Month: October 2018

ဆေးရောင်ကပြောသော အိပ်ခန်းများ အကြောင်း

တည်းဖြတ်သူ Myanmar Home and Decoration
ရေးသားသူ စိုးဝေ မှ
October 30, 2018 နေ့
ဆောင်းပါးများအိမ်တွင်း အလှဆင် နည်းလမ်းများ ကဏ္ဍတွင်
ထည့်သွင်းရေးသားခဲ့သည်။

ads

ကျွန်တော်တို့သည် နေ့စဉ်ဘဝများကိုဖြတ်သန်းကြရာဝယ် နေ့တစ်နေ့၏သုံးချိုးတစ်ချိုးကို အိပ်ယာအိပ်ခန်း ဆောင်အတွင်း၌အိပ်စက်ရင်း ကုန်ဆုံးကြရလေသည်။ ထိုသို့အိပ်စက်အနားယူရုံမျှမကသေး ကျွန်တော်တို့၏ အိပ်ခန်းများသည် မနက်ဘက်မျက်စိနှစ်လုံးပွင့်၍ပထမဆုံးတွေ့မြင်ကြည်ရှုရမည်နေရာ၊ အဝတ်အစားလဲလှယ် ကြသည်နေရာ၊ ဒီအပြင်ပင်ပန်းမှုများပြေပျောက်ရာ၊ ဖြေဖျောက်ရာနေရာဟုလည်း ဆိုနိုင်ပါသည်။ အိပ်ခန်း တစ်ခန်း၏ အတွင်းပိုင်းအပြင်အဆင်သည် အင်မတန်မှကိုအရေးကြီးပါသည်။

ထို့ကြောင့် ကျွန်တော်တို့သည်မည်သည့်အိပ်ခန်းမျိုးကို မည်ကဲ့သို့အလှဆင်နိုင်လျှင် ပိုမိုအဆင်ပြေစွဲ ဆောင်မှုရှိမည်ဆိုသည်ကို မျက်လုံးဖွင့်နားစွင့်ရှာဖွေတတ်ကြလေ့ရှိသည်။ လူသားတို့သည် နံနက်ခင်းအားမာန် တက်ကြွဖွယ်မြင်ကွင်းကိုတွေ့မြင်ရလျှင် တက်ကြွဖျတ်လက်မှုကိုရရှိ၍ တစ်နေ့တာအတွက်အောင်မြင်စွာဖြတ် သန်းနိုင်ကြလေသည်။

ယင်းအတွက်တက်ကြွအားမာန်ဖြစ်ဖွယ် အားကစားသမားပုံများ၊ အရှိန်အဟုန်ပြင်းစွာယှဉ်ပြိုင်နေသော ပြိုင်နေသော ပြိုင်ကားပိုစကာများစသဖြင့် မိမိစိတ်ကိုလှုံဆော်ပေးစေတတ်သော ရုပ်ပုံများကိုနံရံ၌ ချိတ်ဆွဲထား သင့်ပါသည်။ ထို့ပြင် ကြည်လင်စိမ်းစိုသောတောတောင်ရူခင်းပုံများ၊ ရေတံခွန်စိမ့်စမ်းများကိုလည်းထားရှိသင့် ပါသည်။ ၎င်းသည်အိမ်မှာနေရင်း နေရာတစ်ခုသို့ ခဏတစ်ဖြုတ်သွားရောက်အပန်းဖြေသကဲ့သို့ ချမ်းမြေ့ကြည် နူးမှုကိုရရှိစေနိုင်ပါသည်။

အိပ်ခန်းအတွင်းချိတ်ဆွဲရာတွင် လူတော်တော်များများက ပင်လယ်ပြာပြာရူခင်းများ၊ ကန်ရေပြင်ကျယ် များကိုနှစ်သက်သဘောကျသည်။ စိမ်းစိုသာယာသော တောရိပ်တောင်ရိပ်အောက်က ပင်စည်ကြီးကြီးသစ်ပင်ပုံ များ၊ နွယ်ခက်များအကြားမှ နေရောင်နုနုဖြာကျနေဟန်၊ တစ်မျှော်တစ်ခေါ်လယ်ကွင်းများ၊ ဟိုမှသည်မှ တောရိုင်းပန်းကလေးများ၊ တံတားအိုကလေးနှင့် စမ်းရေအိုင်ငယ်ပုံကလေးများသည် ရင်ကိုအေးမြစေနိုင်သည်။ လူကို တောရိပ်တောင်ရိပ်အောက်ရောက်သွားသကဲ့သို့ အသစ်တဖန်နုပျိုလတ်ဆတ်စေနိုင်ပါသည်။

