Month: နိုဝင်ဘာ 2020

ရွှေနဂါးကြီးကိုနိုင်ဖို့ဆို…

တည်းဖြတ်သူ Myanmar Home and Decoration
ရေးသားသူ ဇင်ယော်နီ မှ
နိုဝင်ဘာ 28, 2020 နေ့
ကျန်းမာရေးနှင့် စီးပွားရေး ကဏ္ဍတွင်
ထည့်သွင်းရေးသားခဲ့သည်။

ads

ရွှေနဂါးကြီးကိုနိုင်ဖို့ဆို…

တစ်နေ့သ၌ ကျွနု်ပ်ထံသို့ ပြည်မြို့မှမခင်မြဆိုသူရောက်ရှိလာလေ၏။ ၄င်းမခင်မြသည် အရေးအကြောင်းရှိလျှင်ရှိသလို ကျွနု်ပ်ထံသို့ ဗေဒင်လာမေးမြဲဖြစ်လေ၏။ ကျွနု်ပ်က “ မခင်မြရယ် နီးနီးနားနား ဗေဒင်ဆရာတွေဆီမှာမေးပါလား” ဟုပြောလိုက် လျှင် မခင်မြက ” ကျွန်မတို့ကဗေဒင်လာမေးတာမဟုတ်ဘူးဆရာရဲ့ လူလာမေးတာ၊ ဆရာလည်းတစ်ခါတစ်လေ ဟိုးအဝေးကြီး က ထမင်းဆိုင်ကို သွားပြီးစားတတ်တယ်မဟုတ်လား။ ထမင်းကတော့ဆရာ့အနားလေးမှာလည်း ဆိုင်တွေရှိနေတာပဲ၊ အဲဒါကို ဟိုးအဝေးကြီးကဆိုင်ကိုသွားပြီးစားတယ်ဆိုကတည်းက ထမင်းကိုစားတာမဟုတ်ဘူး ဆိုင်ကိုစားတာဖြစ်သွားပြီလေ လောကကြီး မှာ အဲဒါမျိုးတွေအများကြီးပါဆရာရဲ့။ မော်လမြိုင်ကမိခင်က သူတို့ကလေးကို ပြင်ဦးလွင်မှာ ကျူရှင်သွားထားတာရှိသလို၊ မန္တ လေးကမိဘတွေကလည်း သူတို့ကလေးကို ပြည်မှာလာပြီးကျူရှင်ထားတာတွေလည်းရှိပါတယ်။ အဲဒါလည်းဘာလဲဆိုတော့ ပ ညာချင်းကတော့အတူတူပါပဲ။ ဘယ်ကျူရှင်၊ ဘယ်ကျောင်းဆိုတာ ရွေးချယ်တဲ့သဘောပေါ့ဆရာရယ်။ အခုလည်းကျွန်မတို့က ဗေဒင်ကိုမေးချင်တာမဟုတ်ဘူး။ ဆရာဇင်ယော်နီဆိုတာပြောပြတဲ့စကားကို ကြားချင်လို့လာခဲ့တာဆရာရဲ့” ဟုပြောပြလေတော့ ၏။


