဲသွားဖို့
      ပထမဦးဆုံးအနေနဲ့ သင့်အခန်းထဲကမလိုအပ်ဘဲ ရှုပ်ရှက်ခက်နေတဲ့ ပစ္စည်းတွေကိုဖယ်ရှားရှင်းလင်းလိုက်ပါ။ဟောင်းနွမ်းလွန်းနေပြီးခေတ်မမီတော့တဲ့ ပရိဘောဂတွေကနေစတင်လိုက်ပါ။ အခန်းကို အလှဆင်ဖို့ ရည်ရွယ်တပ်ဆင်ထားခဲ့ပေမယ့်ခတ်ကာလ ကြာရှည်လွန်သွားလို့ဟာင်းနွမ်းပျက်စီးနေတဲ့ အခန်းအလှဆင်ပစ္စည်းတွေက သင့်အခန်းကို အလှတွေတပ်ဆင့်ဆောင်ကျဉ်းပေးမလာတော့ဘူးဆိုတာ အသေအချာပဲမို့ သင့်အနေနဲ့ မာတသဖြစ်နေမယ့်အစား ဖယ်ရှားရှင်းလင်းလိုက်တာက သင့်ရဲ့ အခန်းကို အသက်ရှုချောင်သွားစေမှာဖြစ်ပါတယ်။

      ပြီးရင်တော့ ကုလားထိုင်အောက် ဖုန်အလိမ်းလိမ်းနဲ့ သင်ရဲ့ ငယ်ကျွမ်းဆွေမွေးပွအရုပ်လေးတွေကိုတာ့ လွှင့်မပစ်ရက်ဘူးဆိုရင်ဖြင့် နောက်ဖေးကလျှော်စက်ထဲ ခဏလောက်သွားထည့်ပြီးလျှော်ထားလိုက်ပါ။ အခန်းလေးရှင်းပြီးရင် လျှော်စက်ထဲကလျှော်ဖွတ်သန့်စင်ပြီးသားအရုပ်တွေကိုပြန်ထုတ်လို့ နေလှန်းခြောက်သွေ့စေပြီးတာနဲ့သစ်လွင်တောင်ပြောင်နေတဲ့ သင့်အခန်းလေးထဲမှာ ပြန်ပြီး အကျအနထားလိုက်လို့ရပါတယ်။ပြတင်းပေါက်ဘောင်ပေါ်က ဖုန်တွေကိုလည်းသန့်ရှင်းပစ်ဖို့ မမေ့လိုက်ပါနဲ့ဦး။ ဒီလိုပြတင်းပေါက်ဘောင်ပေါ်မှာ ဖုန်တွေကို သန့်ရှင်းပြီးသား အိမ်ခန်းထဲကို ဖုန်တွေပြန့်နှံ့သွားရင် အကုန်လုံးအချည်းနှီးဖြစ်ရမှာပါ။ ပြီးရင်တော့အခန်းထဲက ပစ္စည်းတွေကို သပ်သပ်ရပ်ရပ်ဖြစ်အောင် အစီအရီညှိထားလိုက်ပါ။ ပထမဦးဆုံးအဆင့်လေးပြီးသွားရင်တောင်သင့်ရဲ့ အခန်းလေးက အတော်အသင့်လေးကြည့်ကောင်းသွားမှာ အသေအချာပါပဲ။


      ၂။ ပြောင်းရွှေ့နေရာချခြင်း
      ဆေးသုတ်ဆေးခြယ်ပြီးရင်တော့ ပရိဘောဂတွေနဲ့ အခန်းအပြင်အဆင်ပစ္စည်းတွေကို
      နရာချရတော့မှာပါ။ အသွင်သစ်အမြင်သစ်ဖြစ်ဖို့အတွက် ပရိဘောဂပစ္စည်းတွေကို
      ခါတိုင်းနေရာမှာမထားတော့ဘဲနေရာနည်းနည်းလေးပြောင်းပေးရမှာပဲဖြစ်ပါတယ်။ TV
      စင်ကနေ မီးလင်းဖို့ နေရာနဲ့ ပြတင်းပေါက်နေရာတွေနဲ့ ချိန်ညှိပြီးအခန်းထဲကပစ္စည်းတွေကိုအလိုက်သင့်နေရာပြောင်းရွှေ့ပေါ်ပေးမယ်ဆိုရင် ခံစားမှုအသစ်တွေကို ဖြစ်ပေါ်စေမှာသေအချာပါပဲ။

      အခန်းနံရံဘက်မှာ ခါတိုင်းချောင်ထိုးတဲ့သလွန်စောင်းခုံလေးကို အခန်းအလယ်နားထိအောင် ထုတ်လိုက်ပါ။ သူ့နောက်မှာ ဆိုဖာစားပွဲလေးနဲ့ မီးအိမ်လေးကို တင်ထားလိုက်ပါ။ ပြီးရင်တော့ အိပ်ရာဘေးနေရာလွတ်မှာ စားပွဲခုံအသေးနဲ့ ထိုင်ခုံတွေ၊ အိမ်တွင်းအလှဆင်ပန်းအိုးလေးတွေကို စိတ်ကြိုက်ပုံစံနဲ့ ထားလိုက်မယ်ဆိုရင် အသစ်သစ်တွေနဲ့အရာအားလုံးလတ်ဆတ်သွားဦးမှာပါ။ ပြီးရင်ဆေးသုတ်ထားတဲ့ နံရံပေါ်မှာ မိသားစုအမှတ်တရ ဓာတ်ပုံကြီးတွေပဲဖြစ်ဖြစ် အနုပညာလက်ရာမြောက်ပန်းချီကားတွေပဲဖြစ်ဖြစ် ပုံစံအသစ်အဆန်းနဲ့ ချိန်ထားလိုက်ရင်တော့ အားလုံးပြည့်စုံသလောက်နီးပါးဖြစ်သွားပါပြီ။

      Download eBook version as a FREE!

      လူဖတ်အများဆုံး ဆောင်ပါး (၅)ပုဒ်