နောက်ထပ်အရောင်အသွေးပိုင်နှင့် ခြယ်မှုန်းပုံကို ဆက်လက်တင်ပြလိုပါသည်။ အရောင်သည်အခန်း ကိုအလှဆင်ရာ၌များစွာစကားပြောသည်။ ဆေးအရောင်နှင့် နံရံကပ်ဝေါလ်ပေပါအလှဆင်စက္ကူတို့လို မတူ ညီသောမည်သည့် ဝတ္တုနှစ်ခုတို့အားတွဲဖက်အသုံးပြုသည်ဖြစ်စေ လိုက်ဖက်မှုရှိရန်တော့လိုပါသည်။ ဒီနေရာ၌ ပြိုးပြက်တောက်ပသောအရောင်များသည် စိတ်သဘာဝကို လှုံဆော်တက်ကြွစေနိုင်သဖြင့် အနားယူအပန်းဖြေ အိပ်ခန်းအတွင်း မသုံးစွဲသင့်ပေ။ ဆန်ကျင်ဘက်အားဖြင့်အရောင်ခပ်ရင့်ရင့်၊ ခပ်မှောင်မှောင်၊ ခပ်မှိန်မှိန်ကာ လာတို့သည် အိပ်ခန်းအတွက်များစွာသင့်လျော်ပါသည်။ လက်ရှိခေတ်စားနေသော အိပ်ခန်းသုံးအရောင်များမှာ ခပ်ဖျော့ဖျော့ဘယ်ရီသီးအရောင်၊ အစိမ်းရောင်၊ အပြာရင့်များဖြစ်ကြသည်။ အချို့ကလည်း အဆိုပါအရောင် များအပါအဝင် အရောင်စုံမြေဖြူ၊ ဆင်စွယ်အနှစ်ရောင်တို့ကို သဘာဝလေဝင်လေထွက် ကောင်းသောအိပ်ခန်း များတွင် အများဆုံးအသုံးပြုကြလေသည်။

စိတ်ဝင်စားဖွယ်အိပ်ခန်းတစ်ခုအဖြစ်အမြင်ကိုဆန်းသစ်စေနိုုင်သော အရောင်များလည်းရှိပါသည်။ ၎င်း အမြင်တင့်ဆန်းစေမည့်အရောင်များတွင် ကြက်သွေးရောင်နှင့် ချောကလက်ရောင်ရင့်ရင့်ကို လူကြိုက်များ သည်။ ချောကလက်ရင့်သည် ပကတိကြည်နူးဖွယ်အသွင်ကိုဆောင်သည်။ ၎င်းပြင် မနုလွန်မရင့်လွန်းသော အစိမ်းဖျော့ရောင်လေးသည် စိတ်ကိုလန်းဆန်းစေပြီး မိုးပြာရောင်ခပ်မှိန်မှိန်လေးက ကမ်းစပ်တစ်ခုမှနေ၍ ဟိုးအဝေးဆီကိုမျှော်ကြည့်နေသကဲ့သို့ကြည်လင်စေသည်။ လတ်ဆတ်စေသည်။ အမျိုးသမီးအများစုမှာ ၎င်းတို့ ၏အိပ်ခန်းများကို ပန်းရောင်နောက်ခံပြုှလျှက်အလှဆင်တတ်ကြသည်။ ပန်းရောင်ထက် လာဗင်ဒါခရမ်းပြာနု ရောင်က အမျိုးသမီးများကို ဖမ်းစားစေသော အိပ်ခန်းအရောင်ဟုဆိုလျှင် မမှားပေ။