ထို့ကြောင့်ကျွနု်ပ်လည်း ” အင်း ကျုပ်ကလည်း မခင်မြပြောတဲ့စကားတွေကိုကြားချင်လို့ ပြည်ကိုလာရမယ့်ပုံပဲ။ ဒါနဲ့ လာ ရင်းကိစ္စကိုပြောစမ်းပါဦး” ဟုမေးလိုက်ရာ မခင်မြက ” ဒီလိုဆရာရယ်၊ ကျွန်မတို့မောင်နှမနှစ်ယောက် ၀ါကျွတ်မှာအိမ်ပြောင်းကြမ လို့ ကျွန်မကမောင်လေးရဲ့အိမ်ကိုပြောင်းမှာ၊ မောင်လေးက ကျွန်မတို့အိမ်ကိုပြောင်းမှာ၊ မောင်နှမနှစ်ယောက်အိမ်အလဲအထပ် လုပ်ပြီး ပြောင်းကြမှာလေဆရာရဲ့၊ အဲ့ဒါကြားဖူးနားတွေဝနဲ့တွက်ကြည့်တော့ နှစ်ယောက်လုံးအတွက်နဂါးလှည့်တွေကမကိုက်ဘူး ဖြစ်နေတယ်။ မပြောင်းလို့ကလည်းမရတော့ဘူးဆရာရဲ့၊ အဲဒါ နဂါးလှည့်အဆင်မပြေတဲ့ကိစ္စ ဒုက္ခမရောက်အောင် ဘာလုပ်ရမလဲ သိချင်လို့ လာခဲ့တာပါ” ဟုပြောပြလေ၏။ ကျွနု်ပ်က “ ဟုတ်တာပေါ့ဗျာ ဒါလည်းအရေးကြီးတာပေါ့ ကျုပ်တို့အဘဆရာကြီး မင်းသိ င်္ခပြောသွားတဲ့ နည်းလေးတစ်ခုရှိတယ်ဗျာ။ အဲဒီနည်းလေးကမခင်မြတို့အတွက် တည့်တည့်ကြီးအသုံးဝင်ပါလိမ့်မယ်” ဟုပြော လိုက်လျှင် မခင်မြက “ တစ်ခုတော့ရှိတယ်နော်ဆရာ၊ နတ်နဲ့နဂါးမလှည့်စားကောင်းဘူးလို့လဲ ကြားဖူးတယ်။ ကျွန်မတို့က ဘာမှ နားလည်တာမဟုတ်ဘူး။ အဲဒါတော့ကြောက်တယ်ဆရာ နဂါးကိုလှည့်စားတဲ့နည်းများဖြစ်နေမလား” ဟုမေးလေ၏။ ကျွနု်ပ်က စီး ကရက်တစ်လိပ်ကို မီးညှိ၍ရှိုက်ဖွာလိုက်ပြီးသည့်နောက်တွင်မှ

“ အဲဒီနဂါးကလည်းဗျာ လူကိုကျတော့ လူကိုဖမ်းစားမယ် ဒုက္ခပေးမယ်၊လူကလှည့်စားတာလေးကျတော့ မခံနိုင်ဘူးဆို တော့ တော်တော်နဂါးပါးဝတာပဲ။ ပြီးတော့ နဂါးပြည်ရောက်သွားတဲ့သူကို သူလုပ်ချင်တာလုပ်မယ်ဆိုတာကတော်ပါသေးတယ်။ လူတွေနေတဲ့နေရာကို နဂါးကအနိုင်ကျင့်တဲ့သဘောဆိုရင်တော့မခံချင်စရာပေပဲဗျ။ ပြီးတော့ နတ်နဲ့နဂါးမလှည့်စားကောင်းဘူးဆို တော့ လူအချင်းချင်းကြတော့ လှည့်စားချင်လှည့်စားခွင့်ရှိတယ်ဆိုတဲ့သဘောပေါ့လေ။” ဟုပြောလိုက်ရာ မခင်မြလည်း မဲ့သလို ပြုံးသလိုဖြစ်လျက် “ ပြောပါဆရာရယ် ဘယ်တွေရောက်ကုန်မှန်းလည်းမသိတော့ပါဘူး။ ဆရာတို့ဆရာကြီးသင်ပေးသွားတယ်ဆို တဲ့နည်းကိုသာ ပြောပြလိုက်ပါတော့” ဟု တိုက်တွန်းလေတော့၏။

ထို့ကြောင့် ကျွနု်ပ်က “ ဒီလိုပါဗျာ အိမ်ပြောင်းတာတို့၊ ဆိုင် ပြောင်းတာတို့၊ နေရာပြောင်းတာတွေလုပ်တဲ့အခါမှာ ကြာသပတေးသားသမီးတစ်ယောက်ယောက်ကို ပါအောင်ခေါ်သွားရတယ် ဗျ။ ကြာသပတေးဆိုတာကကြွက်လေဗျာ။ ရှေးလူကြီးတွေက ” နဂါးကြီးဗိုက် ကြွက်ကြီးဖောက်” ဆိုပြီး လမ်းညွှန်သွားခဲ့ကြတယ် ဗျ။ နဂါးကဘယ်ဘက်ကိုပဲလှည့်လှည့် ကြွက်ကဖောက်သွားနိုင်တယ်ဆိုတဲ့အယူအဆပေါ့ဗျာ။ အဲဒီတော့ မခင်မြတို့မောင်နှမ လည်း အိမ်ပြောင်းကြတဲ့နေ့ ကြာသပတေးသမီးကိုအပါခေါ်ပြီး နဂါးကြီးဗိုက်ကြွက်ကြီးဖောက်ဆိုတဲ့ထုံးကို အသုံးချကြပေတော့ ဗျို့” ဟုပြောပြလိုက်ရပါလေတော့သတည်း။

လူဖတ်အများဆုံး ဆောင်ပါး (၅)ပုဒ်

  • မိသားစုအတွက် နွေးထွေးစေမယ့် အိမ်ကလေး
  • ၂၀၂၁ မှာ ဖုန်းရွှေကောင်းပြီး လာဘ်ပွင့်စေဖို့
  • အခန်းကျဉ်းမှ အခန်းကျယ်သယောင် အလှဆင်နည်း

လအလိုက်ကြည့်ရှုရန်


ကလေးတို့အတွက် စာကြည့်စားပွဲနဲ့ထိုင်ခုံ ရွေးချယ်နည်း

တည်းဖြတ်သူ Myanmar Home and Decoration
ရေးသားသူ Home & Deco အဖွဲ့သားများ မှ
နိုဝင်ဘာ 27, 2020 နေ့
ဈေးဝယ်လမ်းညွှန် ကဏ္ဍတွင်
ထည့်သွင်းရေးသားခဲ့သည်။

ads

ကျွန်မတို့ငယ်ငယ်တုန်းကစာကြည့်စားပွဲလှလှလေးတွေကိုကြိုက်ခဲ့ဖူးသလိုကိုယ့်သားသမီးတွေအတွက်လည်းစာကျက်တဲ့အခါမှာသင့်တော်တဲ့စာကြည့်စားပွဲနဲ့ထိုင်ခုံလေးတွေကိုအသက်အရွယ်အလိုက်ဝယ်ယူဖြည့်ဆည်းပေးရမှာဖြစ်ပါတယ်။အခုခေတ်မှာဆိုအွန်လိုင်းပညာရေးစနစ်ဖြစ်ထွန်းလာတာနဲ့အမျှသင့်တော်တဲ့အလင်းရောင်နဲ့အတူစနစ်တကျဖန်တီးပြုလုပ်ထားတဲ့စာကြည့်စားပွဲနဲ့ထိုင်ခုံတစ်စုံကရင်သွေးလေးတို့အတွက်ပိုလိုအပ်လာပြီဖြစ်ပါတယ်။စာကြည့်စားပွဲနဲ့ထိုင်ခုံကိုဘယ်လိုရွေးချယ်ရမလဲဆိုတာကိုMyanmar Home & Décor ရဲ့စာဖတ်ပရိတ်သတ်ကိုပြောပြပေးသွားမှာဖြစ်ပါတယ်။