အမျိုးသားများအတွက် သင့်တော်သောအိပ်ခန်းအရောင်များမှာ အပြာရင့်ရောင်၊ အစိမ်းရင့်ရောင်များ ဖြစ်ပြီး ၎င်းမှဖောက်ထွက်ကာခေတ်ဆန်သော အခန်းတွင်းအရောင်များတွင် အနက်နှင့်အဖြူကို အချိုးညီညီ ပေါင်းစပ်ရေးချယ်၍ နံရံအလှဆင်သည်ကိုလည်းတွေ့ရသည်။ နံရံအနုပညာဖန်တီးရာတွင် နာမည်ကျော် ပုံတူ ပန်းချီကားများ၊ ထင်မြင်ချက်အတွေးအခါ်ကို ရေးချယ်သည့်ပန်းချီများနှင့် လည်းချိတ်ဆွဲနိုင်ပါသည်။ ဥပမာအား ဖြင့် ပုံတူပန်းချီကားများတွင် လီလီပန်းခပ်ကြီးကြီးတစ်ပွင့်ပုံ၊ ဖန်အိုးထဲသစ္စာပန်းစိုက်ထားပုံ ပန်းချီကားများကို ချိတ်ဆွဲခြင်းဖြင့် ရှေးဟောင်း တန်ဖိုးကြီးပုံဏ္ဍန်ကို ခေတ်ပေါ်လက်ရာနှင့်ရောနှော ဖန်တီးထားရာရောက်စေပါ သည်။

ကျွန်တော်တို့သည် ကျွန်တော်တို့၏ ကိုယ်ပိုင်အိပ်ခန်းကို တစ်မျိုးပြီးတစ်မျိုးစိတ်ကြိုက်ပြင်ဆင်ပြောင်း လဲအလှဆင်ခြင်းဖြင့် ဘယ်တော့မှ ရိုးသွားလိမ့်မည် မဟုတ်ပါ။ ကျွန်တော်တို့ ထာဝစဉ်အိပ်စက်အနားယူသော အိပ်ခန်းလေးမှာ ကျွန်တော်တို့၏အရင်းနှီးဆုံးအားအင်သစ်ကိုဖြစ်စေဖို့ အိပ်ခန်းလေးကိုအကောင်းဆုံးနဲ့ အမိုက် ဆုံးဖြစ်အောင် အလှဆင်ကြပါစို့လား။

လူဖတ်အများဆုံး ဆောင်ပါး (၅)ပုဒ်

  • မိသားစုအတွက် နွေးထွေးစေမယ့် အိမ်ကလေး
  • ၂၀၂၁ မှာ ဖုန်းရွှေကောင်းပြီး လာဘ်ပွင့်စေဖို့
  • အခန်းကျဉ်းမှ အခန်းကျယ်သယောင် အလှဆင်နည်း

အိမ်ဝယ်ချင်ရောင်းချင်သူများအတွက်

တည်းဖြတ်သူ Myanmar Home and Decoration
ရေးသားသူ ဇင်ယော်နီ မှ
October 25, 2018 နေ့
ကျန်းမာရေးနှင့် စီးပွားရေး ကဏ္ဍတွင်
ထည့်သွင်းရေးသားခဲ့သည်။

ads

တစ်နေ့သ၌ကျွန်ုပ်ထံသို့ Myanmar Home & Décor မဂ္ဂဇင်းမှအယ်ဒီတာအဖွဲ့ရောက်ရှိလာခဲ့လေ၏။ ကျွန်ုပ်လည်း၎င်းတို့အား မနောမယလက်ဖက်ရည်ဖြင့် ဧည့်ခံရပေ၏။ လက်ဖက်ရည်သောက်ကြရင်းတစ်ဦးက-

“ဆရာရေ စာအုပ်ဖောင်ပိတ်မယ့်ရက်ကို ရောက်လာပါပြီ စာမှုလေးချီးမြှင့်ပေးပါဦး” ဟု ပြောလေ၏။  ကျွန်ုပ်အနေနဲ့ ထိုမဂ္ဂဇင်းတွင် ပုံမှန်စာမှုများရေးသားခဲ့သည်မှာ လေးနှစ်တိုင်လာခဲ့ပြီဖြစ်၏။ တစ်ဦးက”ဆရာ တို့က ယတြာဘက်မှာလည်း အလွန်နာမည်ထွက်တာဆရာရဲ့ ဒီတစ်ခါ အိမ်ဝယ်ခြင်း၊ ရောင်းခြင်းနဲ့ ပတ်သတ် တဲ့ ယတြာလေးရေးပေးပါလား” ဟု ပူဆာတိုက်တွန်းလေ၏။ ကျွန်ုပ်က ပြုံး၍

“ဒီလိုရှိတယ်ဗျ ယတြာတစ်ခုစွမ်းမစွမ်းဆိ်ုတာ ၃ချက်ညီဖို့တော့အရေးကြီးတယ်။ ဗေဒင်ဆရာရယ်၊ သူ့ပညာရယ်၊ ယတြာ ပြုလုပ်သူရယ်ပဲ။ အဲဒီထဲက တစ်ချက်ချက်ချို့ယွင်းမယ်ဆိုရင်တောင် ယတြာတစ်ခု အောင်မြင်ဖို့ မထွက်တော့ဘူးဗျ” ဟုပြောလိုက်လျှင်  တစ်ဦးက “ရှင်းပါဦးဆရာရယ် ဘယ်လိုများပါလိမ့်” ဟုဝင် မေးရင်း လက်ဖက်ရည်ခွက်ထဲမှ လက်ကျန်လက်ဖက်ရည်ကိုမော့ချလိုက်ပြီးနောက် နှုတ်ခမ်းကိုလျှာဖြင့်သပ် နေလေ၏။ ပြီးနောက် သူ၏ဘေးမှ အဖော်အား တီးတိုးလေသံဖြင့်

“ဆရာဆီက လက်ဖက်ရည်ကို သောက်ရတာက အရသာလေးတစ်မျိုးပဲနော်။ ဘယ်လိုလေးကောင်း မှန်းမသိဘူး” ဟုပြောလေ၏။ ကျွန်ုပ်ကလည်း ပြုံး၍

“အေးဗျ လက်ဖက်ရည်တစ်ခွက် ဆိုရင်လည်းစဉ်းစားကြည့်ရင် ဖျော်တဲ့သူရယ်၊ လက်ဖက်ရည်ရယ်၊ သောက်တဲ့သူရယ် ၃ချက် အဆင်ပြေသွားရင်ကောင်းသွားရောဗျ။ လက်ဖက်ရည်ထဲမှာပါတဲ့ပစ္စည်းတွေ ဘယ် လောက်ပဲကောင်းကောင်း ဖျော်တဲ့သူကအသုံးမကျရင်လည်း အဲဒီလက်ဖက်ရည်က ပျက်ရောဗျ။

ဖျော်တဲ့သူကတော်ပေမယ့် လက်ဖက်ရည်မှာသုံးတဲ့ပစ္စည်းတွေက သုံးစားလို့ မရလောက်အောင်ညံ့ နေခဲ့မယ်ဆိုရင်လည်း အဲဒီလက်ဖက်ရည်ဟာ ဘယ်လိုမှ အဆင့်အတန်း မှီနိုင်မှာမဟုတ်ဘူး။

နောက်တစ်ချက်ကတော့ လက်ဖက်ရည်မှာ သုံးတဲ့ပစ္စည်းတွေကလည်း ကောင်းတယ်။ ဖျော်တဲ့လူ ကလည်း တော်ရှာပါတယ်။ ဒါပေမဲ့ သောက်တဲ့လူကခံတွင်းပျက်နေမယ်၊ ဒါမှမဟုတ် လက်ဖက်ရည်ကို အရ သာခံမသောက်နိုင်ပဲ နွားငတ်ရေချဆိုသလို မော့ချလိုက်မယ်ဆိ်ုရင်လည်း အဲဒီလက်ဖက်ရည်က ပျက်ပြီး ပေါ့ဗျာ” ဟုပြောလိုက်လျှင် ၎င်းတို့လည်း တစ်ဦးမျက်နှာကိုတစ်ဦးကြည့်၍ မေးငေါ့နေကြလေ၏။ အဓိပ္ပါယ်မှာ “ဆရာပြောတာ ဟုတ်တုတ်တုတ်ပဲ” ဟူသည်သဘောမျိုး ဖြစ်လေတော့၏။ ထိုအခါကျွန်ုပ်က ဆက်လက်၍

“အဲဒီလိုပဲဗျ ယတြာတစ်ခုမှာလည်းပဲ ပညာက ဘယ်လောက်ပဲမှန်မှန်ကောင်းကောင်း၊ အဲဒီပညာကို သုံးတဲ့၊ လမ်းညွှန်တဲ့ဆရာရဲ့ စေတနာတို့၊ ဆန္ဒတို့၊ အစွမ်းအစတွေကလည်း အရေးကြီးနေတယ်။ စဉ်းစားကြည့် လေ။ ဒီပညာတစ်မျိုးတည်းကိုပဲ သုံးတာပဲ။ ဟိုဆရာပေးတော့စွမ်းတယ်။ ဒီဆရာပေးတော့မစွမ်းဘူး ဆိုတာတွေ ကြားဖူးမှာပေါ့။