စာကြည့်စားပွဲအတွက် စီစဉ်ရန်
ကလေးတို့ရဲ့ အခန်းအတွက် မရှိမဖြစ်ကတော့ စာကြည့်စားပွဲပဲဖြစ်ပါတယ်။ ခေတ်ရေစီးကြောင်းအရ စာကြည့်စားပွဲမှာ ကွန်ပျူတာတစ်လုံးကတော့ သေချာပေါက်ရှိနေမှာဖြစ်ပါတယ်။
• စာကြည့်စားပွဲကို ၀ယ်ယူရာမှာ ကလေးရဲ့အရပ်၊ ခန္ဓာကိုယ်အရွယ်အစားနဲ့ ကိုက်ညီမှုရှိတဲ့ စာကြည့်စားပွဲဖြစ်ဖို့ပါ
• စာဖတ်တဲ့အခါ၊ ကွန်ပျူတာသုံးတဲ့အခါမှာ သက်သောင့်သက်သာရှိစေမယ့် ထိုင်ခုံတစ်လုံးလည်း လိုအပ်ပါတယ်။
• ကလေးရဲ့ အရပ်ပေါ်မူတည်ပြီး အနမ့်အမြင့်ကို ချိန်လို့ရပြီး ကျောမှီပါတဲ့ ထိုင်ခုံမျိုးကို ရွေးချယ်ဝယ်ယူဖို့ အကြံပြုလိုပါတယ်။
• ထိုင်ခုံနဲ့ တွဲဖက်အသုံးပြုမယ့် စာကြည့်စားပွဲမှာ ခြေထောက်တင်လို့ရမယ့် တန်းတစ်ခုပါဖို့လည်း အရေးကြီးပါတယ်။ ဒါမှ ခြေထောက်များကိုလည်း သက်သောင့်သက်သာ ရှိစေမှာဖြစ်ပါတယ်။

https://www.facebook.com/fortuneera

စာကြည့်စားပွဲနှင့် ထိုင်ခုံအတွက် သတိပြုရန်

  • ထိုင်ခုံမှာ ထိုင်တဲ့အခါ ဒူးခေါင်းသည် (၉၀ ဒီဂရီ) အနေအထားဖြစ်ရမည်။စာဖတ်တဲ့အခါ (သို့) ကွန်ပျူတာ အသုံးပြုတဲ့အခါမှာ ငုံ့ကြည့်တဲ့ အနေအထားမျိုးမဖြစ်စေရန် သတိပြုရပါမည်။ အရှေ့စူးစူးသို့ ငေးမျှော်ကြည့်သည့် အနေအထားတွင် စာဖတ်မှသာ မျက်စေ့နှင့် အာရုံကြောအတွက် သက်သောင့်သက်သာရှိစေမှာဖြစ်ပါတယ်။
  • တံတောင်ဆစ်သည် စားပွဲပေါ်တွင် (၉၀ ဒီဂရီ) အနေအထားဖြင့် စာရေးသားမှုပြုလုပ်နိုင်ရန် ဂရုပြုရပါမည်။
  • ခြေဖဝါးသည်လည်း (၉၀ ဒီဂရီ) အနေအထားဖြင့် ကြမ်းပြင်သို့ ထိနေရပါမည်။ သို့မဟုတ် စားပွဲ၏ ခြေတင်တန်းပေါ်သို့ ထိနေရပါမည်။
  • နောက်ဆုံးအနေနဲ့ အရေးကြီးတာတစ်ခုကတော့ ထိုင်ခုံမှာ နောက်ကျောမှီ ပါရပါမယ်။
    အထက်ပါအချက်များသည် ကလေးများအတွက်သာမက လူကြီးများအတွက်ပါ လွန်စွာအရေးကြီးပြီး အသုံးဝင်လှပါသည်။

    ယခုဆောင်းပါးကိုMyanmar Home & Décor နှင့်အတူFortune Era Design & Furniture မှတင်ဆက်တာြဖစ်ပြီးမိမိကလေးအတွက်သင့်လျော်တဲ့စာကြည့်စားပွဲကိုရွေးချယ်ဖို့ခက်နေတယ်ဆိုရင်Fortune Era Design & Furniture မှာcustomize furniture များကိုအပ်နှံနိုင်ပြီဖြစ်ကြောင်းစာဖတ်ပရိတ်သတ်တို့ကိုသတင်းကောင်းပါးလိုက်ပါတယ်နော်

https://www.facebook.com/fortuneera


လူဖတ်အများဆုံး ဆောင်ပါး (၅)ပုဒ်

  • မိသားစုအတွက် နွေးထွေးစေမယ့် အိမ်ကလေး
  • ၂၀၂၁ မှာ ဖုန်းရွှေကောင်းပြီး လာဘ်ပွင့်စေဖို့
  • အခန်းကျဉ်းမှ အခန်းကျယ်သယောင် အလှဆင်နည်း

လအလိုက်ကြည့်ရှုရန်


ကလေးအခန်းဖန်တီးတဲ့အခါ ….