ဆေးကုသရာမှာတောင် ဒီဆရာကဆေးလိုက်တယ်၊ ဟိုဆရာကဆေးမလိုက်ဘူး ဆိုတာမျိုးတွေရှိနေ တယ်မဟုတ်လား။

နောက်တစ်ချက်က ဆရာဖြစ်သူကတော်ပေမယ့် သူသုံးတဲ့ပညာက ချို့ယွင်းလိုအပ်မှုတွေရှိနေရင် လည်း အဲဒီယတြာဟာအစွမ်း ကောင်းကောင်းပြနိုင်မှာမဟုတ်ပါဘူး။ နောက်တစ်ချက်ကတော့၊ ဆရာဖြစ်သူက လည်း တော်သူသုံးတဲ့ပညာကလည်း မှန်ကန်နေမယ်ဆိုရင်တောင် ယတြာပြုလုပ်သူကပေါ့ပေါ့ဆဆ ပြီးပြီးရော၊ အလေးနက်မထားပဲ ပြုလုပ်မယ်ဆိုရင်လည်း ယတြာရဲ့အာနိသင်ဟာ ပြည့်ပြည့်ဝဝအစွမ်းပြနိုင်ဖို့ မထွက်တော့ ပါဘူး။

သိပ္ပံပညာဆိုတာကတိကျတယ်။ မီးခလုတ်ကို ချောက်ခနဲဖွင့်ရင် ဘယ်သူပဲဖွင့်ဖွင့်ပွင့်တယ်။ ဒေါက်ကနဲ ပိတ်လိုက်ရင်လည်း ဘယ်သူပဲပိတ်ပိတ် မီးပိတ်သွားမယ်။ လောကီပညာတွေမှာကျတော့ အဲဒီလို မဟုတ်ဘူး။ သူ့တုန်းကပွင့်ပေမယ့် ကိုယ့်ကျတော့ပွင့်ချင်မှပွင့်မှာလေ။ အရပ်ထဲမှာပြောလေ့ရှိတာကတော့ ဓါတ်မိတယ်မမိ ဘူးပေါ့ဗျာ။ လောကသားတွေသုံးလေ့ရှိတဲ့ စကားကတော့ လမိုင်းကပ်တယ်၊ မကပ်ဘူးပေါ့ဗျာ။

အဲဒီတော့ ကျွန်တော်တို့ ယတြာတွေစွမ်းတယ်ဆိုတာလိုက်ပြီး ယုံယုံကြည်ကြည်လေးလေးစားစား ဆောင်ရွက်ကြတဲ့ပရိတ်သတ်တွေလည်း တော်နေကြလို့ အစွမ်းပြနေတာပေါ့ဗျာ” ဟုပြောပြီးရယ်မောလိုက်လျှင် ၎င်းတို့သည်

“ဟုတ်ပြီဆရာရေ ဟုတ်ပြီ” ပြိုင်တူရေရွတ်လျှက် သဘောကျစွာဖြင့် ရယ်မောလိုက်ကျလေ၏။ ထို နောက်တွင်မှ ကျွန်ုပ်က-

“ကဲပါဗျာ အခုတော့ အိမ်ဝယ်ချင်တဲ့ ပရိတ်သတ်တွေ၊ ရောင်းချင်တဲ့ပရိတ်သတ်တွေ အသုံးချနိုင်ဖို့ နည်းလေးနှစ်မျိုးကိုပြောပြလိုက်ပါမယ်” ဟုဆိုကာ အောက်ပါအတိုင်း စာမူတစ်ပုဒ်အဖြစ် ရေးသားပေးလိုက်ရပါ လေတော့သတည်း။

“အိမ်ဝယ်လိုသောမိတ်ဆွေများ အိမ်ဝယ်ခြင်းကိစ္စအဆင်ပြေချောမွေ့အောင်မြင်စေရန်”

ကြာသာပတေးနေ့နံနက် ၆းဝဝမှရး၃ဝအတွင်း တနင်္ဂနွေနေ့လယ် ၁း၃ဝမှ ၃းဝဝအတွင်းတွင် လမ်းဘက် သို့မျက်နှာမူလျှက် နွားနို့သောက်ရင်းဆုတောင်းပါလေ။ (အချို့အတွက် နှစ်ကြိမ်၊ သုံးကြိမ်လုပ်ရုံမျှဖြင့် အဆင် ပြေသွားနိုင်သလို အချို့လည်း လေး၊ ငါး၊ ဆယ်ကြိမ် ပြုလုပ်ရပေမည်။)