တည်းဖြတ်သူ Myanmar Home and Decoration
ရေးသားသူ Home & Deco အဖွဲ့သားများ မှ
နိုဝင်ဘာ 22, 2020 နေ့
အိမ်တွင်း အလှဆင် နည်းလမ်းများ ကဏ္ဍတွင်
ထည့်သွင်းရေးသားခဲ့သည်။

ads

ကလေးအခန်းတွေကို အလှဆင်တဲ့အခါမှာ ပညာရှင်များရဲ့ လေ့လာတွေ့ရှိချက်တွေကို ထည့်သွင်းစဥ်းစားပြီး ပြင်ဆင်သင့်ပါတယ်။ ကလေးတွေရဲ့ ကာယ၊ ဉာဏဖွင့်ဖြိုးတိုးတက်မှုအတွက် အထောက်အကူဖြစ်စေဖို့ ကလေးအခန်းတွေဖန်တီးတဲ့အခါ ဘယ်အရာတွေက အရေးပါသလဲဆိုတာကို လေ့လာကြည့်နိုင်ဖို့ Myanmar Home & Décor က တင်ပြပေးထားပါတယ်။

နယ်ပယ်လေးများ ကန့်သတ်ပေးပါ။ (စာဖတ်ရန်။ ကစားရန်၊ အိပ်ရန်)
အိပ်ရာသည် ကောင်းမွန်စွာ အိပ်စက်အနားယူဖို့အတွက် သီးသန့်ပြုလုပ်ထားတယ်ဆိုတာကို ကလေးတို့ရဲ့ ငယ်စဉ်ဘဝမှာကတည်းက နှလုံးသွင်းပေးထားရမှာဖြစ်ပါတယ်။ ဒါကြောင့် စာဖတ်ဖို့စာကြည့်စားပွဲကို အိပ်ရာရဲ့ဘေး (ဒါမှမဟုတ်) အခန်းရဲ့ ထောင့်တစ်နေရာမှာ စီစဉ်ပေးထားရပါမယ်။ ဒါမှသာ မိမိရဲ့ ကလေးငယ်က ကုတင်ပေါ်မှာ စာကြည့်ရင်း အိပ်ပျော်ခြင်းကို ရှောင်ရှားနိုင်မှာဖြစ်ပါတယ်။ ကစားဖို့ နေရာလပ်ကလေးလည်း လိုအပ်ပါသေးတယ်။ ဒါမှလည်း ကလေးရဲ့ စိတ်ကူးစိတ်သန်းများကို လွတ်လပ်စွာ ပျံသန်းခွင့်၊ တီထွင်ခွင့်တွေကို ဖန်တီးပေးနိုင်မှာဖြစ်ပါတယ်။


ဘေးအန္တရာယ်ကင်းပြီး လုံခြုံမှုရှိအောင် ဖန်တီးပါ။
ရှာဖွေစူးစမ်းလိုစိတ် ပြင်းပြခြင်းက ကလေးငယ်တို့ရဲ့ ထုံးစံပါ။ အခန်းတွင်းမှာ ပရိဘောဂပစ္စည်းများကို နေရာချရာမှာ ပြတင်းပေါက်နားမှာ မထားမိပါစေနဲ့။ ပရိဘောဂများရဲ့ အစွန်းများက ချွန်ထွက်နေတာမျိုးမပါ၀င်အောင် သတိထားပါ။ ဖြစ်နိုင်မယ်ဆိုရင် ကလေးများအတွက် သီးသန့်ဒီဇိုင်းထွင်ထုတ်လုပ်ထားတဲ့ ပရိဘောဂများကို ရွေးချယ်ဝယ်ယူပါ။ အခန်းထဲမှာ ကွဲရှလွယ်တဲ့ အသုံးအဆောင်ပစ္စည်းများကို မထားမိဖို့ သတိပြုပါ။ အခန်းမှာရှိတဲ့ ဗီရိုတံခါး၊ ပြတင်းပေါက်တံခါးများမှာလည်း အဖွင့်အပိတ်ပြုလုပ်တဲ့အခါမှာ အရှိန်ကို ထိန်ပေးထားတဲ့ ကြားခံပစ္စည်းများကို ထည့်သွင်းအသုံးပြုပါ။ ကလေးများရဲ့ လက်ချောင်းကလေးများက သေးငယ်တဲ့အတွက် မတော်တဆ ကစားရင်း လက်ညပ်ခြင်းမှ ကာကွယ်နိုင်ဖို့ ဖြစ်ပါတယ်။