“အိမ်ရောင်းလိုသော မိတ်ဆွေများ အိမ်ရောင်ခြင်းကိစ္စအဆင်ပြေချောမွေ့အောင်မြင်စေရန်”

တနင်္ဂနွေနေ့ ညနေ ၃းဝဝမှ ၄း၃ဝ အတွင်း၊ အင်္ဂါနေ့ နံနက် ၆းဝဝမှ ရး၃ဝ နာရီအတွင်း လမ်းဖက်သိုု့ မျက်နှာမူလျှက်နွားနို့သောက်ရင်းဆုတောင်းပါလေ။ (အချို့အတွက် နှစ်ကြိမ် သုံးကြိမ်လုပ်ရုံမျှဖြင့် အဆင်ပြေ သွားနိုင်သလို အချို့လည်း လေး၊ ငါးဆယ်ကြိမ်ပြုလုပ်ရနိုင်ပါသည်။ လေးလေးနက်နက် ဆောင်ရွက်ခြင်း အားဖြင့် အောင်မြင်ကြပါစေ။

ရေးသူ-ဇင်ယော်နီ

 

လူဖတ်အများဆုံး ဆောင်ပါး (၅)ပုဒ်

  • မိသားစုအတွက် နွေးထွေးစေမယ့် အိမ်ကလေး
  • ၂၀၂၁ မှာ ဖုန်းရွှေကောင်းပြီး လာဘ်ပွင့်စေဖို့
  • အခန်းကျဉ်းမှ အခန်းကျယ်သယောင် အလှဆင်နည်း

ဆွဲဆောင်မှုအပြည့်ဖြင့်သင်နဲ့ အတူရှိနေမယ့် Wall Art by Xenon

တည်းဖြတ်သူ Myanmar Home and Decoration
ရေးသားသူ သက်ထင် မှ
October 21, 2018 နေ့
ကြော်ငြာဆောင်းပါးဈေးဝယ်လမ်းညွှန် ကဏ္ဍတွင်
ထည့်သွင်းရေးသားခဲ့သည်။

ads

ဆွဲဆောင်မှုအပြည့်ဖြင့်သင်နဲ့ အတူရှိနေမယ့် Wall Art by Xenon

ဒီတစ်ပတ် အဖွဲ့သားတွေ ရန်ကုန်မြို့ထဲ အလည်အပတ်သွားရင်း ရောက်ခဲ့တဲ့ ဆိုင်လေး တစ်ခုအကြောင်းပြောပြချင်ပါတယ်။ ဆိုင်လေးအကြောင်းဆိုတာထဲမှာမှ ဆိုင်မှာ ပြင်ဆင်ထားတဲ့ ဆိုင်အပြင်အဆင်ကို အဓိကထားပြောချင်ပါတယ်။ ဆိုင်ကိုဝင်သွားတဲ့အခါ ဆိုင်ရဲ့အခင်းအကျင်းတွေထဲမှာ နံရံကမြင်ကွင်းတွေက စိတ်ကိုဆွဲဆောင်မှုအပြည့်ပေးနေပါတယ်။ ဆိုင်ကိုရောက်လာတဲ့သူတွေအတွက် အတိတ်ကို ပြန်လည်သတိရစေမယ့် အခင်းအကျင်းလေး တစ်ခုပါ။ ၁၉၈ဝ ခုနှစ်ကနေ ၁၉၉၅ ခုနှစ်အတွင်း ရန်ကုန်ရဲ့ အထင်ကရမြင်ကွင်းများစွာက သက်လတ်ပိုင်းအရွယ်တွေအတွက် အတိတ်နေ့ရက်တွေကိ်ု ပြန်လည် သတိရစေမှာပါ။ ရန်ကုန်ရဲ့ အငွေ့အသက်များစွာ လွှမ်းခြုံနေတဲ့လှပတဲ့ မြင်ကွင်းလေးဖြစ်အောင် အဓိက ပံ့ပိုးပေးထားတာက နံရံက Wallpaper တွေပါ။ ၁၉၈ဝ – ၁၉၉၅ အတွင်း ရန်ကုန်မြို့မှာ ဖြစ်ပျက်ခဲ့တဲ့ အထင်ကရ အဖြစ်အပျက်တွေ ၊ သတင်းတွေ သာမက ရန်ကုန်တကúသိုလ်မှအစ ရန်ကုန်ရဲ့ နာမည်ကြီး အဆောက်အဦတွေရဲ့ ပုံရိပ်တွေကို concept ယူပြီး Wallpaper အဖြစ် စိတ်တိုင်းကျ အရည်အသွေးမြင့် ပုံနှိပ်ထားတာဖြစ်ပါတယ်။ ဆွဲဆောင်မှုအပြည့်ပေးနေတဲ့ လွမ်းမောဖွယ်ရာ မြင်ကွင်းတွေပါပဲ။ ဆိုင်ကိုလာတဲ့ သူတွေရော၊ မရောက်ဖူးသေးတဲ့သူတွေပါ စိတ်ဝင်တစားနဲ့ ရောက်လာမယ့်နေရာတစ်ခုလို ့ ထင်မိပါတယ်။

ဒီ Wallpaper တွေနဲ့ ပတ်သက်ပြီး စိတ်ဝင်စားစရာကောင်းတာမို့ စာဖတ်ပရိသတ်အတွက်ပြန်လည် ဖော်ပြပေးလိုက်ပါတယ်။  ဒီဆိုင်လေးအတွက် Wallpaper တွေကို Wall Art by Xenon မှ တာဝန်ယူ ပုံနှိပ်ပြင်ဆင်ပေးထားတာဖြစ်ပါတယ်။ ဒီနေရာမှာ သုံးထားတဲ့ Wallpaper အကြောင်းလေးကို ပြောပြပေးချင်ပါတယ်။ Wall art by xenon မှာ Wallpaper တွေအကြောင်းကို လေ့လာ စုံစမ်းဖြစ်ခဲ့ပါတယ်။ Wall Art by Xenon ရဲ့ Wallpaper တွေက HP Latex Ink ကို အသုံးပြုပုံနှိပ်ထားတာကြောင့် အနံ့ ကင်းစင်တာကို တွေ့ရပါတယ်။  စားသောက်ဆိုင်တွေ ၊ ဘားတွေနဲ့ ကော်ဖီဆိုင်တွေအတွက် ဒါက တကယ့်ကို ရွေးချယ်ဖို့ အသင့်တော်ဆုံး နဲ့ အဓိကကျတဲ့ အချက်ပါ။ မဖြစ်မနေထည့်စဉ်းစားရမယ့် အချက်ပါ။ ဒါကို Wall Art by Xenon ရဲ့ Wallpaper တွေက အာမခံချက်ပေးနိုင်ပါတယ်။  နောက်တစ်ခုကတော့ အသုံးပြုတဲ့ ကုန်ကြမ်းတွေအကုန်လုံးဟာ ခဲ၊ နီကယ်လ် ဓာတ်များ ကင်းစင်ကြောင်း နိုင်ငံတကာစံချိန်စံညွှန်းနဲ့ အညီ Eco Logo နဲ့ Green Guard Certificate ရရှိထားတဲ့ အမျိုးအစား လည်းဖြစ်တာကြောင့် ကျန်းမာရေး အတွက်ယုံကြည်စိတ်ချစွာ အသုံးပြုနိုင်မှာပါ။