Photo credit – internet


အခန်းဖွဲ့စည်းမှုမှ ကလေးအတွက် သင့်တော်တဲ့ ဗီရိုများပါ၀င်ပါစေ။
ကလေးတွေရဲ့ အခန်းထဲမှာ ရှုတ်ပွမနေဖို့အတွက် အလိုအပ်ဆုံးအရာကတော့ ဗီရိုများပဲဖြစ်ပါတယ်။ ပစ္စည်းများသိမ်းဆည်းတတ်တဲ့ အလေ့အကျင့်ကို ငယ်စဉ်ကတည်းက လေ့ကျင့်ပြီးသားဖြစ်စေပါတယ်။ အနည်းဆုံးကလေးတို့ရဲ့ ကစားစရာအရုပ်များ၊ ရောင်စုံခဲတံနဲ့ ပန်းချီစာအုပ် အစရှိတဲ့ ကလေးအသုံးအဆောင်ပစ္စည်းများကို ထည့်သွင်းနိုင်မယ့် ဗီရိုများကို ကလေးတို့ရဲ့ အရပ်နဲ့ မီအောင် ပြင်ဆင်ပေးထားသင့်ပါတယ်။ အဲဒီအပြင်စာအုပ်စင်များကိုလည်း ထည့်သွင်းပေးထားရင် စာဖတ်တတ်တဲ့ အလေ့အကျင့်ကိုလည်း မွေးမြူပေးနိုင်ပါတယ်။ စာအုပ်စင်ကိုတော့ ကလေးအရပ်နဲ့ လိုက်လျောညီထွေရှိစေဖို့ သတိပြုရပါမယ်။ စာအုပ်စင်ပေါ်မှာလည်း စာအုပ်အထူများ၊ အလေးချိန်ရှိတဲ့ ပစ္စည်းများ မထားမိစေဖို့ အထူးသတိပြုရပါမယ်။

အရောင်လှလှ တန်ဆာဆင်ပါ။
ကလေးရဲ့ စိတ်ပိုင်းဆိုင်ရာဖွံ့ဖြိုးမှုအတွက် အရောင်များက အထောက်အကူဖြစ်စေတယ်လို့ ဆရာဝန်များရဲ့ လေ့လာမှုများအရ သိရပါတယ်။ အပြာရောင်၊ အစိမ်းရောင်နုတို့ကတော့ ကလေးများအတွက် သင့်တော်တဲ့ အခန်းအရောင်များဖြစ်ပါတယ်။ အရောင်စုံလေးများခြယ်သထားရင်လည်း ကလေးတို့အတွက် ဉာဏ်ရည်တိုးတက်မှုအတွက် အထောက်အကူဖြစ်စေတယ်လို့ ဆိုပါတယ်။ ဆေးရောင်များကို လှပစွာခြယ်သထားခြင်းဖြင့် ကလေးငယ်တို့ရဲ့ စိတ်ကို ရွှင်လန်းစေပါတယ်။

https://www.facebook.com/fortuneera


မှန်ကန်တဲ့ အလင်းရောင်ကို ပေးစွမ်းပါ။
အခုခေတ်ကလေးတော်တော်များများက ငယ်ငယ်ကတည်းက တီဗီကြည့်၊ ဂိမ်းဆော့နဲ့ အတော်ကို မျက်စိပျက်စီးကြပါတယ်။ ဒါကြောင့် ငယ်စဉ်ကတည်းက ကလေးရဲ့ အိပ်ခန်းမှာ အဓိကအားဖြင့် စာကြည့််ဖို့၊ ပန်းချီဆွဲဖို့၊ ကွန်ပျူတာသုံးဖို့ လုံလောက်ပြည့်စုံတဲ့ အလင်းရောင်ရရှိဖို့လိုပါတယ်။ ဒါမှသာ အဝေးမှုန်ခြင်းနဲ့ မျက်စေ့စုံချက်မညီခြင်း အစရှိတဲ့ ဝေဒနာတွေကို ကျော်လွှားနိုင်မှာဖြစ်ပါတယ်။ နေ့လည်ခင်းမှာ သဘာဝအလင်းရောင်ကို ရရှိစေနိုင်ဖို့ဖန်တီးပေးပါ။ သဘာဝနေရောင်ခြည်ဟာ ကလေးငယ်တို့အတွက် နှာစေးခြင်းကို ကာကွယ်ပေးနိုင်တဲ့ ဗီတာမင်စီဓာတ်ပါ၀င်ပါတယ်။ ဒါပေမယ့်လည်း ခရမ်းလွန်ရောင်ခြည်ကို ကာကွယ်ဖို့အတွက်တော့ ပြန်လည်စဉ်းစားရင်း ခန်းဆီးလိုက်ကာများနဲ့ ၀န်းရံပေးလိုက်ပါ။ နေဝင်လို့ ကလေးအများစု စာကြည့်ချိန်ကို ရောက်လာတဲ့အခါ အလင်းရောင်အပြည့်အဝပေးစွမ်းနိုင်မယ့် စာကြည့်မီးအိမ် (သို့) မီးချောင်းကို တပ်ဆင်ပေးပါ။

ကလေးငယ်ကို သီးသန့်အခန်းနဲ့ ခွဲထုတ်ပေးလိုက်တဲ့အခါမှာ စိတ်ပိုင်းအပြောင်းအလဲများ၊ စိုးရိမ်ကြောက်လန့်မှုများ ရှိတတ်ပါတယ်။ အလင်းရောင်က အဲ့ဒီစိုးရိမ်ကြောက်လန့်မှုအတွက် ခွန်အားတစ်ခုအသွင် ခြေဖျက်ပေးနိုင်ပါတယ်။ သာမန်မီးအလင်းရောင်က ညအိပ်တဲ့အခါမှာ မျက်စေ့ကြောင်နေတတ်ပါတယ်။ ညအိပ်တဲ့အခါမှာ ညထွန်းမီးလုံးလေးကို တပ်ဆင်ပေးဖို့ မမေ့ပါနဲ့။ တစ်ယောက်တည်းနေလို့ နေသားတကျဖြစ်လာတဲ့အခါမှာတော့ အိပ်ခါနီးမှာ မီးလုံးတွေကို အလွယ်တကူပိတ်နိုင်အောင် အိပ်ယာနဲ့ လက်တစ်ကမ်းအလိုမှာ ညထွန်းမီးလုံးများထားရှိပေးပါ။

မိမိချစ်ရတဲ့ သားငယ် သမီးငယ်လေးများရဲ့ အသက်အရွယ်အလိုက် ကလေးအခန်းလေးဖန်တီးဖို့အတွက် ယခုဆောင်းပါလေးကို Fortune Era Design & Furniture နှင့်အတူ Myanmar Home & Decor က ပူးပေါင်းတင်ဆက်တာဖြစ်ပြီး စာဖတ်ပရိတ်သတ်များအတွက် အထောက်အကူပြုမယ်လို့ မျှော်လင့်ပါတယ်။

လူဖတ်အများဆုံး ဆောင်ပါး (၅)ပုဒ်

  • မိသားစုအတွက် နွေးထွေးစေမယ့် အိမ်ကလေး
  • ၂၀၂၁ မှာ ဖုန်းရွှေကောင်းပြီး လာဘ်ပွင့်စေဖို့
  • အခန်းကျဉ်းမှ အခန်းကျယ်သယောင် အလှဆင်နည်း

လအလိုက်ကြည့်ရှုရန်