နောက်ထက်အထူးအားသာချက်ကတော့ ကိုယ်ကြိုက်နှစ်သက်တဲ့ ဒီဇိုင်း၊ ဓာတ်ပုံ ကိုပုံနှိပ်နိုင်တဲ့ အပြင် အတိုင်းအတာကိုလည်း လိုသလောက်အတိအကျ ရနိုင်ပါတယ်။ ကိုယ့်စိတ်ကူးထဲကအတိုင်း တစ်ထပ်တည်း ပုံဖော်နိုင်မှာပါ။ အနံ့ကင်းစင်တဲ့ HP Latex Ink ကို အသုံးပြုပြီး လိုသလောက် အတိုင်းအတာ ကိုသာပုံနှိပ်ရတာကြောင့် Wallpaper တွေကို မလိုအပ်ပဲ အပိုဝယ်စရာမလိုသလို၊ လိုသွားရင်လည်း အရောင် အဆင် မတူတော့တာမျိုး၊ ဝယ်ရခက်တာမျိုး မဖြစ်တော့ပဲ အလွယ်တကူနဲ့ Wall art by xenon မှာ ထက်မံပြီး ပုံနှိပ်ထုတ်ယူလိုက်ရုံပါပဲ။ အရမ်းကို အဆင်ပြေနေပါပြီ။ နောက်တစ်ခုက အခုနောက်ပိုင်းမှာခေတ်ရဲ့ အလိုအရ အခန်းအပြင်အဆင်ကို အချိန်ကာလအလိုက် ပြောင်းလဲ ပေးဖို့လိုပါတယ်။ ဒီလို ပြောင်းလဲချင်တဲ့အခါ အလွယ်တကူပြောင်းလဲနိုင်တာကလည်း Wallpaper တွေရဲ့ အားသာချက်တစ်ခုပါ။ ဒါတွေအားလုံး အဆင်ပြေစေဖို့က Wall Art by Xenon မှာ ရနိုင်ပါတယ်။ Wall Art by Xenonမှာ ရွေးချယ်စရာ ဒီဇိုင်းတွေအဆင်သင့်ရှိပါတယ်။ ဒီထဲကမဟုတ်ပဲ ကိုယ်ကြိုက်တဲ့ ပုံကို ပေးပြီးလည်း ပုံနှိပ် ရယူနိုင်တာကြောင့် မိမိလုပ်ငန်းနဲ့ အံဝင်ခွင်ကျဖြစ်မယ့် ၊ မိမိရဲ့ ဖောက်သည်တွေကို ဆွဲဆောင်မှု အပြည့်ပေးနိုင်မယ့် အပြင်အဆင်တွေနဲ့ ပိုမိုအောင်မြင်တဲ့ လုပ်ငန်း တစ်ခုဖန်တီးနိုင်ပါတယ်။ ကိုယ်ကြိုက်တဲ့ ဒီဇိုင်းလည်းရမယ်၊ ပစöည်းအပိုအလိုမရှိ တပ်ဆင်ရလွယ်ကူ အချိန်ကုန်သက်သာတာကြောင့်  ကုန်ကျစရိတ်တွေအလေအလွင့်မဖြစ်ဘူး ၊ အရည်အသွေးကောင်းတယ်၊ ကျန်းမာရေးအတွက်လည်း စိတ်ချရတဲ့ Eco Logo နဲ့ Green Guard Certificate ရရှိထားပြီး ၊ ခေတ်နဲ့အညီ ပြင်ဆင်ရတာလည်းလွယ်တယ်ဆိုတော့ Wall Art by Xenon ရဲ့ Wallpaper တွေက အသုံးပြုဖို့ အကောင်းဆုံးပါပဲ။ အခုလိုပဲ စားသောက်ဆိုင်၊ ကော်ဖီဆိုင်၊ ဘားတွေအတွက် လိုက်ဖက်ညီသင့်တော်မယ့် ဒီဇိုင်းတွေနဲ့ Wallpaperကို အသုံးပြုပြီး ဆိုင်ကို လာမယ့် ဧည့်သည်တွေကို ဆွဲဆောင်­နိုင်ပါတယ်။

စာဖတ်ပရိသတ်အတွက် Wall Art By Xenon ရဲ့ လိပ်စာကို စပ်စုခဲ့ကြပါသေးတယ်။ Wall Art By Xenon ရဲ့ Wallpaper ကို ဆက်သွယ်မှာယူချင်တယ်ဆိုရင်တော့ Xenon Premium Printing Shop အမှတ်(၇၈)၊ အနော်ရထာလမ်း၊ ၃၉လမ်း နှင့် ၄ဝလမ်း ကြား၊ ကျောက်တံတားမြို့နယ်၊ ရန်ကုန်မြို့ ။ ဖုန်း – ဝ၁ ၃၉၈၈၄၄၊ ဝ၉ ၄၂၈၃၀၇၇၇၇၊ ဝ၉ ၂၆၄၅၉၆၇၂၂ သို့ ဆက်သွယ်မေးမြန်းစုံစမ်းနိုင်ပါကြောင်း သတင်းပေး ဖော်ပြလိုက်ပါတယ်။

Myanmar Home & Decor Magazine ( Vol- 7, Issue – 5)

Photo – T Kyi Ye Yint  ­

လူဖတ်အများဆုံး ဆောင်ပါး (၅)ပုဒ်

  • မိသားစုအတွက် နွေးထွေးစေမယ့် အိမ်ကလေး
  • ၂၀၂၁ မှာ ဖုန်းရွှေကောင်းပြီး လာဘ်ပွင့်စေဖို့
  • အခန်းကျဉ်းမှ အခန်းကျယ်သယောင် အလှဆင်နည်း